JOHAN 1:16 - Laibaibal Thiang (BSI)

¹⁶ A tlamtlinnâk kan co cio, zângfah hnu i zângfah chinnâk he.

Lai (Hakha) Common Language Bible 2006

¹⁶ A liam in a liammi a vel chung cun thluachuahnak kha pakhat hnu pakhat a kan pek lengmang.

JOHAN 1:16 ပူးပေါင်းရင်းမြစ်များ

SALM 84:7

Ṭhawnnâk in ṭhawn chin chinnâk ah an kal tawn, Zion i Pathian hmai ah an i langh tawn.

MATTHAI 13:12

Zeitintiah a ngeimi pauh tam chinchin in a ngeih nâkhnga an chap chih hna lai, a ngei lomi cu a ngeihchun hmanh an lâkpiak lai.

MATTHAI 3:11

Kei nih ngaihchih hmelchunhnâk caah ti in baptisma kan pêk hna, ka hnu i a ra laimi cu keimah nâkin a ngan deuh, a kedan putu hmanh ah kâ tlâk lo. Amah nih Thiang Thlarau le mei in baptisma an pêk hna lai.

MATTHAI 3:14

Johan nih, “Nangmah nih baptima naka pêk ka herh lio ah, ka sin tu ah na ratmi cu a si kho lai lo,” tiah el a rak timh.

LUKA 21:15

zeitintiah nan ral hna nih an leh khawh lo tiangin fimnâk le kâ kan pêk hna lai.

JOHAN 3:34

Zeitintiah Pathian thlahmi nih cun Pathian bia kha a chim tawn, zeitintiah Pathian nih tah ciammam in Thlarau a pe lo.

ROM 5:17

Zeitintiah mi pakhat sual ruang hmanhah thihnâk nih a uk a si ahcun, a tlingmi zângfahnâk le dinnâk thilpêk a comi hna nih mi pakhat, Jesuh Krih thawngin nunnâk nih a uk chin chin hna lai.

ROM 5:2

amah thawng lila in atu i kan dirnâk, hi zângfahnâk ah hin, zumhnâk in kan lut i lawmhnâk he Pathian sunparnâk kan i ruahchan.

ROM 5:20

Cu hlei ah, nawlbia a um tikah sualnâk a tam chin. Asinain sualnâk a tam pauh le zângfahnâk a tam chinchin ve,

ROM 8:9

Asinain Pathian Thlarau nanmah i a um taktak ahcun, thisa i ummi si loin, Thlarau i ummi nan si. Mizei pauh Krih Thlarau a ngeih lo ahcun Amah ta an si lo.

EFESA 1:23

kawhhran cu Amah pum, zeizong i zeizong ah a khat dihmi Amah tlamtlinnâk kha a si.

EFESA 3:19

hngalh cawk lomi Krih dawtnâk hngal kho dingin Pathian tlamtlinnâk i tlinter in nan um kho lai.

KOLOSE 1:19

Zeitintiah Amah ah tlamtlinnâk vialte umter hi Pa lawmhnâk a si;

KOLOSE 2:3

Amah ah fimnâk le hngalhnâk ro vialte kha thuh a si.

1 PETER 1:11

Krih nih a teminnâk ding le, cuhnu ah sunparnâk ahmuh lai ding hna cu, zeibantuk set dah a si lai i zeitik cân set ahdah a si lai tiah an rak kawl lio ah an chung i Krih Thlarau nih a hlan kan in a rak hngalhter cang hna.

1 PETER 1:2

Jesuh Krih thisen thehnâk pom dingin Thlarau i thiantermi hna le, Pa Pathian hngalh chungmi bangin thimmi hna sinah, zângfahnâk le daihnâk karhter in um ko seh.