JOHAN 5:17 - Laibaibal Thiang (BSI)

¹⁷ Asinain Jesuh nih, “Ka pa, nih atu tiangin rian a ṭuan i kei zong nih ka ṭuan ve,” tiah a ti hna.

Lai (Hakha) Common Language Bible 2006

¹⁷ Jesuh nih cun annih cu a thawh hna i, “Ka Pa cu rian a ṭuan zungzal i cucaah kei zong nih ka ṭuan ve awk a si,” tiah a ti.

JOHAN 5:17 ပူးပေါင်းရင်းမြစ်များ

SALM 65:6

Ṭhawnnâk in â thuam i ṭhawnnâk in tlâng a fehtertu na si.

MATTHAI 10:29

Pithlung pahnih kha phaisa sen pakhat ah an zuar tawn. Cu hna lak i pakhat te hmanh khi nan Pa theihpi loin an tlonglêng lo.

JOHAN 10:36

Pa nih a thleidanmi le vawlei i a thlahmi nih, ‘Pathian Fapa ka si,’ ka ti rungah, (Pathian) cawhdehtu nanka ti kho lai maw?

JOHAN 14:10

Pa i ka um le, keimah i Pa a um hi na zum lo maw? Nan sin i ka chimmi bia hna hi keimah nawlngeihnâk in ka chim lo, keimah i a ummi Pa rianṭuan a si.

JOHAN 5:16

Sabbath ni ah cubantuk thil a tuah ruangah Judah mi nih Jesuh cu an serhsat i thahnâk ding lam kha an kawl.

JOHAN 5:18

Judah mi nih thah an timh chin chin, zeicatiah Sabbath a buar lawng si loin, Pathian khi ka Pa, a ti ruangah le Pathian tlukah â ruah ruangah a si.

JOHAN 9:4

Chûn a si lio ah aka thlahtu rian ka ṭuan awk a si; zan a rak phân lai. cu cân ah cun ahohmanh nih rian an ṭuan kho ti lai lo.

LAMKALTU 14:17

Asinain Amah cu a um hrimhrim tiah i hngalhter loin a um bal lo. Cu â hngalhternâk hna cu, ṭhatnâk a tuah tawn i van in ruah hna a surter, nan thlai hna nih theipar tampi in an chuah, ei awk le lawmhnâk in nan lungthin a khahter tawn,” tiah an ti.

LAMKALTU 17:28

Zeitintiah Amah ah, kan nung, kan cawl, kan câng i khua kan sa, nan hlaphuah thiam hna zong nih, “Kannih zong a tefa kan si ve,” an rak ti bang khan.

1 KORIN 12:6

Cun rian ṭuanning a phunphun a um, asinain zeizong vialte i rianṭuantu Pathian cu â khat ko.

KOLOSE 1:16

Zeitintiah thil vialte, van i a ummi siseh, lei i a ummi siseh, hmuh khawhmi siseh, hmuh khawh lomi siseh, bawi ṭhutdan siseh, pennâk le nawlngeihnâk vialte hna hi Amah in ser an si. Zeizong vialte hi Amah thawng le Amah caah sermi an si;

1THESALON 2:13

Hiruangah hin ngol loin Pathian sinah lawmhnâk bia kan chim, zeicatiah kan sin in nan theihmi Pathian bia nan cohlan tikah minung bia bangin nan cohlang lo, i biatak ngaiin Pathian bia bangin nan cohlan, cucu a zumtu sinah santlai ngaiin rian a ṭuntu hi a si.

HEBRU 1:3

Amah hi a sunparnâk ceu cu a si i Mi a sinâk kokek taktak langhtertu a si, a bia ṭhawnnâk nih zeizong vialte hi a tlaih i kan sualnâk kha Amah hrimhrim nih a thianter hnu ah Cungnung bik orhlei kamah a ṭhu.