HEBRU 5:7 - Laibaibal Thiang (BSI)

⁷ Anih nih taksa i a um lio ah khan, thihnâk in Amah khamhkhotu sinah, fakpi i aihrâmnâk le mitthli he thlacamnâk le nawlnâk kha a tuah, Pathian a ṭih tawn caah a thlacamnâk kha theihpiak a si.

Lai (Hakha) Common Language Bible 2006

⁷ Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

HEBRU 5:7 ပူးပေါင်းရင်းမြစ်များ

SALM 22:24

Zeitintiah amah nih harnâk tuartu hna harnâk kha a zomhtaih lo i an sinin a hmai a thup lo; asinain a sin an au tikah a theih hna.

SALM 69:1

Maw Pathian, ka khamh ko sawh! zeitintiah ti nih ka hngawng tiangin a khuh dih.

SALM 88:1

Maw BAWIPA, ka khamhtu Pathian, chunzan hlan in na hmaiah ka au tawn,

MATTHAI 27:46

Zanlei pathum hrawngah Jesuh cu aw thang piin, “Eli, Eli, Lama sabakthani” tiah a au. Cucu, “Ka Pathian, Ka Pathian, zeicadah na ka kaltâk?” tinâk a si.

MATTHAI 27:50

Jesuh cu thang ngaiin a au ṭhân i a thlarau a thlah.

MARKA 15:34

Zanlei suimilam pathum ah Jesuh cu aw thang ngai in, “Eloi, Eloi, Lama Sabakthani?” ti in a au, cucu, “Ka Pathian, Ka Pathian, zeicadah na ka kaltâk?” tinâk a si.

MARKA 15:37

Jesuh cu aw thang ngai in a au i a thlarau a thlah.

LUKA 23:46

Jesuh cu aw thang pi in a au i, “Ka Pa, nakut chungah ka thlarau ka chiah cang,” tiah a ti. A chim dih in a thaw a dongh.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

JOHAN 11:35

Jesuh a ṭap.

JOHAN 11:42

Ka bia na ngaih zungzal ti ka theih ca zongah kâ lawm. Hika i a dirmi mizapi hna ruangah cucu ka chim, Naka thlah tiah an zumh khawh nâkhnga,” tiah a ti.

JOHAN 17:1

Cu bia cu Jesuh nih a chim i vanlei zoh in, “Ka Pa, a cân a phân cang. Na Fapa hi thangṭhat ko. Fapa zong nih an thangṭhat khawh nâkhnga.

ROM 8:3

Zeitintiah thisa zângder ruangah nawlbia nih a tuah khawh lomi kha, Pathian nih a Fapa kha sual thisa bantukin, sual ruangah a run thlah i thisa ah a ummi sualnâk cu thiam lo a coter,

GALATI 4:4

Asinain a tlingmi cân a phâk tikah, Pathian nih a Fapa cu a run thlah, nu hrin nâkin, nawlbia tangah a rak chuak,

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

HEBRU 10:10

Cu duhnâk in Jesuh Krih taksa voikhat ah zungzal ca pêkchanhnâk thawngin thianter kan si cang.

HEBRU 10:5

Cucaah vawlei i arat lio ah khan, “Raithawinâk le thilpêk na duh lo, cucaah pum kha ka caah naka timhlamh piak.

HEBRU 11:7

Zumhnâk in Noa cu hmuh rih lomi thil kongah cung leiin ralrin pêk a si, Pathian ṭih buin a chungkhar khamhnâk caah tilawng a tuah, cu nih cun vawlei kha thiamlo a coter i zumhnâk ningin dinnâk ro cotu a si.

HEBRU 12:28

Cucaah hninhkhawh lomi ram a cotu kan si caah, zângfahnâk ngei u sih, cuthil ruangah Pathian ṭihzah buin Amah cohlan awktlâk in a rian kan ṭuan khawh lai.

HEBRU 13:20

A liannganmi Tuukhal, kan Bawipa Jesuh thihnâk in thawhtertu, daihnâk Pathian nih a thisen i zungzal biakam thawngin,

HEBRU 2:14

Zeicatiah ngakchia hna hi taksa le thisen cotu an si caah Amah zong nih an sining kha â hrawm ve, cucu thih ṭhawnnâk ngeitu Satan kha a thihnâk thawngin a hrawh khawh nâkhnga le,

1JOHAN 4:3

thlarau zei pauh Jesuh Krih cu thisa in a ra tiah a ṭanh lotu cu Pathian sin in an si lo. Cucu Krih ralchanhtu thlarau a ra lai tiah nan hngalhmi cu a si, atu zongah vawlei ah an um cang.

2 JOHAN 1:7

Zeitintiah hlengtu tampi, Jesuh Krih cu thisa in a ra tiah a pom lomi hna, vawlei ah hin an chuak cang. Cu hna cu hlengtu le Krih ralchanhtu cu an si.