JOHAN 17:23 - Laibaibal Thiang (BSI)

²³ Kei an sinah, Nang keimah ah, annih pumkhat an si i an tlamtlin khawh nâkhnga, Nangmah nih naka thlah ti le, naka dawt bangin annih zong na dawt hna ti hi vawlei nih an hngalh khawh nâkhnga.

Lai (Hakha) Common Language Bible 2006

²³ Kei an chungah um in nang ka chungah um law, annih cu pakhat taktak an si lai; cun pakhat an sinak thawng cun vawlei nih cun keimah cu nangmah thlahmi ka si le nangmah nih annih cu keimah na ka dawt bantukin na dawt hna kha a hngalh lai.

JOHAN 17:23 ပူးပေါင်းရင်းမြစ်များ

JOHAN 10:38

Sihmanhsehlaw ṭuntu ka si ahcun, keimah nanka zumh lo hmanh ah, ṭuanmi tal hi zum u. Pa keimah ah a um, ti le, kei zong Pa ah ka um ti nan hngalh khawh nâkhnga” tiah a leh hna.

JOHAN 13:35

Pakhat le pakhat nan i dawt ahcun, mi vialte nih aka zultu nan si kha an hngalh lai,” tiah a ti.

JOHAN 14:10

Pa i ka um le, keimah i Pa a um hi na zum lo maw? Nan sin i ka chimmi bia hna hi keimah nawlngeihnâk in ka chim lo, keimah i a ummi Pa rianṭuan a si.

JOHAN 14:23

Jesuh nih, “Minih aka dawt ahcun, ka bia â nunpi lai; ka Pa nih a dawt lai, a sinah kan ra lai i amah cu umnâk innah kan ser lai.

JOHAN 15:9

Pa nih aka dawt bangin kei zong nih kan dawt hna, ka dawtmi in um peng ko u.

JOHAN 16:27

nannih nih nanka dawt i Pa sin in a chuakmi ka si nan zumh caah, Pa hrimhrim nih an dawt hna.

JOHAN 17:11

Atu cu vawlei ah ka um ti lai lo, annih cu vawlei i ummi an si. Na sinah kara lai. A thiangmi ka Pa, naka pêkmi hna hi na min in kilveng ko hna, kannih pumkhat kan si bantukin pumkhat an si khawh nâkhnga.

JOHAN 17:21

an dihlak in pumkhat an si khawh nâkhnga. Ka Pa, Nang keimah ah, kei Nangmah ah ka um bantukin an dih lak in Kanmah ah pumkhat i an um khawh nâkhnga, cun vawlei nih Nangmah nih naka thlah ti a zumh khawh nâkhnga.

JOHAN 17:24

Kapa, naka pêkmi hna hi ka umnâk i ka sinah umter ka duh hna, naka pêkmi sunparnâk kha an hmuh khawh nâkhnga. Vawlei umhlan hmanh in Nangmah nih naka dawt cang.

JOHAN 17:26

An sinah na min ka hngalhter cang, ka hngalhter ṭhân ko lai. Naka dawtnâk bantuk dawtnâk kha anmah i a um khawh nâkhnga, kei zong anmah i ka um khawh nâkhnga,” tiah a ti.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

JOHAN 17:8

Zeitintiah naka pêkmi bia kha an sinah ka pêk cang; cucu an i nunpi i na sinin a chuakmi ka si hi fiang tein an hngalh cang, Nangnih naka thlah ti zong an zumh cang.

JOHAN 3:17

Zeitintiah vawlei sualphawt awkah Pathian nih a Fapa vawleiah a thlah lo, vawlei hi Amah thawngin khamh a si khawh nâkhnga a thlahmi a si.

JOHAN 6:56

Ka taksa a ei i ka thisen a dingmi pauh cu keimah ah a hmun i kei zong amah ah ka hmun.

1 KORIN 1:30

Nannih tu cu Amah thawngin Krih Jesuh ah nan um, Amah cu Pathian sinin kan ca fimnâk, dinnâk, thiannâk le tlanhnâk a si,

2 KORIN 5:21

Zeitintiah Amah ah Pathian dinnâk kan si khawh nâkhnga sualnâk zeihmanh a hngal lomi kha Pathian nih kanmah ruangah sualah a ser.

GALATI 3:28

Cuka ah Judah siseh, Grik siseh um khawh a si lo. Cuka ah sal siseh, miluat siseh um khawh a si lo, pa le nu zong an um kho hlei lo. Krih Jesuh ah nan dik lakin pumkhat nan si.

FILIPI 3:15

Cucaah kannih puitling deuh nih cubantuk lungput cu ngei u sih, cun zei lei pauhah ruahnâk dang nan ngeih ahcun Pathian nih an hngalhter hna ko lai.

KOLOSE 1:28

Kan chimmi cu Amah hi a si, mikip hi Krih Jesuh ah tlinter an si ti hi fimnâk vialte he cawnpiak in mi kip ralrin kan pêk hna.

KOLOSE 2:2

Pathian, Pa le Krih biathli hngalhnâk kongah an lungthin cu thazâng pêkmi a si i dawtnâk ah i funtom in a fekmi theihthiamnâk tling le rumnâk vialte kha an co khawh lai,

KOLOSE 3:14

Cu thil vialte hna cungah dawtnâk i hruk u, cucu pumkhat sinâk i funtomnâk tlamtling a si.

1 PETER 5:10

Zângfahnâk vialte Pathian, zungzal a sunparnâk co dingin an kotu hna Krih Jesuh nih, cân tawite nan tuar hnu ah, tlam tlinter le fehter in, ṭhawnter le fek tein in dirter ko hna seh.

1JOHAN 1:3

cu kan hmuh le kan theihmi cu nan sinah kan phuan, cucu nanmah he hawikomhnâk kan ngeihkhawh nâkhnga caah a si. Kanmah nan kan hawikomhnâk hi Pa le a Fapa Jesuh Krih he i hawikomhnâk a si.

1JOHAN 3:1

Ngaihmanh u Pa nih a kan dawt ning hi zeitlukindah a ngan! Pathian fale tiah kawh kan si! Cucaah vawlei nih ankan hngalh lo, zeicatiah Amah kha an hngal lo.

1JOHAN 4:19

Akan dawt hmasat caah kan dawt ve.

BIAPHUAN 3:9

Ngaihmanh Satan sinagog i â pummi, Judah mi â ti nain a si taktak lomi, lih a chimmi hna kha na kehram ah kan biakter hna lai i zeitlukindah kan dawt hna ti kha ka hngalhter hna lai.