JOHAN 13:34 - Laibaibal Thiang (BSI)

³⁴ Nawlpêk thar kan pêk hna; pakhat le pakhat i daw u, keimah nih kan dawt hna bantukin pakhat le pakhat i daw u.

Lai (Hakha) Common Language Bible 2006

³⁴ Nawlbia thar kan pek hna: pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a si.

JOHAN 13:34 ပူးပေါင်းရင်းမြစ်များ

SALM 119:63

Nangmah ṭihtu hna le na phungbia zultu hna hawikom ka si.

SALM 16:3

Vulei cungah a ummi mithiang hna caah, “Annih cu miṭha taktak, kâ lawmhnâk vialte umnâk an si,” tiah ka ti.

MATTHAI 5:44

Asinain kei nih cun, nan ral va daw hna u law, chiat an serhtu kha thluachuah va pe hna u, an huatu hna caah ṭhatnâk tuah u law, an diriamtu hna le serhsattu hna caah thlacam u,

JOHAN 15:17

Nawl kan pêkmi hna hi pakhat le pakhat nan i dawt khawh nâkhnga caah a si.

JOHAN 17:21

an dihlak in pumkhat an si khawh nâkhnga. Ka Pa, Nang keimah ah, kei Nangmah ah ka um bantukin an dih lak in Kanmah ah pumkhat i an um khawh nâkhnga, cun vawlei nih Nangmah nih naka thlah ti a zumh khawh nâkhnga.

ROM 12:10

Unau i dawt bangin i daw cio u; mah nâkin midang kha sâng deuh ah chia u.

ROM 13:10

Dawtnâk nih inpa a fahter bal lo; cucaah dawtnâk hi nawlbia tlamtlinnâk a si.

ROM 13:8

Pakhat le pakhat i dawt dah tilo cu lei i ba hlah u, zeitintiah midang a dawtu nih cun nawlbia cu a zulh dih cang.

GALATI 5:22

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk,

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

GALATI 6:10

Cucaah cân rem kan ngeih ning cio in, mi vialte cungah thilṭha tuah u sih, a hleiin zumhnâk i kan chung le sinah tuah u sih.

GALATI 6:2

Pakhat le pakhat nan thilrit i châng u law Krih nawlbia nan tlinter a si lai.

EFESA 5:2

Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

KOLOSE 1:4

Pathian le kan Bawipa Jesuh Krih Pa sinah lomhnâk bia chimin nan caah thla kan cam tawn.

1THESALON 3:12

Cun kan in dawt hna bantukin nanmah le mi vialte nan dawt khawh nâkhnga, nan dawtnâk cu Bawipa nih tam chin chin in karhter ko seh,

2 THESALON 1:3

Unau hna nanmah kongah Pathian sinah lawmhnâk bia chim awk kan ngei, cucu kan tuah awk hrimhrim a si, zeicatiah nan zumhnâk kha a ṭhang ngaingai i pakhat le pakhat nan i dawtnâk zong a karh chin leng mang,

HEBRU 13:1

Unau dawtnâk hi umpeng seh law.

JEIM 2:8

Cathiang chung i siangpahrang nawlbia, “Nangmah nâ dawt bangin na innpa na dawt lai,” timi nan tlinter ahcun a ṭha;

1 PETER 1:22

Unau dawtnâk taktak kha ngei in, Thlarau thawngin biatak zum in, nan thlarau nan thianter cang caah, lungthin thiang te le biatak tein pakhat le pakhat i daw u,

2 PETER 1:7

Pathian ṭihnâk ah khan unau zawnruahnâk telhchih u, cun unau zawnruahnâk ah khan dawtnâk telhchih u.

1JOHAN 3:11

Pakhat le pakhat kan i dawt awk a si, tihi a hramthawk in biacah nan theihmi kha a si.

1JOHAN 3:23

A nawlpêkmi cu hihi a si, a Fapa Jesuh Krih min zumh i nawl a kan pêk bangin pakhat le pakhat kan i dawtmi hi.

1JOHAN 4:21

Amah sinin hi nawlpêk hi kan ngei, Pathian a dawmi nih cun a unau zong a dawt hrimhrim lai, ti hi.

2 JOHAN 1:5

Cun upat tlâk a simi nu, na sinah nawlpêk thar bangin ka ṭial lo, a hramthawk in kan ngeih ciami tu kha ka ṭial, pakhat le pakhat i daw dingin kan nawl.