JOHAN 16:13 - Laibaibal Thiang (BSI)

¹³ Asinain Amah, biatak Thlarau, a rak phâk tikah, biatak vialte chungah an kalpi hna lai; Amah nawl in zeihmanh a chim lai lo, a theihmi vialte a chim deuh lai, ara laimi thil tiangin an hngalhter hna lai.

Lai (Hakha) Common Language Bible 2006

¹³ Asinain biatak phuangtu Thlarau cu a rat tikah biatak chungah cun an luhpi hna lai. ‘Keimah nawl a si,’ tiin zeihmanh a chim lai lo, a theihmi le a ra lai ding thil kong tu kha an chimh hna lai.

JOHAN 16:13 ပူးပေါင်းရင်းမြစ်များ

JOHAN 12:49

Zeitintiah keimah nawl i a chimmi ka si lo. Pa, aka thlahtu cu ka chim ding le ka phuan ding bia aka petu a si.

JOHAN 14:17

Cucu Biatak Thlarau, vawlei nih a ngeihkhawh lomi cu a si; Amah an hmuh lo i an hngalh lo caah; nannih nih Amah cu nan hngalh; zeitintiah nan sin i a um pengmi hi, nanmah zongah a um lai.

JOHAN 14:26

Sihmanhsehlaw Bawmtu, Thiang Thlarau Pa nih ka min i a thlah laimi nih zeizong vialte an cawnpiak hna lai, nan sin i ka chimmi vialte an hngalhter ṭhân hna lai.

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

JOHAN 15:26

Asinain Bawmtu, Pa sinin ka rak thlah hngami, biatak Thlarau- Pa i a chuakmi cu a rat tikah, ka bia a hngalhter lai.

JOHAN 16:12

“Nan sinah chimawk bia tampi ka ngei ko rih, asinain atu ah cun nan tlinh rih lai lo.

JOHAN 3:32

A hmuh le a hngalhmi kha a hngalhter tawn, asinain ahohmanh nih a hngalhtermi an zum lo.

JOHAN 8:38

Ka Pa sin in ka hmuhmi kha ka chim tawn. Nannih zong nanpa sin in nan hmuhmi kha nan tuah tawn,” tiah a ti.

LAMKALTU 11:28

An lakah mi pakhat, a min Agabus timi a dir i, “Vawlei vialte ah mangṭam fak piin a tlung lai tiah Thlarau hngalhternâk bia a phuan. Cu mangṭam cu Klaudias Sizar a si lioah a rak tlung.

LAMKALTU 20:23

Temnâk le harsatnâk nih an don ko tiah Thiang Thlarau nih khuakip ah a ka hngalhtermi lawng ka hngalh.

LAMKALTU 27:24

“Paul ṭih hlah, Sizar hmai ah na dir hrimhrim lai, tilawng i na sinah a kalmi vialte zong na kut ah an pêk cang,” tiah a ti.

2 THESALON 2:12

biaktak zum lo i dinlonâkah â lawmmi vialte nih thiamlo an co nâkhnga.

2 THESALON 2:3

Ahohmanh nih zei lei hmanh in in hleng hna hlah seh; tluktâknâk kha a phanh hmasat i misualpa lotlau fapa kha a langh hlanah cun cuni cu a phân lai lo,

HEBRU 1:1

Pathian, hlan lio ah cân dang dangah phun dang dangin hringtu hna sinah profet hna hmangin bia a rak chimtu nih khan,

1JOHAN 2:20

Asinain nan nih cu Mi Thiang nih chiti an thuh hna i zeizong vialte nan hngalh.

1JOHAN 2:27

Asinain Amah sin in nan comi sathau thuhnâk kha nan chungah a hmun i aho cawnpiak hmanh nan herh lo; sathau thuhnâk lila nih khan thil vialte an cawnpiak hna, cun lih si loin a dikmi a si, cawnpiak nan sining te khan Amah ah hmun ko u.

1JOHAN 4:6

Kannih cu Pathian ta kan si. Pathian a hngalmi nih kan bia an ngaih tawn, Pathian ta a si lomi nih cun kan bia an ngai duh lo. Hitihin biatak thlarau le palhnâk thlarau cu kan hngalh khawh.

1JOHAN 5:6

Hipa hi a si ti le thisen i a rami cu Jesuh Krih hi: ti lawngah si loin ti le thisen ah a si. Hngalhpitu cu Thlarau hi a si. Thlarau cu biatak a si caah.

BIAPHUAN 1:1

Jesuh Krih Biaphuan, a rauh hlanah a phân hrimhrim laimi Pathian nih a sal le hmangin hngalhter a timhmi cu hihi an si. A vancungmi thlah in a sinum Johan sinah a hngalhter;

BIAPHUAN 1:19

Hi na hmuhmi thil, atu a um liomi le tu hnuah a um laimi kha ṭial hna.