JOHAN 19:15 - Laibaibal Thiang (BSI)

¹⁵ Asinain an au i, “Hloh ko, hloh ko, khenhchih ko,” tiah an ti. Pailat nih an sinah, “Nan siangpahrang hi ka khenhchih lai maw?” tiah a ti. Tlângbawi hna nih, “Sizar dah tilo cu Siangpahrang kan ngei lo,” tiah an leh.

Lai (Hakha) Common Language Bible 2006

¹⁵ An au i, “That ko! That ko! Vailam ah khenh chih ko!” an ti. Pilat nih cun, “Nan siangpahrang cu vailam ah ka khenh chih ko lai maw?” tiah a hal hna. Tlangbawi upa hna nih cun, “Sizar dah ti lo cu ahohmanh siangpahrang dang kan ngei lo,” tiah an leh.

JOHAN 19:15 ပူးပေါင်းရင်းမြစ်များ

MATTHAI 22:17

Cucaah zeitindah na ruah? Sizar sin i ngunkhuai pêk hi phungning a si maw?” tiah an ti.

LUKA 23:18

Annih cu hmunkhat ah an au i, “Hipa hi hloh law, Barabbas kha kan thlah piak,” tiah an ti.

JOHAN 18:31

Pailat nih, “I kalpi ulaw, nan phung ningin bia cu va ceih ko ngat u,” tiah a ti. Judah mi nih, “Kan phungningah ahohmanh thah khawh an si lo,” tiah an ti.

JOHAN 19:6

Tlângbawi hna le kilvengtu-hotu hna nih an rak hmuh le cângkâ, an au ṭi i khenhchih ko, khenhchih ko, tiah an ti. Pailat nih, “I kalpi ulaw, va khenhchih u. Kei cu a sualnâk ka hmu lo,” tiah a ti.

LAMKALTU 13:28

Amah ah thihpi tlak sualnâk zeihmanh an hmuh lo zongah Pailat sinah thah awkah an nawl.

LAMKALTU 21:36

Zeitintiah mibu tampi nih an zulh i, ‘hloh u’ tiah an au.

LAMKALTU 22:22

Cuka zawn a chim tiang cu an ngai i aw thang ngai in, “Hibantuk minung hi, vawlei cung in hloh u, nung dingah â tlak lo,” tiah an ti.