JOHAN 14:23 - Laibaibal Thiang (BSI)

²³ Jesuh nih, “Minih aka dawt ahcun, ka bia â nunpi lai; ka Pa nih a dawt lai, a sinah kan ra lai i amah cu umnâk innah kan ser lai.

Lai (Hakha) Common Language Bible 2006

²³ Jesuh nih cun, “A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai.

JOHAN 14:23 ပူးပေါင်းရင်းမြစ်များ

SALM 90:1

BAWIPA, nangmah cu chan vialte ah kan umnâk na si.

SALM 91:1

Cungnung bik ṭhutnâk hmun i a ummi hna cu Zeizongtuahkho thladêm ah an hmun lai.

JOHAN 10:30

Kei le ka Pa cu pumkhat kan si.

JOHAN 14:15

Nanka dawt ahcun, ka nawlpêkmi nan zulh lai.

JOHAN 14:17

Cucu Biatak Thlarau, vawlei nih a ngeihkhawh lomi cu a si; Amah an hmuh lo i an hngalh lo caah; nannih nih Amah cu nan hngalh; zeitintiah nan sin i a um pengmi hi, nanmah zongah a um lai.

JOHAN 14:21

Ka nawlpêk kha a pom i a nunpitu cu aka dawtu a si. Aka dawtu cu ka Pa nih a dawt lai, kei zong nih ka dawt ve lai i a sinah kâ lang lai,” tiah a ti.

JOHAN 14:24

Aka daw lomi nih ka bia zong a nunpi lo; hi bia nan theihmi hna hi keimah ta a si lo i aka thlahtu Pa ta a si.

JOHAN 15:10

Nannih nih ka nawlpêkmi nan zulh ahcun ka dawtmi in na um peng lai. Kei zong ka Pa nawlpêk ka zulh i a dawtmi in ka um peng bantukin.

JOHAN 16:27

nannih nih nanka dawt i Pa sin in a chuakmi ka si nan zumh caah, Pa hrimhrim nih an dawt hna.

JOHAN 6:56

Ka taksa a ei i ka thisen a dingmi pauh cu keimah ah a hmun i kei zong amah ah ka hmun.

JOHAN 8:51

Biataktein, biataktein kan chim hna, “Ka bia â tlaihmi pauh cu thihnâk a hmu hrimhrim lai lo,” tiah a ti.

JOHAN 8:52

Judah mi nih, “Khuachia tuahmi na si kha atu kan hngalh cang! Abraham a thi cang, profet hna an thi cang, nang nih, “Mi nih ka bia a zulh ahcun thihnâk a tem lai lo,” tiah na ti fawn.

2 KORIN 6:16

Pathian ṭempal le milem nih zeidah remnâk an ngeih? Nannih cu Pathian nung ṭempal nan si. Pathian nih hitihin a chim, “An sinah ka um lai i an lakah khua ka sa lai. An Pathian ka si lai i annih cu kami le an si lai.”

EFESA 3:17

cun zumhnâk thawngin Krih cu nan lungthin ah khua a sak khawhnâk hnga le dawtnâk ah hram nan bunh i hngatchan miah nan i ngeih khawh nâkhnga,

1JOHAN 2:24

Cucaah a hramthawk in nan theihmi kha nanmah ah hmunhter u. A hramthawk i nan theihmi nanmah ah a hmunh ahcun, nanmah zong Fapa le Pa ah nan hmun peng lai.

1JOHAN 2:5

Asinain a bia a nunpimi pauh cu, Amah ah Pathian dawtnâk a tling taktak cang. Cu nih cun Amah ah kan um ti kha kan hngalh.

1JOHAN 4:4

Nau le hna, Pathian ta nan si i cuhna cu nan tei cang, zeicatiah nanmah i a ummi cu vawlei i a ummi nâk in a ngan deuh.

1JOHAN 5:3

Zeitintiah hihi Pathian dawtnâk cu a si, a nawlpêkmi kan zulhmi hi, a nawlpêkmi cu zulh har a si lo.

2 JOHAN 1:6

Hihi dawtnâk a si, a nawlpêkmi bang i nun hi. Hihi a hramthawk in na rak theih cangmi nawlpêk cu a si, cuka ah rak um.

BIAPHUAN 21:22

Asinain a chungah ṭempal ka hmu lo, zeitintiah Zeizongtuahkho Bawipa Pathian le Tuufano cu an ṭempal an si.

BIAPHUAN 21:3

Vanin a thang ngaimi aw nih, “Zohhmanh, Pathian biakthlâm cu minung sinah a um ai, Anih cu an sinah a um lai, annih cu ami le an si lai. Pathian hrimhrim nih a umpi hna lai i an Pathian a si lai.

BIAPHUAN 22:3

Cuka ah chiatserhnâk a um ti lai lo, Pathian le Tuufano bawiṭhutdanh kha a um lai, A sinum hna nih Amah cu an renh lai.