JOHAN 13:14 - Laibaibal Thiang (BSI)

¹⁴ Keimah Bawipa le Cawnpiaktu hmanh nih nan ke ka ṭawl ahcun, nannih zong nan ke nan i ṭawl piak awk a si.

Lai (Hakha) Common Language Bible 2006

¹⁴ Kei nan Saya le nan Bawipa a simi nih nan ke kan ṭawl hna ahcun nannih zong pakhat le pakhat nan ke nan i ṭawlpiak awk a si.

JOHAN 13:14 ပူးပေါင်းရင်းမြစ်များ

JOHAN 11:2

Mizaw Lazaruh cu Mary ṭapa a si, Mary cu hlan i Bawipa ke i rimhmui sathau a rak thuh i a samin a hnawh piaktu kha a si.

LAMKALTU 20:35

Cubantuk i teihmâk chuah i rian`uannâk nih thazâng ngei lomi nan bomh khawhnâk lam phun tampi in kan hmuhsak hna. Bawipa Jesuh bia ah, “Hmuh lei nâk in pêk lei ah thluachuah a um deuh,” a timi kha philh hlah u.

ROM 12:10

Unau i dawt bangin i daw cio u; mah nâkin midang kha sâng deuh ah chia u.

ROM 12:16

Ruahnâk hmunkhat in um ulaw, i santer hlah u, dirhmun niammi hna komhkhawh dingin um u. Mah le mah i fimter hlah u.

1 KORIN 12:3

Cucaah hihi kan theihter hna Pathian Thlarau in bia an chim tikah Jesuh cu chiatserhmi an ti bal lo, cun Thiang Thlarau dah tilo cun ahohmanh nih Jesuh cu Bawi a si an ti kho lo.

1 KORIN 8:13

Cucaah eiding nih ka unau a tlukter ahcun, ka unau a tluk tinâk hngalo, sa ka ei ti lai lo.

2 KORIN 10:1

Cubangin keimah Paul, hmaitonh i ralchia, langhlat i nan hmai ah a ral a ṭha ngaimi nih Krih lungnemnâk le nunnemnâk in kan nawl hna.

2 KORIN 8:9

Zeitintiah kan Bawipa Jesuh Krih zângfahnâk cu nan hngalh, Amah cu rum hmanhsehlaw, a sifahnâk thawngin nannih nan rum nâkhnga, a si a fak.

GALATI 5:13

Ule nau hna, zalong ding i kawhmi nan si, nan zalonâk tu cu thisa caah cânremah hmang hlah u, dawtnâk in rian i ṭuanpiak cio u.

FILIPI 2:11

lei vialte nih Pa Pathian sunparnâk dingah Jesuh Krih cu Bawi a si, tiin an phuan lai.

1TIMOTE 5:10

ṭhatnâk tuahnâk kongah thangṭhatmi, fale zong tlamtling in a rak bawmtu le, thilṭha kip ṭhahnem ngai i tuahtu a si ahcun nuhmei ah ṭial khawh a si.

HEBRU 12:2

Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.

1 PETER 4:1

Cucaah Krih nih thisa in kan caah a tuar ruangah nannih zong cu lungput cu ngei ve u; taksa in a tuarmi hna nih cun sualnâk kha an ngol cang;

1 PETER 5:5

Cubantuk in nannih mino hna, upa hna tangah i dor u. Asi, nandihlak in i pumpeknâk lungput ngei u law, toidornâk in i thuam u. “Pathian nih porhlaw mi a doh hna i toidormi kha vel a ngeih hna.”