JOHAN 8:24 - Laibaibal Thiang (BSI)

²⁴ Cucaah dah kaw nan sinah, “Sual ngeibu in nan thi lai,” kan ti hna cu. ‘Amah kha ka si’ ka timi hi nan zumh lo ahcun, nan sualnâk he nan thi hrimhrim ko lai,” tiah a ti.

Lai (Hakha) Common Language Bible 2006

²⁴ Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti hna.

JOHAN 8:24 ပူးပေါင်းရင်းမြစ်များ

PHUNGTHLÛKBIA 8:36

Asinain ka cungah sualnâk a tuahtu nih amah nunnak a hrawh i aka huatu vialte cu thihnâk a dawtu an si.”

MATTHAI 24:5

Zeitintiah mi tampi ka min chalh in a ra lai i mi tampi an hlen hna lai.

MARKA 13:6

Zeitintiah mi tampi ka min in an ra lai, “Amah cu ka si” tiah mi tampi an hlen hna lai.

MARKA 16:16

A zum i baptisma a ingmi cu khamh an si lai, asinain a zumlotu cu thiamlo a co lai.

LUKA 21:8

Anih nih, “An in hlen nâkhnga lo i ral ring u. Mitampi nih, ‘Amah cu ka si, an ti lo le, a cân a phân deng cang, tiah keimah min chalh in an ra lai. Cunbantuk mi cu zul hna hlah u.

JOHAN 13:19

A cân a phâk hlan in kan chimh hna, a phâk tikah keimah hrimhrim ka si tiah nan zumh khawh nâkhnga.

JOHAN 3:18

Amah a zummi pauh cu sualphawt an si lo; asinain Amah zum lomi pauh cu atu ah sualphawt a si cang, zeicatiah Pathian Fapa ngeihchun a min kha a zumh lo caah.

JOHAN 3:36

Fapa a zummi pauh nih zungzal nunnâk a ngeih cang, Fapa zumlomi pauh nih nunnâk an hmu lai lo, an cungah Pathian thinhunnâk tu a hmun.

JOHAN 4:26

Jesuh nih, “An chawntu hi Amah cu ka si,” tiah a ti.

JOHAN 8:21

Jesuh nih an sinah a chim ṭhân i, “Lo diam ka kal lai, nanka kawl lai i sual ngeibu in nan thi lai. Ka kalnâk dingah nan ra kho lai lo,” tiah a ti.

JOHAN 8:25

Annih nih, “Aho cu dah na si?” tiah an ti. Jesuh nih “Cucu dah kaw a hramthawk te in kan chimhmi hna kha a si cu,” tiah a ti.

JOHAN 8:28

Jesuh nih, “Mi Fapa hi nan târ hnu ah, ‘Amah cu ka si’ ti le keimah nawl in zeihmanh ka tuah lo i Pa nih a ka chimhning tein bia ka chim ti kha nan hngalh te lai.

JOHAN 8:58

Jesuh nih, “Biataktein, biataktein kan chimh hna, “Abraham um hlanah, a UMMI ka si,” tiah a ti hna.

LAMKALTU 4:12

Midang ahosinhmanhah khamhnâk a um lo, zeitintiah vanrang tang i min sakmi vialte lakah a kan khamh khotu mindang pakhat hmanh a um lo,” tiah a ti.

HEBRU 12:25

I ralring u Biachimtu hi nan rak hlawtsual lai. Zeitintiah vawlei i Biachimtu an duh lo ruangah hremnâk in an luat khawh lo ahcun van in Biachimtu zei i kan rel lo sual ahcun kan luat lo chin chin lai,

HEBRU 2:3

hi tluk in a nganmi khamhnâk hi zei rel loin kan um ahcun, zeitindah kan luat khawh lai? Cucu a hramthawk ah Bawipa nih a rak chim i a theitu hna nih kan sinah an fehter.