JOHAN 7:37 - Laibaibal Thiang (BSI)

³⁷ Thô ni donghnâk nisunglawi bik timi ah, Jesuh a dir i a au, “A ti a hâlmi pauh ka sinah ra seh law, ding seh.

Lai (Hakha) Common Language Bible 2006

³⁷ Puai donghnak ni kha a biapi bik ni a si. Cu ni ahcun Jesuh cu a dir i aw thang piin, “A ti a halmi paoh cu ka sinah ra u law ra ding u.

JOHAN 7:37 ပူးပေါင်းရင်းမြစ်များ

SALM 143:6

Ka kut hi na sinah ka thlir tawn, tihâlnâk ram bantukin ka nunnâk nih nangmah an hâl. (Selah)

SALM 42:2

Ka nunnâk hi Pathian hâl in, Pathian nung a hâl. Zeitikahdah ka phâk lai i ka Pathian hmai ah kâ langh ve lai?

SALM 63:1

Maw Pathian, nang cu ka Pathian na si; zingkâ teah kan kawl lai; ka nunnâk nih nangmah an hâl, ka thisa nih nangmah an ngai; a rocarmi le tihâlnâk ram ti umlonâk ah ummi ka si.

PHUNGTHLÛKBIA 1:20

Fimnâk kha thang ngaiin lenglei in a au, lamṭe kipah a aw chuah in a au.

PHUNGTHLÛKBIA 8:1

Fimnâk cu a au i theihthiamnâk nih a aw a chuah lo maw?

PHUNGTHLÛKBIA 8:17

Aka dawtu cu ka dawt ve hna i biatak tein aka kawltu hna nih anka hmuh lai.

PHUNGTHLÛKBIA 8:3

Khualipi luhnâk kutka hram le, luhnâk innkâ hram hna ah thang ngaiin a au,

PHUNGTHLÛKBIA 9:3

A umpi mi ngaknu a thlah hna i khualipi hmun sangbik in an au,

MATTHAI 11:28

Nannih a bami le thilrit a phormi vialte hna, kasin ah ra ulaw, dinhnâk kan pêk hna lai.

MATTHAI 3:3

Zeitintiah hihi profet Isaiah nih a rak chim chungmi, “Ramcar i au thawng nih, BAWIPA caah lam rak sial u law, ding tein a kalnâk lam cu remh u,” tiah a ti.

MATTHAI 5:6

Dinnâk i rawlṭâm tihalmi cu mithluachuak an si, zeitintiah khim tein an um te lai.

JOHAN 1:23

Anih nih, “Profet Isaiah nih a rak chim bangin, ‘Bawipa lam dinter u,’ tiah ramcar i au aw kha ka si,” tiah a ti.

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

JOHAN 4:10

Jesuh nih, “Pathian thilpêk le, dinawk ka pe, tiah an haltu hi hei hngal law cu, nangmah tu nih na hal lai i anih nih tinung an pêk ko hnga,” tiah a ti.

JOHAN 4:11

Minu nih, “Kapu, tikhor le a thûk, thlainâk le na ngei lo, cu tinnung cu khuazeiindah na hmuh?

JOHAN 4:14

asinain an sin i ka pêkmi ti a dingmi pauh cu an ti a hal ti lai lo. An sin i ka pêkmi ti cu anmah ah ti hna a um lai i zungzal nunnâk tiangin a luanglan lai,” tiah a ti.

JOHAN 5:40

Asinain nunnâk ngei dingin ka sin rat nan duh lo.

JOHAN 6:35

Jesuh nih, “Keimah hi nunnâk changreu cu ka si. Ka sin i a rami pauh cu a rawl a ṭâm ti lai lo. A ka zummi pauh cu a ti a hâl ti lai lo.

JOHAN 6:37

Pa nih aka pêkmi vialte ka sinah an ra lai, ka sin i a rami pauh cu ka dawn hna lai lo.

JOHAN 6:55

Zeitintiah ka taksa hi rawl tak a si i ka thisen hi dinawk taktak cu a si.

JOHAN 7:28

Cuticun ṭempal i a cawnpiak lio ah Jesuh a au i, “Nanka hngalh, ka chuahnâk tiangin nan hngalh. Asinain keimah nawl i a rami ka si lo. Aka thlahtu hi mi taktak a si i Amah cu nan hngal lo.

1 KORIN 10:21

Bawipa hrai le khuachia hrai nan ding`i kho lai lo. Bawipa cabuai ta le khuachia cabuai ta zong nan eiṭi kho lai lo.

1 KORIN 10:4

an dihlakin thlarau lei dinawk hmunkhat ah an din dih. Anmah zultu thlarau lei lungpi chungin an din cio i cu lungpi cu Krih a si.

1 KORIN 11:25

Cubagin zanriah ei dih ah hrai zong cu a lâk i, “Hi hrai hi ka thisen i biakam thar cu a si. Keimah philhlonâk ah rakding tawn u,” tiah a ti kha.

1 KORIN 12:13

Zeitintiah Judah siseh, Grik siseh, sal siseh, zalongmi si hna seh Thlarau pakhat i baptisma in ter in kan um dih, cu Thlarau pakhat cu a kan dinter ciomi a si.

EFESA 5:18

Cun misur hang ri hlah u, cucu lohtlau tertu a si, Thlarau tu in khat deuh u.

BIAPHUAN 21:6

Cun ka sinah, “Lîm a si cang! Keimah cu Alpha le Omega, Hramthawknâk le Donghnâk. Ati a hâlmi kha nunnâk cerhti man lo tein ka pêk hna lai.

BIAPHUAN 22:1

Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.

BIAPHUAN 22:17

Cun Thlarau le mo nih, “Ra!” an ti. A theimi hna nih, “Ra!” ti hna seh. Ati a hâlmi pauh cu ra in, a duhmi pauh nih, nunnâk ti hi man loin la hna seh.