JOHAN 13:31 - Laibaibal Thiang (BSI)

³¹ A chuah hnu ah Jesuh nih, “Atu ah Mi Fapa hi thangṭhat in a um, Amah ah hin Pathian zong thangṭhat in a um.

Lai (Hakha) Common Language Bible 2006

³¹ Judas a chuah hnuah khan Jesuh nih, “Atu cu Mi Fapa hi sunparnak kha pek ka si cang; atu cu keimah thawngin Pathian nih khan sunparnak cu a hmuh cang.

JOHAN 13:31 ပူးပေါင်းရင်းမြစ်များ

MATTHAI 8:20

Jesuh nih, “Cinghngia nih kua an ngei, vate nih bu an ngei, Mi Fapa nih luchiahnâk hmanh a ngei lo,” tiah a ti.

LUKA 12:50

Asinain baptisma in ding ka ngei, cucu ka tuah hlan pauh cu ka awlawk a va chong dah!

JOHAN 11:4

Jesuh nih cucu a theih tikah, “Hi zawtnâk hi thihnâk ding a si lo, Pathian sunparnâk dingtu a si, Pathian Fapa cu hiruangah hin thangṭhat i a um khawh nâkhnga,” tiah a ti.

JOHAN 12:23

Jesuh nih annih cu, “Mi Fapa, thangṭhat i a um cân cu a phân cang.

JOHAN 12:28

“Ka Pa, na min thangṭhat tuah,” tiah a ti. Vanin aw a rak chuak i, “Ka thangṭhat cang, Ka thangṭhat rih ko lai,” tiah a ti.

JOHAN 14:13

Cun ka min in nan halmi pauh cu ka tuah lai. Fapa thawngin Pa thangṭhat i a um khawh nâkhnga.

JOHAN 16:14

Anih nih aka thangṭhat lai; ka sinin a lâk lai i nan sinah a phuan lai.

JOHAN 7:39

Cubia cu Amah zumtu hna nih Thlarau an ngeihnâk ding a chimmi a si, Jesuh kha thangṭhat in a um rih lo caah Thiang Thlarau kha pêk a si rih lo..

LAMKALTU 2:36

Cucaah Jesuh nan khenhchihmi kha Pathian nih Bawi le Krih ah a canter ti hi Israel miphun vialte nih hngal ko seh,” tiah a ti.

LAMKALTU 3:13

Abraham Pathian, Isak le Jacob Pathian, kan pupa hna Pathian nih a Sal Jesuh a thangṭhatmi a si; Amah cu nan tlaihter i Pailat nih thlah a timh len zongah nan rak el a si kha.

2 KORIN 3:18

Asi kan nih cu hmaikhuh loin Bawipa sunparnâk cu thlalang i kan hmuh bangin kan zoh, Amah muisam keng dingin, Bawipa Thlarau nih sunparnâk in sunpar chinchin nâkah thlen in kan um cuahmah lio a si.

EFESA 1:12

kannih Krih â bochan hmasatu hna hi a sunparnâk thangṭhattu kan si nâkhnga.

EFESA 2:7

ara laimi chan ah Krih Jesuh thawngin avelngeihnâk le a rum tak takmi a zângfahnâk cu kan cungah a langhter khawh lai.

EFESA 3:10

Cuticun van hmun i bawinâk le nawlngeihnâk tiangah khin a liannganmi Pathian fimnâk hi kawhhran hna nih an hngalhter khawh lai,

FILIPI 2:11

lei vialte nih Pa Pathian sunparnâk dingah Jesuh Krih cu Bawi a si, tiin an phuan lai.

1 PETER 1:21

Thihnâk in a thawh tertu le sunparnâk petu Pathian cu nan zumh i nan zumhnâk le ruahchannâk cu Pathian ah a um.

1 PETER 2:12

Gentel mi hna sinah upat awktlâk in nung u, cuticun minih thil ṭha lo tuahtu bangin nan thang an chiat zongah, thil ṭha nan tuahmi an hmuhnâk thawngin Pathian nih a veh hna ni ah an thangṭhat ve lai.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.