JOHAN 21:15 - Laibaibal Thiang (BSI)

¹⁵ Thaithawh ei dih ah, Jesuh nih Simon Peter sinah, “Simon, Jonah fapa, hi hna nâk in naka daw deuh maw? tiah a ti. Anih nih,” A si, Bawipa, kan tlaihchan kha na hngalh,” tiah a ti. Anih nih, “Ka tuu fale kha cawm hna” tiah a ti.

Lai (Hakha) Common Language Bible 2006

¹⁵ Rawl an ei dih hnuah Jesuh nih Simon Peter cu a thawh i, “Johan fapa Simon, hi hna nih an ka dawtnak hin nang nih na ka daw deuh maw?” tiah a ti. “Asi, Bawipa, kan dawt kha na hngalh,” tiah a leh. Jesuh nih, “Ka tuufa tete kha cawm hna,” tiah a ti.

JOHAN 21:15 ပူးပေါင်းရင်းမြစ်များ

MATTHAI 10:37

Apa siseh, anu siseh, Keimah nâk i a dawt deuh ahcun kami si awkah â tlâk lo. A fapa siseh, a fanu siseh Keimah nâk i a dawtdeuh ahcun kami si awkah â tlâk lo.

MATTHAI 16:17

Jesuh nih a sinah, Jonah fapa Simon, mithluachuak na si, titsa le thisen nih an hngalhtermi a si lo, van i ka Pa nih an hngalhtermi na si.

MATTHAI 18:10

Hi mi hme bik hna hi zomhtaih lo dingin i ral ring u; zeitintiah an vancungmi hna nih van i Ka Pa mit hmai cu an hmuh tawn, tiah kan chimh hna.

MATTHAI 26:33

Peter nih, “An dih lakin nangmah ruangah tlu hmanh hna sehlaw, kei cu kan tluktâk bal lai lo,” tiah a leh.

MATTHAI 26:35

Peter nih, “Na thih nâkah thiding ka si hmanhah kan hlawt hrimhrim lai lo,” tiah a ti. Lamkaltu vialte zong nih cubantukin an ti cio.

MARKA 14:29

Peter nih, “An dihlakin an tlukdih hmanh ah, ka tlu lai lo,” tiah a ti.

LUKA 12:32

Bu tlawmte hna, ṭih hlah u, zeitintiah pennâk pêk hi nan Pa lawmhnâk a si.

LUKA 22:32

Asinain na zumhnâk a tlau nâkhnga lo thla kan campiak, ka sin i na rak kir ṭhân tikah na unau thazâng rak pe hna,” tiah a ti.

JOHAN 1:42

Cun amah cu Jesuh sinah a ratpi, Jesuh nih a rak zoh i, “Jonah fapa Simon na si, Kifa an in ti cang lai,” tiah a ti. (cucu lungtum tinâk a si )

JOHAN 13:37

Peter nih, “Bawipa, zeiruangahdah atu zongah kan zulh khawh lai lo? Nangmah ruangah ka nunnâk zong ka pêk lai,” tiah a ti.

JOHAN 16:27

nannih nih nanka dawt i Pa sin in a chuakmi ka si nan zumh caah, Pa hrimhrim nih an dawt hna.

JOHAN 21:12

Jesuh nih, “Thaithawh ei u,” tiah a ti. Lamkaltu lakah ahohmanh nih, “Ahodah na si?” tiah an hal ngam lo, Bawipa a si kha an hngalh ko.

JOHAN 21:7

Cucaah lamkaltu, Jesuh nih a dawtmi nih khan, Peter sinah, “Bawipa a si,” tiah a ti. Simon Peter nih Bawipa a si kha a hngalh le cângka a angki leng â aih (taklawng in a rak um) i ti ah a zuang cawlh.

JOHAN 8:42

Jesuh nih, “Pathian nan pa a si ahcun, nan ka dawt lai. Zeitintiah Pathian sin i a chuakmi le, a sinin a rami ka si. Keimah nawlin ka ra lo, Amah nih a ka thlah.

LAMKALTU 20:28

Cucaah Pathian kawhhran, a thisen i a cawkmi hna tuukhal si nanmah chungin Thiang Thlarau nih hotu an sitermi ah hin nanmah le nan tuurun vialte hna kongah i ralring u.

LAMKALTU 20:29

Zeitintiah ka kal hnuah cinghnia hrangrual an rak lut lai i tuu kha an ngân hna lai lo, ti kha ka hngalh.

ROM 14:1

Zumhnâk i zângdermi kha cohlang hna u, an lunghrinhmi thil kha al hna hlah u.

ROM 15:1

Kannih a ṭhawngmi hna nih mah lawmhnâk lawng kawl loin zângdermi kha kan bomh hna awk a si.

1 KORIN 8:11

Na hngalhnâk ruangah thazâng a dermi na unau, a thihding Krih nih a thih piakmi kha a lo tlau sual lai?

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

EFESA 4:14

fimzer ngai le thiam ngaiin mi a hlengtu cawnpiaknâk thlitu phunkip nih a thenh lengmang mi ngakchia si ti loin,

EFESA 6:24

Kan Bawipa Jesuh Krih zumhtlâk i a dawtu vialte sinah zângfahnâk um ko seh. Amen.

HEBRU 13:20

A liannganmi Tuukhal, kan Bawipa Jesuh thihnâk in thawhtertu, daihnâk Pathian nih a thisen i zungzal biakam thawngin,

HEBRU 4:13

Sermi thil a mithmuh ah thuhmi zeihmanh a um lo, kan kong kan chimnâk ding Pa mithmuh ah zeizong vialte taklawng le oncia in a um dih.

1 PETER 1:8

Amah cu nan hmu lo nain nan dawt, atu ah nan hmu lo nain Amah cu nan zumh, cucaah nan zumh chan nan thlarau khamhnâk kha nan hmuh caah,

1 PETER 2:2

ngakchia chuakkâ bantukin, zeihmanh cawh lomi hnûk (Pathian) bia hi duh u, cu thawng cun nan ṭhang lai,

1 PETER 2:25

Zeitintiah tuu bangin nan rak tlau, asinain atu cu nan thlarau kilvengtu le zohkhenhtu Tuukhal sinah nan kir cang.

1JOHAN 4:19

Akan dawt hmasat caah kan dawt ve.

1JOHAN 5:1

Jesuh hi Krih a si tiah zumtu cu Pathian hrin a si; a hringtu a dawmi pauh nih, a hrinmi zong a dawt tawn.

BIAPHUAN 2:23

A fale zong thihnâk in ka thah hna lai, cun kawhhran vialte nih ruahnâk le lungthin zohtu ka si hi an hngalh lai. Nannih zong nan tuahning cio in mikip sinah kan pêk hna lai.