JOHAN 16:33 - Laibaibal Thiang (BSI)

³³ Keimah ah hnangam tein nan i dinh khawh nâkhnga hi bia hi nan sinah ka chimmi a si. Vawlei ah hin harnâk nan ton tawn, asinain hnangam tein um u, vawlei cu ka tei cang.”

Lai (Hakha) Common Language Bible 2006

³³ Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

JOHAN 16:33 ပူးပေါင်းရင်းမြစ်များ

SALM 68:18

Cunglei ah na kai i saltângmi kha na hruai hna, minung hna sinin thilpêk na hmuh i ralthawh a hmangmi sin tiangin, BAWIPA Pathian cu an sin i a um khawh nâkhnga.

MATTHAI 9:2

Cun zohmanh, a zengmi pakhat kha a ihnâk he an rak zawnh. An zumhnâk kha Jesuh nih a hmuh i mizeng sinah, “Ka fa, thanuam tein um, na sualnâk ngaihthiam a si cang,” tiah a ti.

LUKA 19:38

“BAWIPA min i a rami Siangpahrang cu thangṭhat in um seh! vanah daihnâk umseh law, cungnungbik ah thangṭhat siseh,” tiah an ti.

LUKA 2:14

“Cungnung bikah Pathian thangṭhat in um ko seh. Lei cungah a lawmhmi minung sinah daihnâk um ko seh,” tiah an ti.

JOHAN 12:31

Atu ah hi vawlei kong hi ceih lio a si, atu ah hi vawlei bawi hi hlawnh a si lai.

JOHAN 14:1

“Lungrethei in um hlah u, Pathian nan zumh khah, keizong ka zum ve u.

JOHAN 14:27

“Daihnâk kan chiahta hna, keimah daihnâk kan pêk hna, vawlei pêkmi bangin kan pek hna lo. Nan khuaruah har hlah seh, ṭih zong ṭih hlah u.

JOHAN 16:11

biaceihnâk cu hi vawlei bawi hi thiamlo a co cang caah a si.

LAMKALTU 14:22

Harnâk tampi tuarin Pathian pennâk ah kan luh awk a si ko, tiin zultu hna lungthin kha an ṭhawnter i zumhnâk ah fekte i dir dingin thazâng an pêk hna.

LAMKALTU 23:11

Cu zanah Bawipa cu a pawngah a dir i, “Paul, hnangam tein um ko. Jerusalem i ka bia na hngalhter bantukin Rom khua zongah na hngalhter awk a si,” tiah a ti.

LAMKALTU 27:22

Atu zongah hnangam te i um dingin ruahnâk kan cheuh hna, nan lakah ahohmanh nih nunnâk nan hloh lai lo, a lotlau hngami cu tilawng hi a si lai.

LAMKALTU 27:25

Cucaah pu le hna, hnangam tein um u, a ka chimhning tein a um lai tiah Pathian ah zumhnâk ka ngei.

LAMKALTU 9:31

Cuticun kawhhran hna cu Judia ram vialte le, Galili le Samaria ah an fek chin lengmang i hnangam tein an um. Bawipa ṭihzah le Thiang thlarau hnangam terin an um i ankarh chin lengmang.

2 KORIN 1:3

Kan Bawipa Jesuh Krih Pathian le Pa, velngeihnâk Pa le hnangamnâk vialte Pathian cu thangṭhat in um seh.

2 KORIN 13:11

A donghnâk ah ule nau hna, dam tein. Tlamtling tein um u. Hnangam tein um u, ruahnâk pakhat ngei ulaw, daihnâk he nung u, cun dawtnâk le daihnâk Pathian nih an umpi hna lai.

2 KORIN 2:14

Cuticun Krih i teinâk chungah a ka hruaitu Pathian sinah lawmhnâk bia ka chim; kanmah hmangin Amah hngalhnâk rimhmui cu ka kipah â chawk.

2 KORIN 4:7

Asinain ṭhawnnâk cungnung cu kanmah in a chuakmi si loin Pathian i a chuakmi a si zia langhter dingin, cu ro cu hi tlak ûm chungah hin kan chiah.

2 KORIN 6:4

Pathian rianṭuantu sinâk he â tlakin zeithil pauh ah mi mit hmai kan zoh tawn. Thinfual te i teminnâk, harnâk, chamhbaunâk, vansannâk ah siseh,

2 KORIN 7:4

Nan sinah ralṭha in bia kan chim ngam, kan hmaihngalnâk bik nan si. Hnangamnâk in ka khat. Kan harnâk vialte zongah lunglomhnâk in kan khat tawn.

GALATI 1:4

Atu chan chan ṭhalo chungin a kan khamh khawh nâkhnga, kan Pathian le kan Pa duh ningin, Amah cu kan sualnak ruangah â pe,

GALATI 6:14

Kan Bawipa Jesuh Krih vailam dah ti lo cu Pathian nih hmaihngal pi a ka sianglo, cu thawng cun vawlei hi ka caah khenhchih a si i kei zong vawlei caah khenh chih ka si ve.

FILIPI 4:7

cun Pathian daihnâk, theihthiamnâk vialte a lonhtu nih khan nan lungthin le nan ruahnâk kha Krih Jesuh ah a kilven lai.

KOLOSE 1:20

cun van i a ummi le lei i a ummi vialte zong Amah he remterṭhân kha a duh caah a vailam thisen in daihnâk kha a rak ser;

1THESALON 3:4

Zeitintiah nan sin i kan um hlan in harnâk kan tuar hngami kha kan in chimh chung cang hna, cubantukin a hung cang taktak ti zong kha nan hngalh.

1THESALON 3:7

cucaah ule nau hna nan zumhnâk kong nih a kan hnemh ngaingai i kan harnâk le ngaihchiatnâk vialte ah kan hna a ngamter.

2 THESALON 3:16

Daihnâk Bawipa Amah hrimhrim nih a lam kipah daihnâk in pe zungzal ko hna seh. Bawipa cu nan dihlak cungah um ko seh.

2TIMOTE 3:12

A si, Pathian-aṭanh i Krih Jesuh ah umpeng â timmi hna nih serhsatnâk kha an ton ko lai.

HEBRU 11:25

a lo ṭhân ding sualnomhnâk chungah um duh loin Pathian mi hna he fahnâk tuar kha â thim deuh.

HEBRU 7:2

Abraham zong nih zeizong vialte ah cheuhra cheukhat a rak pêkmi pa kha, a hram thawk ah, “dinnâk siangpahrang” ti a rak si; cu hnu ah Salem siangpahrang ti a si, a sullam cu, “daihnâk siangpahrang” tinâk a si.

1 PETER 5:9

Vawlei cung i nan unau hna zong nih hibantuk hi an tuar ve ti kha hngal in, zumhfehnâk he amah cu doh u.

1JOHAN 2:13

Pa le hna nan sin i ka ṭial chan hi, a hramthawk i a ummi kha nan hngalh caah a si. Tlangval hna nan sin i ka ṭialchan hi misual pa kha nan tei caah a si. Ngakchia le hna nan sin i ka ṭial chan hi, Pa cu nan hngalh caah a si.

1JOHAN 4:4

Nau le hna, Pathian ta nan si i cuhna cu nan tei cang, zeicatiah nanmah i a ummi cu vawlei i a ummi nâk in a ngan deuh.

1JOHAN 5:4

Zeitintiah Pathian hrinmi pauh nih vawlei hi an tei. Kan zumhnâk hi vawlei a teitu teinâk cu a si.

BIAPHUAN 12:11

Cun annih nih Tuufano thisen le a bia an hngalhternâk thawngin an tei cang, an nunnâk hmanh thih tiangin an daw lo.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.

BIAPHUAN 7:14

Keinih a sinah, “Ka pu nangmah nih na hngalh” tiah ka ti. “Hi hna hi harnâk nganpi chungin a rakchuakmi an si, an angki kha an suk i Tuufano thisen in ran termi an si tiah a ka leh.