JOHAN 3:5 - Laibaibal Thiang (BSI)

⁵ Jesuh nih, “Biataktein, biataktein kan chimh. Thlarau le ti ah hrin lomi cu Pathian pennâk ah a lut kho lai lo.

Lai (Hakha) Common Language Bible 2006

⁵ Jesuh nih cun, “Biatak tein kan chimh: ahohmanh ti le thlarau in hrin a si lo ahcun Pathian Pennak chungah cun a lut kho lai lo.

JOHAN 3:5 ပူးပေါင်းရင်းမြစ်များ

MATTHAI 18:3

“Biataktein kan chimh hna, nan i leh i ngakchia bantuk ah nan i can lo ahcun vanbawi pennâk ah nan lut hrimhrim lai lo.

MATTHAI 19:24

Kan chimh ṭhân hna, “Pathian pennâk chung i mirum luhnâk cha cun kalauk ṭhim hna i luh a fawi deuh,” tiah a ti.

MATTHAI 21:31

Cu hna pahnih lakah ahonihdah an pa duhnâk a tuah deuh hnga? tiah a ti. Annih nih, “A hmaisa deuh nih ta,” tiah an ti. Jesuh nih an sinah, “Biataktein kan chimh hna, ngun khuai khawltu hna le hlawhhlang hna nih vanbawi pennâk chungah an in luhkanh dih hna,” tiah a ti.

MATTHAI 28:19

Cucaah kal ulaw, miphun kip kha ka zultu va siter hna u, Pa le Fapa le ThiangThlarau minah Baptisma pe hna u law,

MATTHAI 3:11

Kei nih ngaihchih hmelchunhnâk caah ti in baptisma kan pêk hna, ka hnu i a ra laimi cu keimah nâkin a ngan deuh, a kedan putu hmanh ah kâ tlâk lo. Amah nih Thiang Thlarau le mei in baptisma an pêk hna lai.

MATTHAI 5:20

Zeitintiah nan dinnâk nih nawlbiacawnpiaktu hna le Farasih hna dinnâk a lonh lo ahcun vanbawi pennâk ah nan lut hrimhrim lai lo, tiah kan chimh hna.

MARKA 10:14

Cucu Jesuh nih a hmuh tikah a lung a si lo ngaingai i lamkaltu hna sinah, “Ngakchia kha ka sinah ratter ulaw, dawn hna hlah u, Pathian pennâk cu hibantuk hna caah a si.

MARKA 16:16

A zum i baptisma a ingmi cu khamh an si lai, asinain a zumlotu cu thiamlo a co lai.

MARKA 9:47

Na mit nih an sualter ahcun coih law hlawnh. Mit pahnih he hell, a mit bal lomi mei i hlawnhnâk cha cun, mit pakhat he nunnâk i kal na caah a ṭha deuh.

LUKA 13:24

“Kutka bi ah luh i tim u, kan chimh hna, mitampi nih luh an timh na in, an lut kho lo.

LUKA 13:3

A si lo, kan chimh hna, nan i ngaihchih lo ahcun anmah bangin nan lotlau dih lai.

LUKA 13:5

A si lo, kan chimh hna, nan i ngaihchih lo ahcun anmah bantukin nan lo tlau dih lai.

JOHAN 1:13

Cu hna cu thisen i hrin an si lo, pumsa duhnâk i hrin an si lo, pa duhnâk i hrin an si lo, Pathian hrin an si.

JOHAN 3:3

Jesuh nih, “Biataktein, biataktein kan chimh, hrinṭhân a si lomi cu, Pathian pennâk a hmu kho lai lo,” tiah a ti.

JOHAN 3:4

Nikodimu nih, “Mi a tar hnu ah zeitindah hrin cu a si khawh lai? A nu pawchungah lut ṭhân in hrin cu a si kho lai maw?” tiah a ti.

LAMKALTU 2:38

Peter nih, “I ngaichih ulaw, nan sual ngaihthiamnâk caah Jesuh Krih min in Baptisma ing u; cun pekmi Thiang Thlarau hi nan co lai.

LAMKALTU 3:19

Cucaah nan sualnâk hlohpiak a si khawh nâkhnga i ngaichih ulaw, Pathian sinah kir u, cuticun Bawipa sinin tharchuahnâk cân a phân kho lai,

ROM 14:17

zeitintiah Pathian pennâk cu ei le din a si lo, dinnâk le daihnâk, Thiang Thlarau ah i lawmhnâk te hna hi an si.

ROM 8:2

Zeitintiah Krih Jesuh nunnâk Thlarau nawlbia nih sual le thihnâk nawlbia chungin a ka chuahter cang.

1 KORIN 15:50

U le nau hna, thisa le thisen nih hin Pathian pennâk cu a co kho lai lo, thut hmangmi nih thuthmang lo cu a thleng kho lai lo, tiah ka chim.

1 KORIN 2:12

Cuticun Pathian nih man loin a kan pêkmi thil kan hngalh khawh nâkhnga kan comi hi vawlei thlarau si loin Thlarau Pathian sinin a comi kan si.

1 KORIN 6:11

Nan lakah cheu khat cu cubantuk tuah a hmangmi nan rak si. Asinain Bawipa Jesuh min le kan Pathian Thlarau ah `awlthian nan si cang, thianter nan si cang, thiamcoter nan si cang.

GALATI 6:15

Krih Jesuh ah cun cuarpartan hi zeihmanh san a tlai lo i cuarpartan lo zong zeihmanh san a tlai hlei lo. San a tlaimi cu sertharnâk hi a si.

EFESA 5:26

anih cu bia hmangin ti in a khawlh-ṭawl i a thianter khawh lai;

1 PETER 1:2

Jesuh Krih thisen thehnâk pom dingin Thlarau i thiantermi hna le, Pa Pathian hngalh chungmi bangin thimmi hna sinah, zângfahnâk le daihnâk karhter in um ko seh.

1 PETER 3:21

Cu thil nih a langhter chungmi baptisma in Jesuh Krih thawhṭhannâk thawngin atu ah khamh kan si. Cu baptisma cu taksa thurhnawmmi thenh men hi si lo in chiaṭha hngalhnâk thiang he Pathian kan lehnâk hi a si.

1JOHAN 2:29

Amah cu miding a si ti kha nan hngalh ahcun, dinnâk a tuahtu cu Amah hrin a si ti kha nan hngalh.

1JOHAN 5:1

Jesuh hi Krih a si tiah zumtu cu Pathian hrin a si; a hringtu a dawmi pauh nih, a hrinmi zong a dawt tawn.