JOHAN 14:20 - Laibaibal Thiang (BSI)

²⁰ Cuniah cun kei Pa i ka um le, nannih keimah i nan um le, kei nanmah i ka um kha nan hngalh lai.

Lai (Hakha) Common Language Bible 2006

²⁰ Cu ni a phak tikah cun kei cu ka Pa chung i ka um le nan chung i ka um bantukin nannih zong ka chung i nan um kha nan hngalh lai.

JOHAN 14:20 ပူးပေါင်းရင်းမြစ်များ

JOHAN 10:38

Sihmanhsehlaw ṭuntu ka si ahcun, keimah nanka zumh lo hmanh ah, ṭuanmi tal hi zum u. Pa keimah ah a um, ti le, kei zong Pa ah ka um ti nan hngalh khawh nâkhnga” tiah a leh hna.

JOHAN 14:10

Pa i ka um le, keimah i Pa a um hi na zum lo maw? Nan sin i ka chimmi bia hna hi keimah nawlngeihnâk in ka chim lo, keimah i a ummi Pa rianṭuan a si.

JOHAN 14:11

Kei Pa i ka um le Pa keimah i a um hi zum u, asilole tuahmi thil ruang tal ah hin zum u.

JOHAN 16:23

Cuniah cun nannih nih zeihmanh nanka hal lai lo. Biataktein, biataktein, kan chimh hna, Pa sinah zei pauh nan hal ahcun keimah min in an pêk hna lai.

JOHAN 16:26

Cuniah cun keimah minin thil nan hal lai; Pa sinah kan halpiak hna lai tiah ka chim lo hih,

JOHAN 17:11

Atu cu vawlei ah ka um ti lai lo, annih cu vawlei i ummi an si. Na sinah kara lai. A thiangmi ka Pa, naka pêkmi hna hi na min in kilveng ko hna, kannih pumkhat kan si bantukin pumkhat an si khawh nâkhnga.

JOHAN 17:26

An sinah na min ka hngalhter cang, ka hngalhter ṭhân ko lai. Naka dawtnâk bantuk dawtnâk kha anmah i a um khawh nâkhnga, kei zong anmah i ka um khawh nâkhnga,” tiah a ti.

JOHAN 17:7

Naka pêkmi thil vialte hi na sinin a chuakmi a si tiah, atu cu an hngalh cang.

JOHAN 6:56

Ka taksa a ei i ka thisen a dingmi pauh cu keimah ah a hmun i kei zong amah ah ka hmun.

ROM 16:7

Ka phun hawi Andronikas le Junias ka thong tlakpi hawi kha an kut ka tlaih hna, annih cu lamkaltu hna lakah min thang ngaimi an si i keimah hlan in Krih ah a um hmasami zong an si.

ROM 8:1

Cucaah atu cu Krih Jesuh ah a um i thisa duhnâk zul loin, Thlarau duhnâk a zulmi hna caah cun thiamlocoternâk zeihmanh a um ti lo.

1 KORIN 1:30

Nannih tu cu Amah thawngin Krih Jesuh ah nan um, Amah cu Pathian sinin kan ca fimnâk, dinnâk, thiannâk le tlanhnâk a si,

2 KORIN 12:2

Krih ah mi pakhat ka hngalh; kum hlei li a si cang, cupa cu van thumnâk ah khin lâk a si, pumsa in maw a um, pumsa lo in dah a um ka hngal lo. Pathian nih a hngalh.

2 KORIN 13:5

Zumhnâk ah nan um maw, nanmah kha fiang tein i chek u. Jesuh Krih cu nanmah i a um kha nan hngal lo maw? Hniksaknâk i nan tlinlo a si fawn ṭung lo ahcun.

2 KORIN 5:17

Cucaah mizei pauh Krih ah a um ahcun sertharmi a si, thilhlun cu an lo i ngaihmanh u, zeizong vialte a thar cang.

2 KORIN 5:19

cuticun Pathian nih Krih ah vawlei hi Amah he a remterṭhân i an nawlbuarnâk cu nawlbuarnâk ah ruahpiak lo in, remṭhânnâk bia tu a kan chanh.

GALATI 2:20

Krih sinah khenhchih in ka um nain ka nung; keimahtu ka si ti lo, Krih cu keimah ah a nung cang, atu thisa i ka nun hi, Pathian Fapa, aka daw i ka ai ah â pemi zumhnâk ah ka nung.

EFESA 2:10

Thilṭha tuah dingah Krih Jesuh ah sermi kan si i Amah kutchuak kan si, cu thilṭha tuah cu kan umnâk dingah Pathian nih a rak timhlamh ciami a si.

KOLOSE 1:19

Zeitintiah Amah ah tlamtlinnâk vialte umter hi Pa lawmhnâk a si;

KOLOSE 1:27

Gentel mi hna lakah hi a sung lawimi le a rummi biathli hi Pathian nih an sinah langhter a duhmi cu a si, cucu nan chungah a ummi Krih, nan i ruahchanmi sunparnâk kha a si;

KOLOSE 2:9

Zeitintiah Amah ah Pathian tlamtlinnâk vialte cu pumsa lei in a um;

1JOHAN 4:12

Ahohmanh nih zeitik hmanh ah Pathian an hmu ballo. Pakhat le pakhat kan i dawt ahcun, Pathian kan sinah a hmun, a dawtnâk zong kanmah ah tlam a tling.