JOHAN 17:26 - Laibaibal Thiang (BSI)

²⁶ An sinah na min ka hngalhter cang, ka hngalhter ṭhân ko lai. Naka dawtnâk bantuk dawtnâk kha anmah i a um khawh nâkhnga, kei zong anmah i ka um khawh nâkhnga,” tiah a ti.

Lai (Hakha) Common Language Bible 2006

²⁶ Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter ṭhan lengmang ko hna lai,” tiah a ti.

JOHAN 17:26 ပူးပေါင်းရင်းမြစ်များ

SALM 22:22

Ka unau hna sinah na min ka phuan lai i â pummi hna sinah kan thang ṭhat lai.

JOHAN 14:20

Cuniah cun kei Pa i ka um le, nannih keimah i nan um le, kei nanmah i ka um kha nan hngalh lai.

JOHAN 14:23

Jesuh nih, “Minih aka dawt ahcun, ka bia â nunpi lai; ka Pa nih a dawt lai, a sinah kan ra lai i amah cu umnâk innah kan ser lai.

JOHAN 15:15

Sinum kan ti ti hna lai lo, zeitintiah sinum nih a pu tuahmi a hngal bal lo, cucaah hawikawm kan ti cang hna lai; Pa sin in ka hngalhmi vialte nan sinah ka phuan dih cang.

JOHAN 15:4

Keimah ah umpeng u, kei zong nanmah ah ka um peng lai. Nge cu a kungah â pehpeng lo ahcun, amah te in thei tlai a chuah khawh lo bantukin nannih zong keimah ah nan umpeng lo ahcun thei tlai nan chuah kho lai lo.

JOHAN 15:9

Pa nih aka dawt bangin kei zong nih kan dawt hna, ka dawtmi in um peng ko u.

JOHAN 17:23

Kei an sinah, Nang keimah ah, annih pumkhat an si i an tlamtlin khawh nâkhnga, Nangmah nih naka thlah ti le, naka dawt bangin annih zong na dawt hna ti hi vawlei nih an hngalh khawh nâkhnga.

JOHAN 17:6

Vawlei in naka pêkmi hna sinah na min cu ka phuan cang. Annih cu nata an si, ka sinah naka pêk i annih nih na bia an i nunpi.

JOHAN 17:8

Zeitintiah naka pêkmi bia kha an sinah ka pêk cang; cucu an i nunpi i na sinin a chuakmi ka si hi fiang tein an hngalh cang, Nangnih naka thlah ti zong an zumh cang.

JOHAN 6:56

Ka taksa a ei i ka thisen a dingmi pauh cu keimah ah a hmun i kei zong amah ah ka hmun.

JOHAN 8:50

Mah thangṭhatnâk ka kawl lo. A kawltu le ceihtu pakhat a um.

ROM 8:10

Cun Krih cu nanmah i a um ahcun, pum cu sual ruangah a thi i Thlarau tu cu dinnâk thawngin a nung.

1 KORIN 1:30

Nannih tu cu Amah thawngin Krih Jesuh ah nan um, Amah cu Pathian sinin kan ca fimnâk, dinnâk, thiannâk le tlanhnâk a si,

1 KORIN 12:12

Zeitintiah taksa pumkhat ah nge tampi a um, a nge cu tampi asinain, taksa cu pakhat a si, cubangin Krih zong hi a si.

GALATI 2:20

Krih sinah khenhchih in ka um nain ka nung; keimahtu ka si ti lo, Krih cu keimah ah a nung cang, atu thisa i ka nun hi, Pathian Fapa, aka daw i ka ai ah â pemi zumhnâk ah ka nung.

EFESA 1:6

a sunglawimi a zângfahnâk thangṭhat dingin cu zângfahnâk ah cun dawtmi ah Amah nih a kan cohlân.

EFESA 3:17

cun zumhnâk thawngin Krih cu nan lungthin ah khua a sak khawhnâk hnga le dawtnâk ah hram nan bunh i hngatchan miah nan i ngeih khawh nâkhnga,

EFESA 5:30

Zeitintiah kannih cu Amah pumnge a taksa le a ruh kan si.

EFESA 5:32

Hihi a thûk ngaimi biathli pakhat a si, asinain Krih le a kawhhran kong ka chim.

KOLOSE 1:27

Gentel mi hna lakah hi a sung lawimi le a rummi biathli hi Pathian nih an sinah langhter a duhmi cu a si, cucu nan chungah a ummi Krih, nan i ruahchanmi sunparnâk kha a si;

KOLOSE 2:10

Cun Amah ah tlam nan tling, Amah cu bawinâk le nawlngeihnâk vialte lu a si.

KOLOSE 3:11

Cukaah cun Grik mi le Judah mi, cuarpartan le tanlo, miphun niam, Skuthia mi, sal le miluat zong um khawh a si lo, Krih cu zeizong ah zeizong a si.

2 THESALON 2:16

Cubangin kan Bawipa Jesuh Krih le kan Pa Pathian a kan dawtu le zângfahnâk ruangah zungzal hnangamnâk le ruahchannâk ṭha a kan petu Amah hrimhrim nih,

HEBRU 2:12

“Ka unau hna sinah na min ka aupi lai i â pummi hna lakah hlasa in kan thangṭhat lai,” tiin.

1JOHAN 3:24

A nawlpêk a zultu cu Amah ah a hmun i Amah zong a chungah a hmun ve. Amah kan sinah a hmun tiah kan hngalh khawhnâk cu Thlarau a kan pêkmi ah hin a si.