JOHAN 12:26 - Laibaibal Thiang (BSI)

²⁶ Ka rian a ṭuanmi pauh nih ka zul seh. Ka umnâk hmun pauh ah ka rianṭuantu zong a um awk a si. Ka rian a ṭuntu pauh cu ka Pa zong nih a thangṭhat ve lai.

Lai (Hakha) Common Language Bible 2006

²⁶ Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOHAN 12:26 ပူးပေါင်းရင်းမြစ်များ

SALM 17:15

Kei nih cun, dinnâk he na hmai ka hmuh lai, nangmah bangin kâ hlauh tikah ka di a riam te lai.

SALM 91:15

Aka auh lai i ka leh lai; a vansan lio ah a sinah ka um lai, ka khamh lai i ka upat lai.

PHUNGTHLÛKBIA 27:18

Theipi kung a ngeimi pauh nih a thei zong a ei lai, cubangin a pu rian a ṭuntu pauh cu thangṭhat a si ve lai.

MATTHAI 16:24

Cuhnuah Jesuh nih a zultu hna sinah, “Zulh aka duhmi pauh nih, amah i hlawtin, a vailam putin ka zul seh.

MATTHAI 25:21

Apu nih, zumhawktlâk le sinum ṭha na si, na ti ṭha ngaingai, tlawmte cung i zumh awk na tlâk caah tampi cungah kan umter lai, napu lawmhnâk chungah lut tuah, tiah a ti.

MARKA 8:34

Mizapi kha a lamkaltu hna he a sinah a kawh hna i “Zulh a ka duhmi pauh cu, amah i hlaw sehlaw, a vailam put in ka zul seh.

LUKA 12:37

Anpu rat tikah timhcia tein a rak ummi sinum hna cu mithluachuak an si. Biataktein kan chimh hna, â timhtuah lai i rawl ei awkah a ṭhutter hna lai, amah tu nih a zoh khenh hna lai.

LUKA 6:46

Zeiruangahdah ka bia nunpi ṭung loin nannih nih, Bawipa, Bawipa nan ka ti?

LUKA 9:23

Cun an dihlak sinah, “Mi zei pauh zulh aka duhmi cu amah i hlawtin ni chiarte a vailam i put in ka zul seh.

JOHAN 10:27

Ka tuu nih ka aw an theih, annih cu ka hngalh hna i an ka zulh.

JOHAN 13:16

Biataktein biataktein, kan chimh hna. Sinum cu a pu nâkin a ngan deuh lo. Lamkaltu tu zong a fialtunâk in a ngan deuh lo.

JOHAN 14:15

Nanka dawt ahcun, ka nawlpêkmi nan zulh lai.

JOHAN 14:3

Cun nan ca i hmun ka timhlamh hnu ah ka rak kir ṭhân lai i ka sinah kan lâk hna lai. Ka umnâk ah nannih zong nan um ve nâkhnga.

JOHAN 15:20

Sinum a pu nâkin a ngan deuh lo, timi bia kan chimh cangmi hna kha philh hlah u. Kei anka serhsat ahcun, nannih zong serhsat nan si ve lai. Ka bia an zulh ahcun nan bia zong an zulh lai.

JOHAN 17:24

Kapa, naka pêkmi hna hi ka umnâk i ka sinah umter ka duh hna, naka pêkmi sunparnâk kha an hmuh khawh nâkhnga. Vawlei umhlan hmanh in Nangmah nih naka dawt cang.

JOHAN 21:22

Jesuh nih, “Duh ning law, ka rat ṭhân hlan tiang a nung ko lai, cucu zeiahdah nâ hman lai? ka zul ko,” tiah a ti.

ROM 1:1

Paul, Jesuh Krih ṭemmi sal, lamkaltu si dingin kawhmi, Pathian thawngṭha caah thleidanmi nih,

ROM 14:18

Cubantukin Krih riantuantu hna cu Pathian lomhmi le minung zong nih an cohlanmi an si.

2 KORIN 4:5

Zeitintiah kanmah kong kan chim lo, Krih Jesuh Bawi a sinâk le, kannih hi Jesuh ruang i ṭemchihmi nan sal kan sinâk hi kan chim.

2 KORIN 5:8

Taksa in chuah i Bawipa sin i um awkah kan duh hringhran i phânnâk kan ngei hrimhrim lo.

GALATI 1:10

Minung lêmsoi maw ka timh Pathian dah? Asiloah, minung lawmhter maw ka timh? Minung lawmhtertu ka si ahcun Krih sal ka si lai lo.

FILIPI 1:23

Zeitintiah kaphnih in hnuh chih ka si. Chuah i Krih sin um ka duh, cucu a ṭha deuh ngai ngai.

KOLOSE 3:24

Bawipa sin in nan ṭuanman nan co ding ro nan hmuh lai kha philh hlah u, zeitintiah Bawipa Krih riantu nan si.

KOLOSE 4:12

Epafaras nanmah chungmi, Krih Jesuh ah ṭemmi sal nih nan kut an tlaih hna. Pathian duhning in lamkip i nan um i tlam nan tlin khawh nâkhnga, fak piin nan caah thla camtu a si.

2 PETER 1:1

Simon Peter, Jesuh Krih sal le, Lamkaltu nih, khamhtu Jesuh Krih kan Pathian dinnâk thawngin a sunglawimi zumhnâk kan comi bantuk a co vemi hna sinah,

1JOHAN 5:3

Zeitintiah hihi Pathian dawtnâk cu a si, a nawlpêkmi kan zulhmi hi, a nawlpêkmi cu zulh har a si lo.

JUDAS 1:1

Judas Jesuh Krih ah ṭemmi-sal le Jeim unau pa nih, Pa Pathian nih a thianter i a kawhmi hna le, Jesuh Krih kilvenmi hna sinah:

BIAPHUAN 14:4

Cu hna cu nu ah â thurter lomi, a thiangmi an si. Cu hna cu Tuufano kalnâk pauh ah a zultu an si. Cu hna cu Pathian le Tuufano caah theitlai hmasa bik si dingin minung hna chungin tlanhmi an si.