JOHAN 3:6 - Laibaibal Thiang (BSI)

⁶ Taksa in hrin cu taksa a si, Thlarau in hrin cu thlarau a si.

Lai (Hakha) Common Language Bible 2006

⁶ Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si.

JOHAN 3:6 ပူးပေါင်းရင်းမြစ်များ

SALM 51:10

Maw Pathian, ka chungah lungthin thiang ser ṭhân law, keimah ah hin a fekmi thlarau kha tharchuah hrâm ko.

JOHAN 1:13

Cu hna cu thisen i hrin an si lo, pumsa duhnâk i hrin an si lo, pa duhnâk i hrin an si lo, Pathian hrin an si.

JOHAN 3:7

Na hrinṭhân hrimhrim lai kan timi hi na khuaruah har hlah.

ROM 7:18

Zeitintiah keimah ah (cucu ka thisa ah tinâk a si) ṭhatnâk a um lo ti kha ka hngalh; zeitintiah ṭhatnâk tuah duhnâk cu ka ngei, asinain zeitindah ṭhatnâk cu ka tuah lai ti kha a lam ka hmu lo.

ROM 7:25

Kan Bawipa Jesuh Krih thawngin Pathian sinah lawmhnâk bia ka chim! Cuticun ka ruahnâk nih Pathian nawlbia kha a rian i ka pumsa tu nih sual nawlbia kha a rian tawn.

ROM 7:5

Zeitintiah thisa i kan um lioah khan, nawlbia nih a thawhtermi sual duhnâk nih kan pum ṭengnge hna ah thihnâk tiang a chuahpitu theitlai a chuahpi tawn.

ROM 8:13

Zeitintiah thisa leiin nan nun ahcun nan thi lai, asinain pumsa duhnâk kha Thlarau in nan thah ahcun nan nung lai.

1 KORIN 6:17

Asinain Bawipa a pehtu cu amah he thlarau ah pumkhat an si.

2 KORIN 5:17

Cucaah mizei pauh Krih ah a um ahcun sertharmi a si, thilhlun cu an lo i ngaihmanh u, zeizong vialte a thar cang.

GALATI 5:24

Cun Krih Jesuh ta a simi hna nih an thisa cu a duhnâk le tlaihchannâk hna he an khenhchih cang.

EFESA 2:3

kannih zong hlanah cun kan thisa duhnâk zulin anmah bantukin kan rak um ve, thisa ruahnâk le duhnâk zulh in kan rak nung i midang bantukin kan kokek in thinhunnâk fa kan rak si.

KOLOSE 2:11

Krih cuarpartannâk ah, pumsa sual duhnâk kha i phoih in, kut i cuarpartan si loin Amah ah cuarpartan nan si.

1JOHAN 3:9

Pathian hrin a simi pauh nih, a chungah Pathian ci a hmunh caah sualnâk an tuah peng lo, Pathian hrin a si caah sualnâk a tuah peng kho lo.