JOHAN 1:34 - Laibaibal Thiang (BSI)

³⁴ Ka hmuh cang i hihi Pathian Fapa a si kha ka hngalhter cang,” tiah a ti.

Lai (Hakha) Common Language Bible 2006

³⁴ Cucu keimah hrimhrim nih ka hmuh i tehte ka khaan. Amah hi Pathian Fapa cu a si ko,” tiah a ti.

JOHAN 1:34 ပူးပေါင်းရင်းမြစ်များ

SALM 2:7

“Nawlpêk kha ka phuan lai: BAWPA nih, ‘Nang cu ka Fapa na si, ni hin ah kan hrin’ tiah ka sinah a chim cang.

MATTHAI 11:27

Ka Pa nih thil vialte ka kut ah a chiah cang, Pa dah ti lo cun ahohmanh nih Fa hi an hngal lo. Pa zong cu Fa le an sin i Fa nih a hngalhter duhmi dah ti lo cun ahohmanh nih an hngal kho lo.

MATTHAI 16:16

Simon Peter nih, “Krih Pathian nung Fapa na si,” tiah a ti.

MATTHAI 17:5

A chim lioah khan, zohhmanh, a rângmi minmei nih a tuam hna i chikkhatteah minmei chungin aw pakhat a hung chuak, “Hihi Ka Fapa dawtmi a si, Amah bia kha ngai u,” tiah a ti.

MATTHAI 26:63

Asinain Jesuh cu dai tein a um. Tlângbawi ngan bik nih, “Pathian nung chalh in nawl kan pek, Krih, Pathian Fapa cu na si maw, kan chim tuah? tiah a ti.

MATTHAI 27:40

“Nang, ṭempal ṭhet i nithum chungah a sa ṭhân khotu, i damter ngat! Pathian Fapa na si lo mei, vailamtahnâk cung khan rung ṭum ngat,” tiah an serhsat.

MATTHAI 27:43

Pathian a zumh a si lo maw, a duh ahcun atu hrimhrim ah hin run khamhseh. Pathian Fapa ka si, â ti fam cu ta,” tiah an ti.

MATTHAI 27:54

Cuticun ralbawipa le a sin i Ralkap a um vemi hna nih thil umtuning an hmuh tikah an ṭih ngaingai. Hipa hi Pathian Fapa a si hrimhrim ko, tiah an ti.

MATTHAI 3:17

Cun ngaihmanh, van in aw a rung chuak i, “Hihi ka Fapa dawt, ka lawmh tukmi a si,” tiah a ti.

MATTHAI 4:3

Tukforhtu cu a ra i, “Pathian Fapa na si ahcun, hi lung hi changreu i cang dingin nawl pe hna ngat,” tiah a ti.

MATTHAI 4:6

A sinah, “Pathian Fapa na si ahcun vung zuang tuah, “Zeitintiah nangmah kongah a vanmi a thlah hna lai i na ke lungah nâ khawn nâkhnga lo an kutin an in cawi lai,’ tiah ṭial a si,” tiah a ti.

MATTHAI 8:29

Hmakhatteah an au colh i, “Jesuh, Pathian Fapa, cân tlin hlanah dân a kan tattu dingah maw na rat?” tiah an ti.

MARKA 1:1

Pathian Fapa, Jesuh Krih thawngṭha hramthawknâk:

MARKA 1:11

Van in aw a rung chuak i, “Nangmah hi ka dawtmi Fapa, na cungah kâ lawm ngai ngai,” tiah a ti.

LUKA 1:35

Vanmi nih a sinah, “Thiang thlarau na sinah a phân lai i Cungnung bik thiltikhawhnâk nih an khuh lai; cucaah a Thiangmi fa a chuak hngami cu Pathian Fapa, ti a si lai.

LUKA 3:22

Cun Thiang thlarau cu ṭhuro pum bantukin a rung zuang i a cungah â fu, van in aw a rung chuak i, “Nangmah cu ka dawtmi Fapa na si; Na cungah ka lawm tak tak,” tiah a ti.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

JOHAN 1:49

Nathanael nih, “Rabbi, Pathian Fapa na si! Israel Siangpahrang na si,” tiah a leh.

JOHAN 10:30

Kei le ka Pa cu pumkhat kan si.

JOHAN 10:36

Pa nih a thleidanmi le vawlei i a thlahmi nih, ‘Pathian Fapa ka si,’ ka ti rungah, (Pathian) cawhdehtu nanka ti kho lai maw?

JOHAN 11:27

Anih nih, “Ka zumh, Bawipa, Krih Pathian Fapa, vawlei i a ra dingmi na si kha ka zumh,” tiah a ti.

JOHAN 19:7

Judah mi nih, “Nawlbia kan nei. Cu nawlbia ningin Pathian Fapa ah â canter ruangah a thih awk a si,” tiah an ti.

JOHAN 20:28

Thomas nih a leh i, “Ka Bawipa le ka Pathian na si,” tiah a ti.

JOHAN 20:31

Asinain hi hna hi Jesuh cu Krih Pathian Fapa a si tiah nan zumh i cu zumhnâk thawngin nunnâk Amah min in nan ngeih khawh nâkhnga ṭialmi an si.

JOHAN 6:69

Krih Pathian nung Fapa na si kha kan hngalh i kan zumh,” tiah a leh.

ROM 1:4

thianhlimnâk Thlarau phungah thihnâk i a thawhṭhannâk nih Pathian Fapa a si zia thiltikhawhnâk in a phuan.

2 KORIN 1:19

Zeitintiah Pathian Fapa Jesuh Krih kong kei le Silvanas le Timote nih nan sin i kan chim tawnmi hi, “Asi ti le A silo, tiah cawhmi a si hrimhrim lo, Asi ti cu Amah ah a um.

HEBRU 7:3

Amah cu pa ngeilo, nu ngeilo, hringsortu ngeilo, hramthawknâk le donghnâk zong ngei lomi Pathian Fapa bangin canter a si i peh thliah mahin tlângbawi a si.

1JOHAN 2:23

Fapa a hlawtu pauh nih Pa zong a ngei hlei lo; Fapa a cohlângtu pauh nih Pa zong a ngeih.

1JOHAN 3:8

Sualnâk tuahtu cu khuachia ta a si, zeitintiah a hramthawk in khuachia nih sualnâk a rak tuah cang. Pathian Fapa a langhchan cu khuachia rianṭuannâk a hrawh nâkhnga caah a si.

1JOHAN 4:9

Hitihin Pathian dawtnâk cu kan cungah langhter a si, Amah thawngin nun kan ngeih khawh nâkhnga, Pathian nih a Fapa ngeihchun cu vawlei ah a run thlah.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

2 JOHAN 1:9

Mizei pauh Krih cawnpiaknâk ah hmun loin a buartu nih cun Pathian an ngei lo. Krih cawnpiaknâk i a hmunmi lawng nih Pa le Fa an ngei.

BIAPHUAN 2:18

“Cun Thiatira kawhhran vancungmi sinah hitinhin ṭial, Pathian Fapa; meialh bantuk mit a ngei i dartleumi bantuk kephah a ngeimi nih hi bia hi a chim.