JOHAN 6:37 - Laibaibal Thiang (BSI)

³⁷ Pa nih aka pêkmi vialte ka sinah an ra lai, ka sin i a rami pauh cu ka dawn hna lai lo.

Lai (Hakha) Common Language Bible 2006

³⁷ Ka Pa i a ka pekmi paohpaoh cu ka sinah an ra lai i ka sin i a rami paohpaoh cu ahohmanh ka dawn hna lai lo.

JOHAN 6:37 ပူးပေါင်းရင်းမြစ်များ

SALM 102:17

Chambaumi hna thlacamnâk cu a ngaihpiak hna i an nawlnâk cu zeirel loin a um lo.

SALM 110:3

Na mi kha na ṭhawnnâk ni ah, anmah lungtho tein an i pe ko lai; â dawhmi thiannâk in zinglei khua a dei tikah na no lio cân dapti cu na ngeih lai.

MATTHAI 11:28

Nannih a bami le thilrit a phormi vialte hna, kasin ah ra ulaw, dinhnâk kan pêk hna lai.

MATTHAI 24:24

Zeitintiah krih deu le profet deu an chuak lai i a nganmi hmelchunhnâk le khuaruahharnâk tuah in an in hlen hna lai. Si kho sehlaw thimmi hmanh an hlen khawh hna lai.

JOHAN 17:11

Atu cu vawlei ah ka um ti lai lo, annih cu vawlei i ummi an si. Na sinah kara lai. A thiangmi ka Pa, naka pêkmi hna hi na min in kilveng ko hna, kannih pumkhat kan si bantukin pumkhat an si khawh nâkhnga.

JOHAN 17:2

Mi vialte cung i nawlngeihnâk na pêk bangin, Anih zong nih na pêkmi vialte zungzal nunnâk a pek khawh hna nâkhnga.

JOHAN 17:24

Kapa, naka pêkmi hna hi ka umnâk i ka sinah umter ka duh hna, naka pêkmi sunparnâk kha an hmuh khawh nâkhnga. Vawlei umhlan hmanh in Nangmah nih naka dawt cang.

JOHAN 17:6

Vawlei in naka pêkmi hna sinah na min cu ka phuan cang. Annih cu nata an si, ka sinah naka pêk i annih nih na bia an i nunpi.

JOHAN 6:39

Hihi aka thlahtu Pa duhnâk cu a si, aka pêkmi vialte thlau loin ni dongh ni ah thawhter ding hi.

JOHAN 6:65

Cun a chim ṭhân i, “Cucaah dahkaw nan sinah Pa nih a pêk hna dah ti lo ahcun ahohmanh ka sinah nan ra kho lo, tiah kan ti hna kha,” tiah a ti.

JOHAN 9:34

Annih nih, “Nang sual tlingte he a chuakmi nih nakan cawnpiak lai maw?” tiah an ti i an ṭhawl.

ROM 5:20

Cu hlei ah, nawlbia a um tikah sualnâk a tam chin. Asinain sualnâk a tam pauh le zângfahnâk a tam chinchin ve,

FILIPI 1:29

Zeitintiah Krih aiawh i rian pêk nan si ah hin, Amah nan zumh lawng si loin Amah ruang i temtuar zong pêkchih nan si,

1TIMOTE 1:16

Asinain hi ruangah hin velngeihnâk ka hmuh hi a si, cucu Jesuh Krih nih ka cungah a lungsaunâk vialte a langhter hmasa i atu thawkin zungzal nunnâk co awkah a zum hngami hna caah zohchunh awk a si nâkhnga.

2TIMOTE 2:19

Asinain a fekmi Pathian lungphun cu a dirpeng ko, hi hmelchunhnâk hi a ngei: “Bawipa nih Ami le cu a hngalh” ti le, “Bawipa min a hlammi pauh nih sual kaltâk seh ti hi.”

HEBRU 4:15

Zeitintiah kan derthawmnâk a kan ruahpiak kho lotu Tlângbawi Ngan a ngeitu kan si lo, kanmah bangin a phun kipin tukforhnâk a rak tong nain, a sual lomi ngeitu kan si.

HEBRU 7:25

Cucaah Amah lan in Pathian sinah a rami hna cu a dongh tiangin a khamh khawh hna, zeicatiah an ca i nawlpiak dingin zungzal i a nun peng caah.

1JOHAN 2:19

Annih cu kanmah mi taktak an si lo caah ankan chuahtâk, zeitintiah kanmah mi taktak sihna sehlaw kan sinah an um peng ko hnga, asinain kanmah mi taktak an silo ti kha a fiannâk ah an kan chuahtâk nâk hi a si.

BIAPHUAN 22:17

Cun Thlarau le mo nih, “Ra!” an ti. A theimi hna nih, “Ra!” ti hna seh. Ati a hâlmi pauh cu ra in, a duhmi pauh nih, nunnâk ti hi man loin la hna seh.