JOHAN 14:6 - Laibaibal Thiang (BSI)

⁶ Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

Lai (Hakha) Common Language Bible 2006

⁶ Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

JOHAN 14:6 ပူးပေါင်းရင်းမြစ်များ

MATTHAI 11:27

Ka Pa nih thil vialte ka kut ah a chiah cang, Pa dah ti lo cun ahohmanh nih Fa hi an hngal lo. Pa zong cu Fa le an sin i Fa nih a hngalhter duhmi dah ti lo cun ahohmanh nih an hngal kho lo.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

JOHAN 1:17

Zeitintiah nawlbia cu Moses hmangin pêk a si, asinain zângfahnâk le biatak cu Jesuh Krih in a um.

JOHAN 1:4

Amah ah nunnâk a um, cu nunnâk cu minung hna ceunâk a si.

JOHAN 10:28

An sinah zungzal nunnâk ka pêk i an tlau hrimhrim lai lo. Ka kut chungin ahohmanh nih an ka chut kho lai lo.

JOHAN 10:7

Jesuh nih an sinah a chim ṭhân i, “Biataktein, biataktein kan chimh hna. Keimah hi tuuluhnâk innkâ ka si.

JOHAN 10:9

Kei cu innkâ ka si. keimah i a lutmi pauh cu khamh in a um lai. A lut in a chuak lai i eiawk a hmuh lai.

JOHAN 14:19

“A rauh hlan ah vawlei nih anka hmu ti lai lo, asinain nannih nih cun nan ka hmuh lai, ka nun ruangah nan nih zong nan nung ve lai.

JOHAN 15:1

Kei cu misur ruang taktak ka si, ka Pa cu dûm ngeitu a si.

JOHAN 18:37

Pailat nih, “Cuti a si ahcun, Siangpahrang na si ko lo maw? tiah a ti. Jesuh nih, “A dikmi na chim. Siangpahrang ka si,” Biatak chim le hngalhter hi vawlei ka chuahchan le ka rat chan a si. Biatak i a ummi pauh nih ka aw hi a ngaih tawn” tiah a ti.

JOHAN 5:21

Zeitintiah Pa nih mithi kha a thawhter i a nunter bantukin, Fapa zong nih a duhmi pauh a nunter tawn.

JOHAN 6:33

Zeitintiah Pathian changreu cu van in ara i vawlei ah a nunnâk petu ding hi a si,” tiah a ti.

JOHAN 6:51

Keimah hi van in a rungṭummi changreu nung ka si. Hi changreu a eimi pauh, zungzal in a nung peng lai. Vawlei nunnâk dingah ka pêk hngami changreu cu ka taksa hi a si.” tiah a ti.

JOHAN 6:57

A nungmi Pa nih aka thlah i Pa thawngin a nungmi ka si bangin, aka eitu pauh cu keimah thawngin a nung ve lai.

JOHAN 6:68

Simon Peter nih, “Bawipa aho sinahdah kan kal lai? Nangmah nih zungzal nunnâk bia kha na ngei.

JOHAN 8:32

Cun Biatak nan hngalh lai i biatak nih an luatter hna lai.” tiah a ti.

JOHAN 8:51

Biataktein, biataktein kan chim hna, “Ka bia â tlaihmi pauh cu thihnâk a hmu hrimhrim lai lo,” tiah a ti.

LAMKALTU 3:15

Nunnâk Bawi kha nan thah, asinain Pathian nih Amah cu a thawhter, cucu hngalhpitu kan si.

LAMKALTU 4:12

Midang ahosinhmanhah khamhnâk a um lo, zeitintiah vanrang tang i min sakmi vialte lakah a kan khamh khotu mindang pakhat hmanh a um lo,” tiah a ti.

LAMKALTU 9:2

hi lam zultu a hmuhmi pauh nu he pa he ṭem buin Jerusalem khua ah a hnuh khawh nâkhnga Damaska khua i Sinagog vialte ah pêk awk ca a va hal.

ROM 15:16

cuticun Gentel mi hna thilpêk cu cohlan awktlâk, Thiang Thlarau i thiantermi a sikhawh nâkhnga, Gentel mi hna sinah Jesuh Krih ca i Pathian thawngṭha bia rianṭuantu ka si kho lai.

ROM 5:2

amah thawng lila in atu i kan dirnâk, hi zângfahnâk ah hin, zumhnâk in kan lut i lawmhnâk he Pathian sunparnâk kan i ruahchan.

ROM 5:21

cuticun sualnâk nih thihnâk in a uk bangin, zângfahnâk nih dinnâk in kan Bawipa Jesuh Krih thawngin zungzal nunnâk tiangin a uk khawh.

1 KORIN 15:45

Cun hiti hin ṭial a si, “Minung hmasa bik Adam cu a nungmi a si,” Adam hmadung deuh cu nunnâk petu thlarau a rak si.

EFESA 2:18

Amah thawngin Pa sinah Thlarau pakhat in luhkhawhnâk kan ngei.

KOLOSE 2:17

Cu hna cu a um laimi muithlâm men an si i a taktak cu Krih ta a si.

KOLOSE 2:9

Zeitintiah Amah ah Pathian tlamtlinnâk vialte cu pumsa lei in a um;

KOLOSE 3:4

Kan nunnâk Krih a langh tikah nannih zong Amah sinah sunglawi ngaiin nanlang ve lai.

HEBRU 7:25

Cucaah Amah lan in Pathian sinah a rami hna cu a dongh tiangin a khamh khawh hna, zeicatiah an ca i nawlpiak dingin zungzal i a nun peng caah.

HEBRU 9:8

Thiang Thlarau nih a hngalhtermi cu, biakthlâm hmasa a dir chung pauh cu Hmun thiang Bik luhnâk lam kha a lang rih lo, timi hi a si.

1 PETER 1:21

Thihnâk in a thawh tertu le sunparnâk petu Pathian cu nan zumh i nan zumhnâk le ruahchannâk cu Pathian ah a um.

1 PETER 2:4

A nungmi lung, minung hlawtmi, asinain Pathian thimmi le a sunglawimi Amah sinah ra in,

1 PETER 3:18

Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,

1JOHAN 1:8

Sualnâk ka ngei lo kan ti ahcun, kanmah le kanmah kan i hleng i kan chungah biatak a um lo.

1JOHAN 2:23

Fapa a hlawtu pauh nih Pa zong a ngei hlei lo; Fapa a cohlângtu pauh nih Pa zong a ngeih.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

1JOHAN 5:6

Hipa hi a si ti le thisen i a rami cu Jesuh Krih hi: ti lawngah si loin ti le thisen ah a si. Hngalhpitu cu Thlarau hi a si. Thlarau cu biatak a si caah.

2 JOHAN 1:9

Mizei pauh Krih cawnpiaknâk ah hmun loin a buartu nih cun Pathian an ngei lo. Krih cawnpiaknâk i a hmunmi lawng nih Pa le Fa an ngei.

BIAPHUAN 1:5

Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

BIAPHUAN 19:11

Cubangin van â ongmi ah, zohhmanh, rang râng ka hmuh. Cun a cungah a ṭhumi cu Zumhtlâk le Biatak tiah kawhmi a si i dinnâk in bia a ceih i ral a doh tawn.

BIAPHUAN 20:15

Nunnâk Cauk chung i min ṭial an hmuh lomi vialte cu mei tili ah cun hlawnh an si.

BIAPHUAN 22:1

Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.

BIAPHUAN 22:17

Cun Thlarau le mo nih, “Ra!” an ti. A theimi hna nih, “Ra!” ti hna seh. Ati a hâlmi pauh cu ra in, a duhmi pauh nih, nunnâk ti hi man loin la hna seh.

BIAPHUAN 3:14

“Cun Loadisia kawhhran vancungmi sinah hitihin ṭial, ‘Amen, Zumhtâk le Hngalhpitu Taktak, Pathian sermi thil hna Hrampi nih hitihin a chim.

BIAPHUAN 3:7

“Cun Filadelfia kawhhran vancungmi sinah hitihin ṭial, Mithiang, Mi taktak, David tawh ngeitu, ahohmanh khar lo dingin a hung i ahohmanh hun lo dingin a khartu nih khan hi bia hi a chim.”