JOHAN 12:43 - Laibaibal Thiang (BSI)

⁴³ Zeitintiah Pathian thangṭhatmi sinâk in minung thangṭhatmi si kha an thaihchan deuh.

Lai (Hakha) Common Language Bible 2006

⁴³ Minung sinin mithmai ṭha hmuh kha Pathian sin i hmuh nakkhan an duh deuh.

JOHAN 12:43 ပူးပေါင်းရင်းမြစ်များ

SALM 22:29

Vulei cung i mirum hna nih an ei lai i an biak lai; leidip i a ṭum hngami vialte a hmaiah an kun lai, amah le amah â nunter kho lomi tiangin.

PHUNGTHLÛKBIA 29:25

Minung ṭihzahnâk nih rap bangin a kan foih tawn, asinain BAWIPA â bochanmi cu khamh a si lai.

MATTHAI 6:2

Cucaah thil nan ṭhenh tikah, mi depde hna bangin sinagog le zatlâng lamah mi theih awkah thanh len hlah u. Biataktein kan chimh hna annih nih an ṭuanman kha an hmuh cang.

LUKA 16:15

Cun an sinah, “Mi hmuhnâk i â feltermi lawng nan si. Asinain Pathian nih nan lungthin a hngalh. Minung hna cawisanmi hi Pathian mit hmuh ah fihnung a si.

LUKA 19:17

Anih nih, “Sal ṭha, natuah mi a ṭha, tlawmte cungah zumhawk na tlâk caah khua pahra uktu na si lai,” tiah a ti.

JOHAN 12:26

Ka rian a ṭuanmi pauh nih ka zul seh. Ka umnâk hmun pauh ah ka rianṭuantu zong a um awk a si. Ka rian a ṭuntu pauh cu ka Pa zong nih a thangṭhat ve lai.

JOHAN 5:41

Minung conglomh ka cohlang lo.

JOHAN 5:44

Nannih mah le mah â conglawmmi hna. Pathian in a chuakmi conglomhnâk kawl loin zeitindah nan zumh khawh lai?

JOHAN 7:18

Mah ṭawnchawm a chimtu nih amah sunparnâk a kawl, sihmanhsehlaw a thlahtu sunparnâk lawng a kawltu cu midik a si i Amah ah dinlonâk zeihmanh a um lo.

JOHAN 8:54

Jesuh nih, “Keimah i thangṭhat ninglaw, kâ thangṭhatnâk cu zeihmanh a si lai lo. Kan Pathian nan timi ka Pa cu aka thangṭhattu a si.

ROM 2:29

chunglei i Judah mi a simi cu Judah mi taktak a si; cun cuarpartan cu ca chung bia si loin, Thlarau in Lungthin ah a si, cuhna cu minung sinin thangṭhat an co lo nain Pathian sin tuin thangṭhat an co.

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

1 KORIN 4:5

Cucaah Bawipa a rat hlan i a cân a phâk hlanah hin zeihmanh hniksak hlah u. Amah nih khuamui i thuhmi hna kha khuaceu ah a langhter te lai. Lungchung i timhmi zong kha a langhter dih lai. Cucân ah kan co tawk cio thangṭhatnâk zong Pathian sinin kan hmuh cio lai.

2 KORIN 10:18

Zeitintiah mah le mah i thangṭhat cu conglomh an tong bal lo. Bawipa nih a thangṭhat ahcun conglomh a tong deuh lai.

1THESALON 2:6

Midang ca thilrit pe kho tiangin Krih lamkaltusinâk kan ngei ko nain, nansin in siseh midang sin in siseh, aho sin hmanh in thangṭhatnâk kan kawl bal lo.

1 PETER 3:4

lungthin chung muru ah minung nun â phummi, ruahnâk tluangtlam le nunnemnâk kha, thilthuam ṭha le rawkkho lo cu a si, cucu Pathian hmuhnâk ah a sunglawimi cu a si.