JOHAN 17:24 - Laibaibal Thiang (BSI)

²⁴ Kapa, naka pêkmi hna hi ka umnâk i ka sinah umter ka duh hna, naka pêkmi sunparnâk kha an hmuh khawh nâkhnga. Vawlei umhlan hmanh in Nangmah nih naka dawt cang.

Lai (Hakha) Common Language Bible 2006

²⁴ “Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

JOHAN 17:24 ပူးပေါင်းရင်းမြစ်များ

MATTHAI 25:21

Apu nih, zumhawktlâk le sinum ṭha na si, na ti ṭha ngaingai, tlawmte cung i zumh awk na tlâk caah tampi cungah kan umter lai, napu lawmhnâk chungah lut tuah, tiah a ti.

MATTHAI 25:23

Apu nih a sinah, zumh awktlâk sinum ṭha na si, tlawm te cung i zumhtlâk na si caah tampi cungah kan umter lai, napu lawmhnâk chungah lut tuah, tiah a ti.

MATTHAI 25:34

“Cuticun Siangpahrang nih a orh leimi hna sinah, ‘Ka Pa, thluachuahmi hna, ra u law, vawlei ser lio i nan ca i timhmi pennâk cu co u:

MATTHAI 26:29

Asinain kan chimh hna, “Ka Pa pennâk ah nanmah he a thar in ka din cân a phanh hlan lo, atu riin misur hang hi ka ding ti lai lo,” tiah a ti.

LUKA 12:37

Anpu rat tikah timhcia tein a rak ummi sinum hna cu mithluachuak an si. Biataktein kan chimh hna, â timhtuah lai i rawl ei awkah a ṭhutter hna lai, amah tu nih a zoh khenh hna lai.

LUKA 23:43

Jesuh nih, “Biataktein kan chimh, nihin ah, Paradis ah, keimah sinah na um lai,” tiah a ti.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

JOHAN 12:26

Ka rian a ṭuanmi pauh nih ka zul seh. Ka umnâk hmun pauh ah ka rianṭuantu zong a um awk a si. Ka rian a ṭuntu pauh cu ka Pa zong nih a thangṭhat ve lai.

JOHAN 14:3

Cun nan ca i hmun ka timhlamh hnu ah ka rak kir ṭhân lai i ka sinah kan lâk hna lai. Ka umnâk ah nannih zong nan um ve nâkhnga.

JOHAN 15:9

Pa nih aka dawt bangin kei zong nih kan dawt hna, ka dawtmi in um peng ko u.

JOHAN 17:2

Mi vialte cung i nawlngeihnâk na pêk bangin, Anih zong nih na pêkmi vialte zungzal nunnâk a pek khawh hna nâkhnga.

JOHAN 17:22

Sunparnâk naka pêkmi kha, an sinah ka pêk cang, kannih pumkhat kan si bangin annih zong pumkhat an si khawh nâkhnga.

JOHAN 17:5

Maw, ka Pa, vawlei umhlan in na sinah sunparnâk ka ngeihmi khan, atu ah Nangmah he ka sunparter hrâm ko.

JOHAN 6:37

Pa nih aka pêkmi vialte ka sinah an ra lai, ka sin i a rami pauh cu ka dawn hna lai lo.

JOHAN 6:39

Hihi aka thlahtu Pa duhnâk cu a si, aka pêkmi vialte thlau loin ni dongh ni ah thawhter ding hi.

JOHAN 8:58

Jesuh nih, “Biataktein, biataktein kan chimh hna, “Abraham um hlanah, a UMMI ka si,” tiah a ti hna.

1 KORIN 13:12

Zeitintiah atu ah cun thlalang ah fiang setsai loin kan hmuh, khi cân ah cun hmaitonh tein a si lai. Atu ah cun a cheuchum in ka hngalh, khi tikah cun hngalh ka si bantukin ka hngalh ve lai.

2 KORIN 3:18

Asi kan nih cu hmaikhuh loin Bawipa sunparnâk cu thlalang i kan hmuh bangin kan zoh, Amah muisam keng dingin, Bawipa Thlarau nih sunparnâk in sunpar chinchin nâkah thlen in kan um cuahmah lio a si.

2 KORIN 4:6

Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter.

2 KORIN 5:8

Taksa in chuah i Bawipa sin i um awkah kan duh hringhran i phânnâk kan ngei hrimhrim lo.

FILIPI 1:23

Zeitintiah kaphnih in hnuh chih ka si. Chuah i Krih sin um ka duh, cucu a ṭha deuh ngai ngai.

1THESALON 4:17

Cuhnuah kannih a nung rihmi hna hi, cunglei i Bawipa hungton awkah anmah hna he minmei lakah cawi in kan um lai. Cubangin zungzal in Bawipa sinah kan um cang lai.

1 PETER 1:21

Thihnâk in a thawh tertu le sunparnâk petu Pathian cu nan zumh i nan zumhnâk le ruahchannâk cu Pathian ah a um.

1JOHAN 3:2

Ka dawt le hna atu ah Pathian fa le kan si i zeidah kan si telai ti tu cu langhter a si rih lo, asinain Amah a langh tikah, Amah bang kan si lai ti kha kan hngalh, zeitintiah Amah cu a sining tein kan hmuh lai.

BIAPHUAN 21:22

Asinain a chungah ṭempal ka hmu lo, zeitintiah Zeizongtuahkho Bawipa Pathian le Tuufano cu an ṭempal an si.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.