JOHAN 8:21 - Laibaibal Thiang (BSI)

²¹ Jesuh nih an sinah a chim ṭhân i, “Lo diam ka kal lai, nanka kawl lai i sual ngeibu in nan thi lai. Ka kalnâk dingah nan ra kho lai lo,” tiah a ti.

Lai (Hakha) Common Language Bible 2006

²¹ Jesuh nih annih cu a thawh ṭhan hna i, “Kei cu ka kal lai; nan ka kawl lai, sihmanhsehlaw nannih cu nan sualnak chungah nan thi lai. Ka kalnak hmun ah nannih cu nan ra kho lai lo,” tiah a ti hna.

JOHAN 8:21 ပူးပေါင်းရင်းမြစ်များ

PHUNGTHLÛKBIA 11:7

Misuaksual a thih tikah â ruahchanmi vialte zong a tlau dih lai i midik lo ruahchannâk zong a lotlau dih lai.

PHUNGTHLÛKBIA 14:32

Misuaksual cu a suahsualnâk lila nih a ṭhawl, asinain miding cu a thihnâk ah himnâk hmun a ngei.

MATTHAI 23:39

Bawipa min i a rami cu thangṭhat si ko seh, nati hlan pauh atu thawkin naka hmu ti lai lo,” tiah a ti hna.

MATTHAI 25:41

Cutikah, a kehlei mi hna sin zongah, ‘Chiatserh mi hna, zungzal mei, khuachia le a zultu hna ca i timhlamh miah ka kaltâk ko u;

MATTHAI 25:46

Cu hna cu zungzal hrem nâkah an kal lai i miding hna cu zungzal nunnâk ah an kal lai,” tiah a ti hna.

JOHAN 12:33

Cubia cu zeibantuk thihnâk phun in dah a thih lai tiah hngalhternâk caah a chimmi a si.

JOHAN 12:35

Jesuh nih, “Ceunâk hi cân tawite nan sinah a um. Ceunâk nan ngeih lio ah leng u. Culoahcun muihnâk nih an phâk sual hna lai. Khuamui ah mi a kal ahcun a panhmi hmun zong a hngal lo.

JOHAN 13:33

Nau le hna, cân tawite nan sinah ka um rih lai. Nannih nih nan ka kawl lai; Judah mi hna sinah, ‘Ka kalnâk ah nan ra kho lai lo,’ tiah ka rak chim cang bang khan, atu zongah kan chimh ṭhân hna.

JOHAN 7:34

Nannih nih nanka kawl lai i nanka hmu lai lo, ka umnâk zongah nan ra kho lai lo,” tiah a ti.

JOHAN 7:36

Nanka kawl lai i nanka hmu kho lai lo, ka umnâk zongah nan ra kho lai lo, a timi hi zeidah a sullam a si hnga?” tiah an ti.

JOHAN 8:24

Cucaah dah kaw nan sinah, “Sual ngeibu in nan thi lai,” kan ti hna cu. ‘Amah kha ka si’ ka timi hi nan zumh lo ahcun, nan sualnâk he nan thi hrimhrim ko lai,” tiah a ti.

EFESA 2:1

Cun nannih nawlbuarnâk le sualnâk ruangah a thimi nan si lioah Amah nih an nunter hna;