JOHAN 7:28 - Laibaibal Thiang (BSI)

²⁸ Cuticun ṭempal i a cawnpiak lio ah Jesuh a au i, “Nanka hngalh, ka chuahnâk tiangin nan hngalh. Asinain keimah nawl i a rami ka si lo. Aka thlahtu hi mi taktak a si i Amah cu nan hngal lo.

Lai (Hakha) Common Language Bible 2006

²⁸ Jesuh nih biakinn chung i a cawnpiak hna ah cun aw thang piin “Keimah cu nan ka hngalh taktak i khuazei in dah ka rat kha nan hngalh taktak. Sihmanhsehlaw kei cu keimah nawl in a rami ka si lo. A ka thlahtu cu ahmaan taktakmi kha a si i amah cu nan hngal lo.

JOHAN 7:28 ပူးပေါင်းရင်းမြစ်များ

SALM 9:10

Na min hngaltu hna nih nangmah an in bochan lai; zeitintiah BAWIPA nangmah kawltu hna cu na kaltâk bal hna lo.

MATTHAI 11:27

Ka Pa nih thil vialte ka kut ah a chiah cang, Pa dah ti lo cun ahohmanh nih Fa hi an hngal lo. Pa zong cu Fa le an sin i Fa nih a hngalhter duhmi dah ti lo cun ahohmanh nih an hngal kho lo.

MATTHAI 2:23

Nazaret khua ah an um i profet nih, “Nazaret khuami ti a si lai” tiah a rak chim chungmi a tlin nâkhnga caah a si.

MATTHAI 26:55

Cu lio ah Jesuh nih mizapi sinah, vainam le tanbo i put in damiah tlaiding bangin nan rak pok maw? Nichiarte ṭempal ah ka cawnpiak hna i nanka tlai fawn lo.

LUKA 10:22

Ka Pa nih zeizong vialte ka kutah a chiahcang. Pa in dah tilo cun Fapa hi mizei a si kha ahohmanh nih an hngal lo. Pa zong cu mizei a si tiah, Fapa le an sin i Fapa nih a phuanduhnâk dah ti lo cun ahohmanh nih an hngal kho lo,” tiah a ti.

LUKA 2:11

Ni hin ah hin David khua ah nan caah Khamhtu a chuak cang, Bawi Krih cu.

LUKA 2:39

Cubangin Bawipa nawlbia bang i thil vialte an tuah dih hnu ah Galili ram i an khua Nazarel ah an tlung ṭhân.

LUKA 2:4

Josef zong David hrinthlak le chungkhar a si caah Galili ram Nazaret khua in Judia ram Bethlehem, David khua ah

LUKA 2:51

Cuticun an sinah a kal ve i Nazaret an phâk tikah an nawl tangah a um, asinain anu nih cuthil hna cu a lungchungin â cinken.

JOHAN 1:46

Nathanael nih, “Nazaret khua in thilṭha a chuak kho maw?” tiah a ti. Filip nih a sinah, “Rakzoh hmanh,” tiah a ti.

JOHAN 10:36

Pa nih a thleidanmi le vawlei i a thlahmi nih, ‘Pathian Fapa ka si,’ ka ti rungah, (Pathian) cawhdehtu nanka ti kho lai maw?

JOHAN 12:49

Zeitintiah keimah nawl i a chimmi ka si lo. Pa, aka thlahtu cu ka chim ding le ka phuan ding bia aka petu a si.

JOHAN 14:10

Pa i ka um le, keimah i Pa a um hi na zum lo maw? Nan sin i ka chimmi bia hna hi keimah nawlngeihnâk in ka chim lo, keimah i a ummi Pa rianṭuan a si.

JOHAN 14:31

Asinain keinih Pa ka dawt le Pa nih nawl aka pêk bantukin thil ka tuah tawn ti hi vawlei nih a hngalh khawh nâkhnga caah a si. Tho tuah u, hi ka hin kal tuah u sih.

JOHAN 16:3

Pa le kei an kan hngalh lo ruangah cuthil cu an tuah te lai.

JOHAN 17:25

Maw, a dingmi ka Pa, vawlei nih an hngal lo i keinih cun kan hngalh, hi hna zong nih naka thlah tihi an hngalh ve cang.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

JOHAN 3:2

Cupa cu zanah Jesuh sinah a ra i “Rabbi, Pathian sinin a rami cawnpiaktu na si kha kan hngalh, na tuahmi hmelchunhnâk hna hi Pathian umpi lo ahcun ahohmanh nih an tuah kho lai lo,” tiah a ti.

JOHAN 3:33

A hngalhtermi bia a zumtu nih Pathian cu a dikmi a si, tiah a fehter.

JOHAN 5:32

Ka kong hngalhtertu midang a um, Amah nih ka kong a hngalhtermi cu a dik ti ka hngalh.

JOHAN 5:43

Ka Pa minin ka ra i nan ka cohlang lo, midang anmah min in ra hna sehlaw, nan cohlan hna lai.

JOHAN 6:42

Hipa hi Josef fapa, Jesuh a si lo maw, anu le apa zong kan theih ko hna? Van in ka rung ṭum, tiah zeitindah a ti khawh? tiah an ti.

JOHAN 7:14

Thô laifang ah Jesuh cu ṭempal ah a kal i a cawnpiak hna.

JOHAN 8:14

Jesuh nih a leh hna i, “Ka kong i hngalhter hmanhning law, ka hngalhtermi bia hi a dikmi a si, zeitintiah khawzei in dah ka rat i khawzeiahdah ka kal lai kha ka hngalh, nannih nih ka chuahnâk le ka kalnâk ding nan hngal lo.

JOHAN 8:16

Ceih hmanh ning law, ka biaceihnâk cu a dik lai, zeitintiah keimah lawngin ka um lo, aka thlahtu he kan umṭi.

JOHAN 8:19

Annih nih, “Na Pa cu khuazeiahdah a um?” tiah an ti. Jesuh nih, “Nannih nih nanka hngal lo, Ka Pa zong nan hngal hlei lo. Ka hngal ulaw, ka Pa zong nan hngalh ko hnga,” tiah a leh hna.

JOHAN 8:26

Nan kongah hin chim le ceih awk tampi ka ngei, zeiasihmanhah aka thlahtu cu mi dik a si: Asin in ka theihmi bia pauh vawlei sinah ka hngalhter tawn,” tiah a ti.

JOHAN 8:42

Jesuh nih, “Pathian nan pa a si ahcun, nan ka dawt lai. Zeitintiah Pathian sin i a chuakmi le, a sinin a rami ka si. Keimah nawlin ka ra lo, Amah nih a ka thlah.

JOHAN 9:29

Pathian nih Moses a chawnh tiah kan hngalh, hi pa hi khawzei leimi dah a si kan hngal lo,” tiah fakpi in an sîk.

LAMKALTU 17:23

Kâ chawhleh pah in nan biakmi hna ka zoh i bia`heng pakhat cungah, “HNGALH LOMI PATHIAN CAAH” tiah ṭialmi ka hmuh. Cuticun hngalh lo buin nan biak tawnmi kha, cu kong cu kan chimh hna.

ROM 1:28

Pathian kong hngalh kha an duh lo i a niammi ruahnâk ngeih awk le tuah awkah â tlak lomi tiang tuah dingin Pathian nih hnulei a chit hna.

ROM 3:4

Si naisai hlah! Pathian cu a dikmi si sehlaw, mikip hi lih chimmi si hna seh. “Nang nih Na bia in thiam na co i biaceih na si tikah na tei khawh nâkhnga,” tiah ṭialmi bang khan.

2 KORIN 1:18

Pathian cu zumhawktlâk a si bantukin nan sin i ka chimmi zong asi, tile a silo, ti ṭhân mi men men a si lo.

2 KORIN 4:6

Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter.

TITAS 1:2

Cân hramthawk hlan in a rak kamh cangmi zungzal nunnâk ruahchannâk kha lih a chim kho lomi Pathian nih a cân hmân teah,

HEBRU 6:18

cucu thlenkhawh lomi thil pahnih: lihchim kholo Pathian a sinâk le, kan hmai i a chiahmi ruahchannâk hmuh awkah le himnâk ca i a zâmmi hna caah a ṭhawngmi hnangamnâk kan ngeih khawhnâk kha an si.

1JOHAN 5:10

Pathian Fapa zumtu nih amah ah hngalhnâk a ngei. Pathian a zumlotu nih Amah cu lihchim ah a canter, a chan cu Pathian nih a Fapa kong i a hngalhtermi a zumh lo caah a si.