JOHAN 11:47 - Laibaibal Thiang (BSI)

⁴⁷ Cuticun tlângbawi le Farasih hna nih biaceihtu kha an auh hna i, “Zeitindah kan tuah lai?” Hi pa nih hin hmelchunhnâk tampi a tuah cang.

Lai (Hakha) Common Language Bible 2006

⁴⁷ Cucaah Farasi mi hna le tlangbawi upa pawl kha Khawngsil pawl he khan an i pum i, “Zeitindah kan tuah lai? Hi pa nih hin hmelchunhnak tampi a tuah ṭung.

JOHAN 11:47 ပူးပေါင်းရင်းမြစ်များ

MATTHAI 26:3

Cuticun tlângbawi Ngan bik Kaiafas timi innah tlângbawi upa hna le nawlbiacawnpiaktu hna le zatlang upa kha an i pum;

MATTHAI 5:22

Asinain a chan um lo i a unau cungah a thin a hungmi pauh cu ṭih a nungmi biaceihnâk ah chuahpi an si lai. A unau sinah, ‘mimolhpa’ a timi pauh cu biaceihnâk sângah chuahpi an si lai, ‘mihrutpa’ a timi pauh zong ṭih a nungmi hell mei ah a kal lai, kan ti hna.

MARKA 14:1

Ni hnih hnuah lanhtâk thô le thilnu cawhlo thô a um lai. Tlângbawi hna le nawlbia cawnpiaktu hna nih hlennâk hmangin Amah cu an thah khawh nâkhnga khua an khâng.

LUKA 22:2

Tlângbawi hna le nawlbiacawnpiaktu hna nih an thah khawh nâkhnga a lam an kawl, zeitintiah zatlâng an ṭih hna.

JOHAN 11:57

Tlângbawi hna le Farasih hna nih Amah cu an tlaih khawh nâkhnga a umnâk a hngaltu pauh nih, an sinah an chim zau lai, tiah nawlpêk an chuah cang.

JOHAN 12:19

Farasih hna nih anmah le anmah an i caih i, “Zohhmanh u, zeihmanh nan tuah kho ti lo hih. Zohhmanh u, vawlei nih Amah an zulh cang hih!” tiah an ti.

JOHAN 2:11

Jesuh nih i hmelchunhnâk tuah a thawknâk hi Galili ram i Kana khua ah a si: A sunparnâk a langhter i a lamkaltu hna nih Amah kha an zumh.

JOHAN 6:2

Cuticun mizaw hna cung i hmelchunhnâk a tuahmi kha an hmuh cang caah Amah cu mi tampi nih an zulh.

JOHAN 7:32

A kong i mizapi an i caih len kha Farasih hna nih an rak theih, cuticun Farasih hna le tlângbawi hna nih Amah tlaitu dingah palik kha an thlah.

JOHAN 7:45

Palik hna cu Farasih le tlângbawi sinah an ra i, “Zeiruangahdah nan rat pi lo?” tiah an rak ti hna.

LAMKALTU 5:21

Cu bia cu an theih tikah, zingka te ah ṭempal ah an kal i an cawnpiak hna. Cu cân ah tlângbawi nganbik le a hawi le nih biaceihtu kha an kawh hna i cuka ah Israel miphun lakah upa vialte kha an auh hna, lamkaltu hna cu ratpi dingin thonginn ah mi an hei thlah hna.

LAMKALTU 5:24

Tlângbawi upa hna le, ṭempal hotu hna le, tlângbawi uktu hna nih cu bia cu an theih tikah, zeitindah thil hi a si te lai? tiah an khuaruah a har.