JOHAN 10:6 - Laibaibal Thiang (BSI)

⁶ Jesuh nih hi tahchunhnâk hi a hman, asinain zeibiadah a chim ti an hngal kho lo.

Lai (Hakha) Common Language Bible 2006

⁶ Jesuh nih hi tahchunhnak cu a chimh hna, sihmanhsehlaw a kan chimhmi hi zei a si ti awk an hngal lo.

JOHAN 10:6 ပူးပေါင်းရင်းမြစ်များ

SALM 106:7

Ka pupa hna nih khan Ezip ram i khuaruahhar na tuahmi kha an theithiam lo, na velngeihnâk tamning zong an i cinken lo, rili sen kam hmanh ah ral an tho.

SALM 82:5

An hngal lo i theihthiamnâk an ngei lo; muih lakah an vâk i vulei hrambunhnâk vialte hi a fek lomi an si.

PHUNGTHLÛKBIA 28:5

Misual hna nih diknâk hi an theithiam lo, asinain BAWIPA kawltu hna nih zeizong vialte an theihthiam tawn.

MATTHAI 13:34

Cuvialte cu Jesuh nih tahchunhnâk in mizapi sinah a chim i tahchunhnâk lo cun an sinah zeihmanh a chim lo.

MATTHAI 13:51

Jesuh nih an sinah, “Hi thil vialte hi nan theithiam maw? a ti hna. Annih nih Aw, kan theihthiam ko, Bawipa,” tiah an ti.

MARKA 4:34

Tahchunhnâk dah tilo cun an sinah bia a chim lo. Anmah te lawng an um lio tu ah a lamkaltu sinah zeizong vialte a fianter tawn.

JOHAN 16:25

“Cu bia hna cu nan sin ah bianabia in ka chim tawn, asinain fang hlang tein ka chim cân a phân lai. Cu cân ah cun fiang tein Pa kong kan chimh cang hna lai.

JOHAN 16:29

A Lamkaltu hna nih, “Ngaihmanh, atu ah cun fiang tein bia na chim i bianabia zong na hmang ti lo.

JOHAN 6:52

Judah mi kha an i al i, “Hi pa nih a taksa cu ei awkah zeitindah a kan pêk khawh lai?” tiah an ti.

JOHAN 6:60

Cucaah a zultu lakah mi tampi nih cu bia cu an theih i “Hihi a har ngai ngaimi bia a si, ahonihdah a theihthiam khawh lai?” tiah an ti.

JOHAN 7:36

Nanka kawl lai i nanka hmu kho lai lo, ka umnâk zongah nan ra kho lai lo, a timi hi zeidah a sullam a si hnga?” tiah an ti.

JOHAN 8:27

Pa kong a chimh hna ti kha an hngal kho hrimhrim lo.

JOHAN 8:43

Zeiruangahdah ka bia nan theihthiam lo. Ka bia ngaih nan duh lo caah a si.

1 KORIN 2:14

Vawlei mi nih cun Pathian Thlarau thil kha an cohlang duh lo, zeitintiah a nih caah cun hruhbia an si, thlarau leiin hngalh fian a si caah an hngal kho hrimhrim lo.

2 PETER 2:22

Hi phungthlukbia hi an cungah a rak phân, “Uico a luaknâk leiah a kir ṭhân i thiang tein kholhmi vawkpi cu nawncêk ah a kir ṭhân,” timi hi.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.