JOHAN 6:54 - Laibaibal Thiang (BSI)

⁵⁴ Ka taksa a ei i ka thisen a dingmi pauh cu zungzal nunnâk a ngei cang, cun ni donghni ah a mah cu ka thawhter lai.

Lai (Hakha) Common Language Bible 2006

⁵⁴ Ka sa a ei i ka thi a dingmi paoh nih zungzal nunnak an ngei i hmanung bik ni ah nunnak ah ka thawhter hna lai.

JOHAN 6:54 ပူးပေါင်းရင်းမြစ်များ

SALM 22:26

Sifâk hna nih an ei lai i an khim lai. Amah kawltu hna nih BAWIPA cu an thangṭhat lai. Nan lungthin kha zungzal in i hlau ko seh.

JOHAN 4:14

asinain an sin i ka pêkmi ti a dingmi pauh cu an ti a hal ti lai lo. An sin i ka pêkmi ti cu anmah ah ti hna a um lai i zungzal nunnâk tiangin a luanglan lai,” tiah a ti.

JOHAN 6:27

A rawkral khomi rawl ruah ah i phar len hlah u, Mi Fapa nih pêk an timhmi hna rawl ruah tu ah i pharlen u; zeicatiah Pa Pathian nih Amah cu a chinchiah cang.

JOHAN 6:47

Biataktein, biataktein kan chimh hna, aka zummi pauh cu zungzal nunnâk a ngei cang.

JOHAN 6:55

Zeitintiah ka taksa hi rawl tak a si i ka thisen hi dinawk taktak cu a si.

JOHAN 6:63

Nuntertu cu Thlarau a si, taksa cu san a tlai lo. Nan sin i bia ka chimmi hi thlarau an si i nunnâk zong an si.

GALATI 2:20

Krih sinah khenhchih in ka um nain ka nung; keimahtu ka si ti lo, Krih cu keimah ah a nung cang, atu thisa i ka nun hi, Pathian Fapa, aka daw i ka ai ah â pemi zumhnâk ah ka nung.