JOHAN 3:16 - Laibaibal Thiang (BSI)

¹⁶ Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

Lai (Hakha) Common Language Bible 2006

¹⁶ Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

JOHAN 3:16 ပူးပေါင်းရင်းမြစ်များ

MATTHAI 9:13

Raithawinâk nâkin zângfahnâk ka duh deuh timi sullam hi va cawng u. Zeitintiah miding caah ka ra lo i misual hna ngaihchihtertu ah ka ra.” tiah a ti hna.

MARKA 12:6

Cuticun fapa pakhat, a dawt ngaimi a ngei. Anih zong cu a thlah. Zeicatiah ka fapa cu an rak upat deuh lai, tiah a ruah.

LUKA 2:14

“Cungnung bikah Pathian thangṭhat in um ko seh. Lei cungah a lawmhmi minung sinah daihnâk um ko seh,” tiah an ti.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

JOHAN 1:29

A thaizingah Johan nih Jesuh asin i a rat kha a hmuh i, “Zohhmanh u! Pathian Tuufa, vawlei sualnâk a kalpitu khi!

JOHAN 10:28

An sinah zungzal nunnâk ka pêk i an tlau hrimhrim lai lo. Ka kut chungin ahohmanh nih an ka chut kho lai lo.

JOHAN 3:15

Amah a zummi pauh cu lotlau loin zungzal nunnâk an ngei lai.

JOHAN 3:18

Amah a zummi pauh cu sualphawt an si lo; asinain Amah zum lomi pauh cu atu ah sualphawt a si cang, zeicatiah Pathian Fapa ngeihchun a min kha a zumh lo caah.

JOHAN 3:36

Fapa a zummi pauh nih zungzal nunnâk a ngeih cang, Fapa zumlomi pauh nih nunnâk an hmu lai lo, an cungah Pathian thinhunnâk tu a hmun.

JOHAN 6:40

Cun hihi aka thlahtu duhning a si, Fapa a hmu i a zummi pauh nih zungzal nunnâk ngeiseh law, cun ni dongh ni ah keimah nih ka thawhter lai,” tiah a ti.

ROM 5:10

Zeitintiah ral kan si lio hmanhah a Fapa thihnâk thawngin Pathian he kan i remṭhân ahcun, atu kan i remṭhân hnu ah a nunnâk ruangah khamh kan si chin chin lai.

ROM 5:8

Asinain Pathian nih a dawtnâk cu kan sinah hitihin a langhter. Misual kan si ko rih lioah Krih cu kan caah a thi.

ROM 8:32

A fapa hmanh zuah loin kan dihlak caah a kan pêk ahcun, zeitindah thil vialte zong Amah sinah manlo tein pêkchih loin a kan um hnga?

EFESA 2:4

Asinain Pathian, zângfahnâk in a rummi le a liannganmi dawtnâkin a kan dawt caah,

2 THESALON 2:16

Cubangin kan Bawipa Jesuh Krih le kan Pa Pathian a kan dawtu le zângfahnâk ruangah zungzal hnangamnâk le ruahchannâk ṭha a kan petu Amah hrimhrim nih,

TITAS 3:4

Asinain kan Khamhtu Pathian dawtnâk le velngeihnâk cu minung cung i a langh tikah,

HEBRU 2:9

Asinain Jesuh, vanmi nâk i niamdeuh i ser a si rihmi cu, Pathian zângfahnâk thawngin mi vialte caah thihnâk a tempiak khawh nâkhnga, thihnâk a tuarnâk thawngin sunparnâk le upatnâk chinhter in a um kha kan hmuh.

1JOHAN 3:1

Ngaihmanh u Pa nih a kan dawt ning hi zeitlukindah a ngan! Pathian fale tiah kawh kan si! Cucaah vawlei nih ankan hngalh lo, zeicatiah Amah kha an hngal lo.

1JOHAN 4:19

Akan dawt hmasat caah kan dawt ve.

BIAPHUAN 1:5

Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,