JOHAN 2:23 - Laibaibal Thiang (BSI)

²³ Lanhtâk Thô i Jerusalem i a câm lio ah hmelchunhnâk a tuahmi kha an hmuh tikah, mi tampi nih Amin kha an zumh.

Lai (Hakha) Common Language Bible 2006

²³ Jesuh cu Lanhtak Puai chung i Jerusalem khua i a um ah khan mi tampi nih hmelchunhnak a tuahmi kha an hmuh caah amah cu an zulh.

JOHAN 2:23 ပူးပေါင်းရင်းမြစ်များ

LUKA 8:13

Lungpher cung i a tlami cu, bia an theih le cângkâ, lunglawm ngai i a pom cawlhmi hna hi an si, asinain hram a thlak lo caah cân tawite lawng an zumh i tukforhnâk a um tikah an tlu ṭhân tawn.

JOHAN 11:45

Cuticun Mary ṭhutpitu, Jesuh tuahmi a hmutu Judah mi tampi nih Jesuh cu an zumh.

JOHAN 2:11

Jesuh nih i hmelchunhnâk tuah a thawknâk hi Galili ram i Kana khua ah a si: A sunparnâk a langhter i a lamkaltu hna nih Amah kha an zumh.

JOHAN 2:13

Judahmi Lanhtâk thô a naicang i Jesuh cu Jerusalem khuaah a kal.

JOHAN 3:2

Cupa cu zanah Jesuh sinah a ra i “Rabbi, Pathian sinin a rami cawnpiaktu na si kha kan hngalh, na tuahmi hmelchunhnâk hna hi Pathian umpi lo ahcun ahohmanh nih an tuah kho lai lo,” tiah a ti.

JOHAN 4:45

Cubangin Galili a phâk tikah Galili mi hna nih an rak cohlan, Thô lio i Jerusalem khua ah a tuahmi thil vialte an rak hmuh, zeitintiah annih zong Thô ah an kal ve.

JOHAN 5:36

Asinain hngalhternâk ka ngeihmi hi Johan hngalhternâk nâk in a ngan deuh. Pa nih ka lîm awkah a ka pêkmi rian ka ṭuan liomi nih hin Pa nih a thlahmi ka si hi a hngalhter.

JOHAN 6:14

Jesuh nih cubantuk hmelchunhnâk a tuahmi an hmuh tikah, mizapi nih, “Hi pa hi Profet, vawlei i a ra din cu a si taktak ko,” tiah an ti.

JOHAN 6:2

Cuticun mizaw hna cung i hmelchunhnâk a tuahmi kha an hmuh cang caah Amah cu mi tampi nih an zulh.

JOHAN 7:31

Mitampi nih Amah cu an zumh i Krih a rak phâk tik zongah, Hi pa nâkin hmelchunhnâk tam a tuah hlei hnga maw?” tiah an ti.

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

1JOHAN 3:23

A nawlpêkmi cu hihi a si, a Fapa Jesuh Krih min zumh i nawl a kan pêk bangin pakhat le pakhat kan i dawtmi hi.