JOHAN 5:22 - Laibaibal Thiang (BSI)

²² Zeitintiah Pa nih ahohmanh an bia a ceih ballo, biaceihnâk vialte cu Fapa sinah a pêk cang,

Lai (Hakha) Common Language Bible 2006

²² Cun ka Pa nih hin ahohmanh hi amah lawngin bia a ceih hna lo, a Fapa tu hi biaceihnak nawl tling kha a ka pek,

JOHAN 5:22 ပူးပေါင်းရင်းမြစ်များ

SALM 96:13

BAWIPA hmaiah, zeitintiah amah cu a ra, zeitintiah amah cu vulei bia ceih awk ah a ra. Amah nih vulei hi dinnâk in bia a ceih lai i Biatak in mikip kha bia a ceih hna lai.

SALM 98:9

zeitintiah vulei biaceih awk ah a ra. Vawlei hi dinnâk in bia a ceih lai i ruang tein mi kha bia a ceih hna lai.

MATTHAI 11:27

Ka Pa nih thil vialte ka kut ah a chiah cang, Pa dah ti lo cun ahohmanh nih Fa hi an hngal lo. Pa zong cu Fa le an sin i Fa nih a hngalhter duhmi dah ti lo cun ahohmanh nih an hngal kho lo.

MATTHAI 16:27

Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

MATTHAI 28:18

Cun Jesuh cu an sinah rain bia a chimh hna, “Lei le van i nawlngeihnâk vialte ka sinah pêk a si cang.

JOHAN 17:2

Mi vialte cung i nawlngeihnâk na pêk bangin, Anih zong nih na pêkmi vialte zungzal nunnâk a pek khawh hna nâkhnga.

JOHAN 3:35

Pa nih Fapa a dawt i a kut ah zeizong vialte a pêk cang.

JOHAN 5:27

cun Mi Fapa a si ruangah a sinah biaceih dingin nawlngeihnâk zong a pêk.

JOHAN 9:39

Jesuh nih, “Hi vawlei ah hin biaceih dingah ka ra, mitcaw hna an mit a deinâk hnga le, mit deimi hna, an mit a cawt nâkhnga,” tiah a ti.

LAMKALTU 10:42

Amah cu mithi le minung hna cungah Biaceihtu dingah Pathian ruahmi a sinâk mi sinah phuang dingah le hngalhpi dingah Amah nih nawl a kan pêk.

LAMKALTU 17:31

Dinnâk in vawlei hi bia a ceih lainâk ni kha a khiah cang i biaceihtu ding zong a ruah cang. Cucu mi vialte nih an hngalhfian khawh nâkhnga thihnâk in a thawhter,” tiah a ti.

ROM 2:16

thawngṭha ka chimmi ningin Pathian nih minung hna biathli cu Jesuh Krih in a ceih te lai.

2 KORIN 5:10

Zeitintiah mikip nih taksa in a chia a ṭha an tuahmi vialte an hmuh ṭhân dih nâkhnga, Krih biaceihnâk ṭhutdanh hmai ah langhter kan si dih lai.

2TIMOTE 4:1

Pathian le Bawipa Jesuh Krih hmaiah a pennâk le mithi le minung hna biaceih awkah a lang laimi hmaiah nawl kan pêk:

1 PETER 4:5

Cuhna nih cun mithi le minung hna biaceih awk ah timhcia in a ummi hmai ah anmah kong an i chim cio te lai.