JOHAN 1:14 - Laibaibal Thiang (BSI)

¹⁴ Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

Lai (Hakha) Common Language Bible 2006

¹⁴ Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 1:14 ပူးပေါင်းရင်းမြစ်များ

SALM 2:7

“Nawlpêk kha ka phuan lai: BAWPA nih, ‘Nang cu ka Fapa na si, ni hin ah kan hrin’ tiah ka sinah a chim cang.

SALM 45:2

Minung fale nâk in na mui a ṭha deuh; na hmurah zângfahnâk cu toih a si; cucaah Pathian nih thluachuah an pêk zungzal.

SALM 85:9

A khamhnâk cu amah a ṭihtu hna caah a nai tak tak ko, cun kan ramah sunparnâk a um kho lai.

MATTHAI 1:16

Jokob nih Josef, Mary va cu a hrin i cu Mary sin in Jesuh, Krih timi cu a chuak.

LUKA 2:11

Ni hin ah hin David khua ah nan caah Khamhtu a chuak cang, Bawi Krih cu.

LUKA 2:7

Cun a fater ah pa a hrin i puan in a zual, khualbuk ah an i tlum ti lo caah saṭil rawlpêknâk kuangah a ihter.

LUKA 9:32

Peter le a hawi le tu cu an i hngilh, an hun i hlauh tikah a sunparnâk le a pawng i mi pahnih kha an hmuh hna.

JOHAN 1:1

A hramthawk ah Bia a um, Bia cu Pathian sinah a um, Bia cu Pathian a si.

JOHAN 11:40

Jesuh nih, “Na zumh ahcun Pathian liannganâk nahmuh lai, kan ti lo maw?” tiah a ti.

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

JOHAN 14:9

Jesuh nih, “Filip, hitluk sau nan sinah ka um nain nanka hngal lo maw? A ka hmumi pauh Pa a hmumi a si, zeitindah Pa kan hmuhter na ti khawh?

JOHAN 17:22

Sunparnâk naka pêkmi kha, an sinah ka pêk cang, kannih pumkhat kan si bangin annih zong pumkhat an si khawh nâkhnga.

JOHAN 17:24

Kapa, naka pêkmi hna hi ka umnâk i ka sinah umter ka duh hna, naka pêkmi sunparnâk kha an hmuh khawh nâkhnga. Vawlei umhlan hmanh in Nangmah nih naka dawt cang.

JOHAN 18:37

Pailat nih, “Cuti a si ahcun, Siangpahrang na si ko lo maw? tiah a ti. Jesuh nih, “A dikmi na chim. Siangpahrang ka si,” Biatak chim le hngalhter hi vawlei ka chuahchan le ka rat chan a si. Biatak i a ummi pauh nih ka aw hi a ngaih tawn” tiah a ti.

JOHAN 2:11

Jesuh nih i hmelchunhnâk tuah a thawknâk hi Galili ram i Kana khua ah a si: A sunparnâk a langhter i a lamkaltu hna nih Amah kha an zumh.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

JOHAN 3:18

Amah a zummi pauh cu sualphawt an si lo; asinain Amah zum lomi pauh cu atu ah sualphawt a si cang, zeicatiah Pathian Fapa ngeihchun a min kha a zumh lo caah.

JOHAN 6:51

Keimah hi van in a rungṭummi changreu nung ka si. Hi changreu a eimi pauh, zungzal in a nung peng lai. Vawlei nunnâk dingah ka pêk hngami changreu cu ka taksa hi a si.” tiah a ti.

JOHAN 8:32

Cun Biatak nan hngalh lai i biatak nih an luatter hna lai.” tiah a ti.

LAMKALTU 13:33

Pathian nih kannih an tefa hna ca i bia a kamhmi cu Jesuh kha thawhter in a tlinter, Sam pahnihnâk ah, ‘Ka Fapa na si, nihin ah kan hrin,’ tiah a ṭial bang khan.

ROM 8:3

Zeitintiah thisa zângder ruangah nawlbia nih a tuah khawh lomi kha, Pathian nih a Fapa kha sual thisa bantukin, sual ruangah a run thlah i thisa ah a ummi sualnâk cu thiam lo a coter,

ROM 9:5

hringtu hna kha an ta a si rih, thisa leiin ti ah Krih cu an chung i a chuakmi a si, Amah cu thil vialte cung i ummi, zungzal in thangṭhat awktlâk Pathian a si. Amen.

1 KORIN 15:47

Minung hmaisa bik cu vawlei, leidip i ser a si i pahnihnâk Minung cu vanlei mi Bawipa a si.

2 KORIN 12:9

Anih nih, “Ka zângfahnâk na caah â za ko; Ka ṭhawnnâk hi derthawmnâk ah dah kaw tlinter a si cu,” tiah a ti. Cucaah Krih ṭhawnnâk cu ka cung i a um peng nâkhnga, lunglawm tein ka derthawmnâk hna hi ka hmaihngal pi cang lai.

GALATI 4:4

Asinain a tlingmi cân a phâk tikah, Pathian nih a Fapa cu a run thlah, nu hrin nâkin, nawlbia tangah a rak chuak,

EFESA 3:8

mithiang vialte hna lakah a hme bik nâkin a hme deuhmi ka si nain, a dongh kho lomi Krih rumnâk hi Gentel mi hna sinah ka chim nâkhnga,

KOLOSE 1:19

Zeitintiah Amah ah tlamtlinnâk vialte umter hi Pa lawmhnâk a si;

KOLOSE 2:3

Amah ah fimnâk le hngalhnâk ro vialte kha thuh a si.

KOLOSE 2:9

Zeitintiah Amah ah Pathian tlamtlinnâk vialte cu pumsa lei in a um;

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

HEBRU 1:3

Amah hi a sunparnâk ceu cu a si i Mi a sinâk kokek taktak langhtertu a si, a bia ṭhawnnâk nih zeizong vialte hi a tlaih i kan sualnâk kha Amah hrimhrim nih a thianter hnu ah Cungnung bik orhlei kamah a ṭhu.

HEBRU 1:5

Zeitintiah vanmi ahosinahdah hi bia hi a chim bal? “Nang cu ka Fapa na si, Nihin ah kan hrin?” ti le, “Keimah cu Amah caah Pa ka si lai i Amah cu ka caah Fapa a si lai,” timi hi.

HEBRU 10:5

Cucaah vawlei i arat lio ah khan, “Raithawinâk le thilpêk na duh lo, cucaah pum kha ka caah naka timhlamh piak.

HEBRU 2:11

Zeitintiah Thiantertu le thiantermi hna cu an dih lakin mi pakhat ta an si. Cucaah annih cu, “Unau hna” tiah kawh awkah a zahpi hna lo.

HEBRU 5:5

Cubangin Krih zong Tlângbawi Nganbik si dingin Amah le Amah sunparnâk â pe lo. “Nangmah cu ka Fapa na si, nihinah kan hrin,” tiah a sin i a chimtu nih khan sunparnâk cu a pêk.

1JOHAN 4:14

Pa nih Fapa cu vawlei khamhtu bangin a thlah tiah kan hmuh i kan hngalhter fawn.

1JOHAN 4:9

Hitihin Pathian dawtnâk cu kan cungah langhter a si, Amah thawngin nun kan ngeih khawh nâkhnga, Pathian nih a Fapa ngeihchun cu vawlei ah a run thlah.

2 JOHAN 1:7

Zeitintiah hlengtu tampi, Jesuh Krih cu thisa in a ra tiah a pom lomi hna, vawlei ah hin an chuak cang. Cu hna cu hlengtu le Krih ralchanhtu cu an si.

BIAPHUAN 19:13

Thisen ah ciahmi puan â aih i a min cu Pathian Bia ti a si.

BIAPHUAN 21:3

Vanin a thang ngaimi aw nih, “Zohhmanh, Pathian biakthlâm cu minung sinah a um ai, Anih cu an sinah a um lai, annih cu ami le an si lai. Pathian hrimhrim nih a umpi hna lai i an Pathian a si lai.