JOHAN 14:28 - Laibaibal Thiang (BSI)

²⁸ Nan sin i ka chim nan theih cang bangin, “Lo diam ka kal lai i nan sinah ka rak kir ṭhân lai. ‘Nannih nih ka daw u law, Pa sin i ka kal lai ah hin nan i lawmdeuh hnga; Pa cu keimah nâk in a ngan deuh.

Lai (Hakha) Common Language Bible 2006

²⁸ ‘Kan kaltak hna lai, sihmanhsehlaw nan sinah ka ra ṭhan lai,’ ka ti pei nan theih ko kha. Nan ka dawt ahcun ka Pa sin i ka kal lai hi nan i lawm lai, zeicahtiah amah cu keimah nakin a ngan deuh.

JOHAN 14:28 ပူးပေါင်းရင်းမြစ်များ

SALM 68:18

Cunglei ah na kai i saltângmi kha na hruai hna, minung hna sinin thilpêk na hmuh i ralthawh a hmangmi sin tiangin, BAWIPA Pathian cu an sin i a um khawh nâkhnga.

SALM 68:9

Maw Pathian, nangmah nih ruah tampi na surter, cunihcun na ro comi, ramcar kha hring dildel in a umter.

MATTHAI 12:18

“Zohhmanh, ka sal, ka thimmi, ka duhmi le, kâ lawmhnâk bik! A chungah ka Thlarau ka chiah lai i Gentel mi hna sinah diknâk a phuan lai.

JOHAN 10:38

Sihmanhsehlaw ṭuntu ka si ahcun, keimah nanka zumh lo hmanh ah, ṭuanmi tal hi zum u. Pa keimah ah a um, ti le, kei zong Pa ah ka um ti nan hngalh khawh nâkhnga” tiah a leh hna.

JOHAN 13:16

Biataktein biataktein, kan chimh hna. Sinum cu a pu nâkin a ngan deuh lo. Lamkaltu tu zong a fialtunâk in a ngan deuh lo.

JOHAN 14:12

Biataktein, biataktein, kan chimh hna, Aka zumtu nih cun ka tuahmi thil hi a tuah ve lai; Ka Pa sinah ka kal lai caah hi nâk ngan zong a tuah te lai.

JOHAN 14:18

Ngakṭah in kan kaltak hna lai lo, nan sinah ka ra ṭhân lai.

JOHAN 16:7

Asinain biatak kan chim hna. Ka kal nan caah a ṭha; zeitintiah ka kal lo ahcun, Bawmtu nan sinah a ra lai lo, ka kal ahcun nan sinah ka rak thlah lai.

JOHAN 20:17

Jesuh nih, “Ka tlai peng hlah, atu tiangin Pa sinah ka kai rih lo; ka u nau hna sinah va kal law, an sinah, “Ka pa, nan Pa, ka Pathian, nan Pathian sinah ka kai lai, a ti tiah, va ti,” tiah a ti.

JOHAN 20:21

Jesuh nih, “Nan cungah daihnâk um ko seh,” Pa nih a ka thlah bantukin kei zong nih kan thlah ve hna.

JOHAN 5:18

Judah mi nih thah an timh chin chin, zeicatiah Sabbath a buar lawng si loin, Pathian khi ka Pa, a ti ruangah le Pathian tlukah â ruah ruangah a si.

JOHAN 7:33

Jesuh nih, “Cân tawi te nan sinah ka um rih lai, cu hnu ah aka thlahtu sinah ka kir cang lai.

1 KORIN 11:3

Hngalhter kan duhmi hna cu pa vialte lu cu Krih a si, nu lu cu pa a si i Krih lu cu Pathian a si.

1 PETER 1:8

Amah cu nan hmu lo nain nan dawt, atu ah nan hmu lo nain Amah cu nan zumh, cucaah nan zumh chan nan thlarau khamhnâk kha nan hmuh caah,

BIAPHUAN 1:11

Cu aw nih “Kei cu Alpha le Omega, Hmaisa bik le Hmahnung bik ka si. Na hmuhmi cu cauk ah ṭial law, Asia ram i a ummi kawhhran pasarih; Efesa, Smirna, Pergamos, Thiatira, Sardis, Filadelfia le Laodisia sinah kuat hna,” tiah a ti.