JOHAN 15:4 - Laibaibal Thiang (BSI)

⁴ Keimah ah umpeng u, kei zong nanmah ah ka um peng lai. Nge cu a kungah â pehpeng lo ahcun, amah te in thei tlai a chuah khawh lo bantukin nannih zong keimah ah nan umpeng lo ahcun thei tlai nan chuah kho lai lo.

Lai (Hakha) Common Language Bible 2006

⁴ Keimah ah hin i peh u law kei zong nanmah he kaa peh ve lai. Mitsur nge nih amahte in thei a tlai khawh lo i a ruang ah aa peh lawngah a tlai khawh bantukin nannih zong keimah chung i nan um lo ahcun nan tlai kho ve lai lo.

JOHAN 15:4 ပူးပေါင်းရင်းမြစ်များ

MATTHAI 12:33

Thingṭha cu a thei a ṭha, nan ti lo le, thingchia cu a thei zong a chia ti lawlaw u, thing cu a theiin hngalh a si.

LUKA 8:15

Asinain lei ṭha i a tlami tu cu, lungthin fel le ṭha in bia cu an theih, an i cinken peng i tuar khawhnâk he thei tlai an chuah tawn.

JOHAN 14:20

Cuniah cun kei Pa i ka um le, nannih keimah i nan um le, kei nanmah i ka um kha nan hngalh lai.

JOHAN 17:23

Kei an sinah, Nang keimah ah, annih pumkhat an si i an tlamtlin khawh nâkhnga, Nangmah nih naka thlah ti le, naka dawt bangin annih zong na dawt hna ti hi vawlei nih an hngalh khawh nâkhnga.

JOHAN 6:56

Ka taksa a ei i ka thisen a dingmi pauh cu keimah ah a hmun i kei zong amah ah ka hmun.

JOHAN 8:31

Jesuh nih Amah zumtu Judah mi hna sinah, “Ka bia i nan hmunh ahcun, Aka zultu taktak nan si lai.

LAMKALTU 11:23

A phâk tikah Pathian zângfahnâk a hmuh tikah â lawm ngaingai, lungthin tak tein Bawipa i tlaih dingin thazâng a pêk hna.

LAMKALTU 14:22

Harnâk tampi tuarin Pathian pennâk ah kan luh awk a si ko, tiin zultu hna lungthin kha an ṭhawnter i zumhnâk ah fekte i dir dingin thazâng an pêk hna.

2 KORIN 13:5

Zumhnâk ah nan um maw, nanmah kha fiang tein i chek u. Jesuh Krih cu nanmah i a um kha nan hngal lo maw? Hniksaknâk i nan tlinlo a si fawn ṭung lo ahcun.

GALATI 2:20

Krih sinah khenhchih in ka um nain ka nung; keimahtu ka si ti lo, Krih cu keimah ah a nung cang, atu thisa i ka nun hi, Pathian Fapa, aka daw i ka ai ah â pemi zumhnâk ah ka nung.

EFESA 3:17

cun zumhnâk thawngin Krih cu nan lungthin ah khua a sak khawhnâk hnga le dawtnâk ah hram nan bunh i hngatchan miah nan i ngeih khawh nâkhnga,

FILIPI 1:11

Pathian suparnâk le thangṭhatnâk caah, Jesuh Krih i a ummi dinnâk theitlai in nan khat lai.

KOLOSE 1:23

vanrang tang sermi vialte sinah chimmi thawngṭha nan theihmi ah hninh khawh loin hram nan bunh i ruahchannâk le zumhnâk i nan um taktak ahcun, keimah Paul zong cu rianṭuantu ah ser ka si.

KOLOSE 1:27

Gentel mi hna lakah hi a sung lawimi le a rummi biathli hi Pathian nih an sinah langhter a duhmi cu a si, cucu nan chungah a ummi Krih, nan i ruahchanmi sunparnâk kha a si;

KOLOSE 2:6

Cucaah Bawipa Krih Jesuh cu nan cohlân cang bangin Amah ah um peng u,

1THESALON 3:5

Hiruangah zumhnâk i nan kong hngal loin kan um khawh lo tikah a nih cu kan rak thlahnâk kha a si, culoahcun tukforhtu nih an tei sual hna lai i nan sin i kan ṭuanmi hi pakpalawng ah a cang sual lai.

HEBRU 10:39

Kannih cu lotlau dingin hnu leiah a tawlhmi kan si lo i nunnâk khamh dingin zumhnâk ngeitu kan si.

1JOHAN 2:6

Amah ah ka um titu cu, Amah nun ningin a nun ve awk a si.

2 JOHAN 1:9

Mizei pauh Krih cawnpiaknâk ah hmun loin a buartu nih cun Pathian an ngei lo. Krih cawnpiaknâk i a hmunmi lawng nih Pa le Fa an ngei.