JOHAN 3:13 - Laibaibal Thiang (BSI)

¹³ Vanah a um i van in a rungṭummi Mi Fapa dah ti lo, ahohmanh vanah an kai bal lo.

Lai (Hakha) Common Language Bible 2006

¹³ Vancung in a rung ṭummi Mi Fapa dah ti lo cu ahohmanh vancung i a kaimi an um bal lo.”

JOHAN 3:13 ပူးပေါင်းရင်းမြစ်များ

PHUNGTHLÛKBIA 30:4

Ahodah vanah a kai i ahodah a rung ṭum ṭhanmi cu? Ahodah a kut in thli a humtu cu a si? A puan in ti a zawitu cu ahodah a si? Vanhram deng vialte fehtertu cu ahodah a si? Amin hodah a si i, a fapa min zong ahodah a si, na hngal maw?

MATTHAI 28:20

nawl kan pekmi vialte an zulh nâkhnga cawnpiak hna u; cun zohhmanh u, Kei, a zungzal in, vawlei dongh tiangin nan sinah ka um peng lai,” tiah a ti. Amen.

MATTHAI 8:20

Jesuh nih, “Cinghngia nih kua an ngei, vate nih bu an ngei, Mi Fapa nih luchiahnâk hmanh a ngei lo,” tiah a ti.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

JOHAN 13:3

Jesuh nih a kutah Pa nih thil vialte a pêk cangnâk le, Pathian sinin a rat bangin Pathian sinah a kir ṭhân lai ti kha a hngalh,

JOHAN 17:5

Maw, ka Pa, vawlei umhlan in na sinah sunparnâk ka ngeihmi khan, atu ah Nangmah he ka sunparter hrâm ko.

JOHAN 3:12

Vawlei thil ka chimmi hmanh na zumh lo ahcun, vanlei thil kan chimh tikah zeitindah na zumh khawh kun lai?

JOHAN 3:31

Cunglei in a rami cu mi vialte nâkin cungnung bik a si. Lei in a chuakmi cu leimi a si i lei thil kong a chim tawn. Van in a rami cu zeizong vialte cung i a ummi a si.

JOHAN 6:33

Zeitintiah Pathian changreu cu van in ara i vawlei ah a nunnâk petu ding hi a si,” tiah a ti.

JOHAN 6:38

Zeitintiah mah duhnâk tuah awkah van in a rami ka si lo, aka thlahtu duhnâk tuah awkah a rami ka si.

JOHAN 6:42

Hipa hi Josef fapa, Jesuh a si lo maw, anu le apa zong kan theih ko hna? Van in ka rung ṭum, tiah zeitindah a ti khawh? tiah an ti.

JOHAN 6:46

Pa a hmumi an um cang tinâk a si lo, Pathian sin in a rami lawnglawng hi Pa a hmutu um chun cu a si.

JOHAN 6:51

Keimah hi van in a rungṭummi changreu nung ka si. Hi changreu a eimi pauh, zungzal in a nung peng lai. Vawlei nunnâk dingah ka pêk hngami changreu cu ka taksa hi a si.” tiah a ti.

JOHAN 6:62

Mi Fapa hi hlan i a rak umnâk i a kai nan hmuh tikah zeitindah nan ti kun lai?

JOHAN 8:42

Jesuh nih, “Pathian nan pa a si ahcun, nan ka dawt lai. Zeitintiah Pathian sin i a chuakmi le, a sinin a rami ka si. Keimah nawlin ka ra lo, Amah nih a ka thlah.

LAMKALTU 2:34

“Zeitintiah David cu vanah a kai lo, amah nih hitihin a chim. ‘BAWIPA nih ka Bawipa sinah,

LAMKALTU 20:28

Cucaah Pathian kawhhran, a thisen i a cawkmi hna tuukhal si nanmah chungin Thiang Thlarau nih hotu an sitermi ah hin nanmah le nan tuurun vialte hna kongah i ralring u.

ROM 10:6

Asinain zumhnâk i dinnâk tu cu hitihin a chim, “Ahodah vanah a kai lai? (cucu cung leiin Krih ṭumpi ding tinâk a si)

1 KORIN 15:47

Minung hmaisa bik cu vawlei, leidip i ser a si i pahnihnâk Minung cu vanlei mi Bawipa a si.

EFESA 1:23

kawhhran cu Amah pum, zeizong i zeizong ah a khat dihmi Amah tlamtlinnâk kha a si.