JOHAN 6:14 - Laibaibal Thiang (BSI)

¹⁴ Jesuh nih cubantuk hmelchunhnâk a tuahmi an hmuh tikah, mizapi nih, “Hi pa hi Profet, vawlei i a ra din cu a si taktak ko,” tiah an ti.

Lai (Hakha) Common Language Bible 2006

¹⁴ Cuka i a ummi hna nih cun hmelchunhnak a tuahmi kha an hmuh tikah, “Hi pa hi vawlei cungah a ra lai timi Profet kha a si hrimhrim ko,” an ti.

JOHAN 6:14 ပူးပေါင်းရင်းမြစ်များ

MATTHAI 11:3

A sinah, “A ra dingmi cu na si maw, midang dah kan hngah rih lai? tiah an hal.

MATTHAI 21:11

Mizapi nih, ‘Hihi Jesuh, Galili ram i Nazareth khua mi Profet a si, tiah an ti.

LUKA 24:19

Anih nih, “Zei thil dah?” tiah a ti. Annih nih, “Nazaret Jesuh, Pathian le mi vialte mit hmuh ah bia le tuahsernâk i a min a thang ngaimi profet kong cu ta,

LUKA 7:16

Mi vialte cungah ṭihnâk a phân i Pathian an thangṭhat. “Kan lakah Profet lianngan a rak phân a si hih,” tiah an ti. “Pathian nih a mi hna a rak veh hna,” tiah an ti ṭhân.

JOHAN 1:21

Annih nih, “A si ah, ahodah na si kun, Elijah na si maw? tiah an hal. Anih nih, “Ka si lo,” tiah a ti. Profet na si maw? an ti i “Ka si lo” tiah a leh hna.

JOHAN 11:27

Anih nih, “Ka zumh, Bawipa, Krih Pathian Fapa, vawlei i a ra dingmi na si kha ka zumh,” tiah a ti.

JOHAN 2:11

Jesuh nih i hmelchunhnâk tuah a thawknâk hi Galili ram i Kana khua ah a si: A sunparnâk a langhter i a lamkaltu hna nih Amah kha an zumh.

JOHAN 4:19

Minu nih, “Kapu, profet na si kha ka hngalh cang.

JOHAN 4:25

Minu nih, “Mesiah, (Krih an timi cu) ara lai tiah ka hngalh, Amah a rat tikah thil vialte a ka chimh te ko lai,” tiah a ti.

JOHAN 4:42

Cuticun minu sinah, “Atu cu na bia thawngin a zummi kan si ti lo, zeitintiah kanmah hrimhrim nih a bia kan theih i hihi Krih vawlei Khamhtu a si hrim hrim ko tiah kan hngalh,” tiah an ti.

JOHAN 6:2

Cuticun mizaw hna cung i hmelchunhnâk a tuahmi kha an hmuh cang caah Amah cu mi tampi nih an zulh.

JOHAN 6:26

Jesuh nih, “Biataktein, biataktein kan chimh hna, hmelchunhnâk nan hmuh ruangah, nanka kawlmi a si lo, changreu khim tein nan ei ruangah a si.

JOHAN 6:30

Annih nih, “Kan hmuh i kan in zumh khawh nâkhnga, zeibantuk hmelchunhnâkdah na tuah lai? zei rian dah na ṭuan lai?

JOHAN 7:40

Mizapi lakah mi tampi nih cu bia an theih tikah, “Hi pa hi profet a si hrimhrim ko,” tiah an ti.

LAMKALTU 7:37

“Hihi Moses nih Israel tefa hna sin i a chimmi cu a si. BAWIPA nan Pathian nih keimah bantuk profet pakhat nan unau hna chungin a chuahter te lai, amah bia cu nan rak ngaih lai.