JOHAN 15:5 - Laibaibal Thiang (BSI)

⁵ Keimah hi misur ruang cu ka si, nannih a nge nan si. Keimah ah a um peng i kei zong a mah i ka um pengnâk cu tampi in theitlai a chuah tawn; keimah lo in zeihmanh nan tuah kho lo.

Lai (Hakha) Common Language Bible 2006

⁵ Mitsur ruang cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun, amah cu thei tampi a tlai khomi cu a si; zeicahtiah keimah loin nan tuah khawhmi zeihmanh a um lo.

JOHAN 15:5 ပူးပေါင်းရင်းမြစ်များ

PHUNGTHLÛKBIA 11:30

Miding hna theitlai cu nunnâk thing a si i thlarau tlaitu hna cu mifim an si.

MATTHAI 13:21

Asinain a chungah hram a thlak lo caah, cân toi te lawng a nguh. Bia ruang i serhsatnâk le hremnâk a phâk tikah a tlu tawn.

JOHAN 12:24

Biataktein, biataktein kan chimh hna, buhfang vawlei ah a tlak i a thih ta lo ahcun, amah lawngin a um peng, a thih ahcun thei tampi in a tlai tawn.

JOHAN 15:16

Nannih nih nan ka thim lo, keimah nih kan thim hna, theiṭha chuah awk le a hmunmi theitlai chuah dingin kan ruahmi hna nan si, ka min in Pa sinah nan halmi pauh an pêk hna nâkhnga.

JOHAN 5:19

Jesuh nih, “Biataktein, biataktein kan chimh hna, Fapa nih Amah lawngin zeihmanh a tuah kho lo, Pa nih a tuahmi a hmuhmi dah ti lo cu, Pa nih a tuahmi pauh, Fa zong nih a tuah.

JOHAN 9:33

Hi pa hi Pathian sinin a rami a si lo ahcun zeihmanh a tuah kho lai lo” tiah a leh hna.

LAMKALTU 4:12

Midang ahosinhmanhah khamhnâk a um lo, zeitintiah vanrang tang i min sakmi vialte lakah a kan khamh khotu mindang pakhat hmanh a um lo,” tiah a ti.

ROM 12:5

cubangin kannih zong, tampi kan sikonain, Krih ah taksa pumkhat kan si, pakhat cio in a nge kan si dih.

ROM 6:22

Asinain sualnâk in zalonter nan si hnu i Pathian sal nan si ah hin, thiannâk theitlai chuah khawhnâk nan ngei, a donghnâk i zungzal nunnâk he.

ROM 7:4

Cucaah ka ule nau hna, Krih pum ruangah nawlbia chungin nan thi cang; cuticun midang, thihnâk in thawhter Mi kha nan vat khawh cang i Pathian sinah theitlai nan chuah khawh cang lai.

1 KORIN 10:16

Thluachuahnâk hrai, thlua kan chuah tawnmi hi, Krih thisen hrawmpinâk a si lo maw? Changreu kan cheumi zong hi Krih taksa hrawmpinâk a si lo maw?

1 KORIN 12:12

Zeitintiah taksa pumkhat ah nge tampi a um, a nge cu tampi asinain, taksa cu pakhat a si, cubangin Krih zong hi a si.

1 KORIN 12:27

Cubangin nannih hi Krih pum cu nan si i pumpâk cio hi a nge cu nan si.

2 KORIN 13:8

Zeitintiah biatak ṭanhding dah ti lo cun, biatak ralchanh ding cun zeihmanh kan tuah kho lo.

2 KORIN 9:10

Cubangin thlaici tuhtu sinah thlaici petu, eiawk rawl petu, thlaici petu le karhtertu, dinnâk theitlai karhtertu nih,

GALATI 5:22

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk,

EFESA 5:9

(zeitintiah Thlarau theitlai cu ṭhatnâk, felnâk le biatak vialte ah a lang),

FILIPI 1:11

Pathian suparnâk le thangṭhatnâk caah, Jesuh Krih i a ummi dinnâk theitlai in nan khat lai.

FILIPI 4:13

A ka ṭhawntertu Krih ah zeizong vialte ka tuah khawh.

FILIPI 4:17

Thilpêk ka kawl lo, nanmah ah theitlai kha karh hna seh ti kha ka kawlmi a si.

KOLOSE 1:10

Bawipa lawmhter awktlâk in tling tein nan nun i thilṭha phunkip tuahnâk ah theitlai chuah in Pathian hngalhnâk i nan ṭhân khawh nâkhnga,

KOLOSE 1:6

cucu vawlei vialte ah a phân i theitlai a chuah bantukin nan sin zongah a rak phân, Pathian zângfahnâk biatak nan ngaih i nan hngalh hnuah nanmah lak zongah theitlai a chuah cuahmah lio a si;

JEIM 1:17

Thilpêk ṭha le tlam a tlingmi thilpêk hna cu cung leiin ceunâk petu Pa sinin a rami an si, Amah ah ceunâk le muisam â thleng bal lo.

1 PETER 2:4

A nungmi lung, minung hlawtmi, asinain Pathian thimmi le a sunglawimi Amah sinah ra in,

2 PETER 3:18

Kan Bawipa le khamhtu Jesuh Krih zângfahnâk le hngalhnâk ah khan ṭhang ko u. Atu le zungzal tiangin Amah sinah sunparnâk um ko seh. Amen.