JOHAN 18:8 - Laibaibal Thiang (BSI)

⁸ Jesuh nih, “Amah cu ka si tiah kan chimh ko hna cu ta. Keimah nanka kawl ahcun hi hna hi kalter hna u,” tiah a ti hna.

Lai (Hakha) Common Language Bible 2006

⁸ “Amah cu keimah hi ka si, tiah pei kan chimh cang ko hna cu. Keimah nan ka kawl a si ahcun a dangtu hi cu kalter hna u,” tiah a ti.

JOHAN 18:8 ပူးပေါင်းရင်းမြစ်များ

MATTHAI 26:56

Asinain Profet hna chimmi kha a tlin khawh nâkhnga hi thil vialte a rak umnâk hi a si,” tiah a ti. Cu lio hrimhrim ah lamkaltu vialte nih Amah lawng umter in an zâm tâk dih.

JOHAN 10:28

An sinah zungzal nunnâk ka pêk i an tlau hrimhrim lai lo. Ka kut chungin ahohmanh nih an ka chut kho lai lo.

JOHAN 13:1

Cuticun Lanhtâk Thô hlanah Jesuh nih vawlei hi chuah takin Pa sinah a kal cân a phâncang ti kha a hngalh, vawlei i a ummi a dawtmi ami le hna cu, a dongh tiangin a dawt hna.

JOHAN 13:36

Simon Peter nih, “Bawipa, khuazeiahdah na kal lai?” tiah a ti. Jesuh nih, “Atu ah cun ka kalnâk ah naka zul kho lai lo, hnu deuh ah naka zulh khawh te lai,” tiah a ti.

JOHAN 16:32

Mah long cio in nan kal i keimah lawng nanka chiah cân a phân cang ai, asi, a phân cang. Asinain keimah lawng ka si lo, ka sinah Pa a um peng ko.

JOHAN 18:7

Anih nih, “Ahodah nan kawl?” tiah a hal ṭhân hna. Annih nih, “Nazaret Jesuh,” tiah an ti.

JOHAN 18:9

A rak chim cangmi, “Nangmah nih naka pêkmi pakhat te hmanh ka thlau hna lo,” a timi a tlin nâkhnga.

1 KORIN 10:13

Minih anton tawnmi tukforhnâk dah tilo cu tukforhnâk nan cungah a tlung lai lo. Pathian cu zumhtlâk a si. Nan tuar khawh lengin tukforhnâk nan cungah tlunter a siang lai lo. Nan tuar khawh nâkhnga tukforhnâk chungin himnâk lam an ser piak hna lai.

2 KORIN 12:9

Anih nih, “Ka zângfahnâk na caah â za ko; Ka ṭhawnnâk hi derthawmnâk ah dah kaw tlinter a si cu,” tiah a ti. Cucaah Krih ṭhawnnâk cu ka cung i a um peng nâkhnga, lunglawm tein ka derthawmnâk hna hi ka hmaihngal pi cang lai.

EFESA 5:25

Va le hna nan nupi le daw hna u. Krih nih kawhhran a dawt i an ca-ah â pêk bantuk khan,

1 PETER 5:7

Amah nih nan zawn a ruah caah, nan buainâk vialte Amah cungah chawnh u.