HEBRU 2:9 - Laibaibal Thiang (BSI)

⁹ Asinain Jesuh, vanmi nâk i niamdeuh i ser a si rihmi cu, Pathian zângfahnâk thawngin mi vialte caah thihnâk a tempiak khawh nâkhnga, thihnâk a tuarnâk thawngin sunparnâk le upatnâk chinhter in a um kha kan hmuh.

Lai (Hakha) Common Language Bible 2006

⁹ A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.

HEBRU 2:9 ပူးပေါင်းရင်းမြစ်များ

MATTHAI 16:28

Biataktein kan chimh hna, hika i a dirmi hna lakah hin, Mi Fapa a pennâk i a rat an hmuh hlan lo thihnâk a tep lo ding an um,” tiah a ti hna.

MATTHAI 6:28

“Zeiruangahdah hnipuan kongah nan lungre a theih. Ramlak lili par khi zoh hna hmanh u. Rian an ṭuan lo i puan zong an tak bal lo;

MARKA 9:1

Anih nih, “Biataktein kan chimh hna hika i a dirmi hna lakah a cheu cu thiltikhawhnâk he Pathian pennâk a phânmi an hmuh hlan lo thihnâk a tep lo dingmi an um.

LUKA 9:27

Biataktein kan chimh hna, hika i a dirmi lakah a cheu hi, Pathian pennâk an hmuh hlan lo, a thi lo dingmi an um,” tiah a ti.

JOHAN 1:29

A thaizingah Johan nih Jesuh asin i a rat kha a hmuh i, “Zohhmanh u! Pathian Tuufa, vawlei sualnâk a kalpitu khi!

JOHAN 10:17

Lâk ṭhân dingin ka nunnâk ka pêk caah hin Pa nih a ka dawt.

JOHAN 12:32

Cun kei hi, vawlei in thlai ka si ahcun mi vialte keimah lei ah ka hnuh hna lai” tiah a ti.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

JOHAN 8:51

Biataktein, biataktein kan chim hna, “Ka bia â tlaihmi pauh cu thihnâk a hmu hrimhrim lai lo,” tiah a ti.

JOHAN 8:52

Judah mi nih, “Khuachia tuahmi na si kha atu kan hngalh cang! Abraham a thi cang, profet hna an thi cang, nang nih, “Mi nih ka bia a zulh ahcun thihnâk a tem lai lo,” tiah na ti fawn.

LAMKALTU 2:33

Cucaah Pathian orhlei kut ah thangṭhat in a um i pêk awkah kamhmi Thiang Thlarau cu Pa sinin a hmuh, atu i nan hmuh le nan theihmi hi Amah nih a kan toihmi a si.

LAMKALTU 3:13

Abraham Pathian, Isak le Jacob Pathian, kan pupa hna Pathian nih a Sal Jesuh a thangṭhatmi a si; Amah cu nan tlaihter i Pailat nih thlah a timh len zongah nan rak el a si kha.

ROM 5:18

Cucaah mi pakhat sual ruangah thiamlocoternâk biaceihnâk cu mi vialte cungah a um bantukin, mi pakhat dinnâk tuahmi thawngin zungzal nunnâk ngeih awkah thiamcoternâk laksawng man loin pêkmi cu mi vialte cungah a um ve.

ROM 5:8

Asinain Pathian nih a dawtnâk cu kan sinah hitihin a langhter. Misual kan si ko rih lioah Krih cu kan caah a thi.

ROM 8:3

Zeitintiah thisa zângder ruangah nawlbia nih a tuah khawh lomi kha, Pathian nih a Fapa kha sual thisa bantukin, sual ruangah a run thlah i thisa ah a ummi sualnâk cu thiam lo a coter,

ROM 8:32

A fapa hmanh zuah loin kan dihlak caah a kan pêk ahcun, zeitindah thil vialte zong Amah sinah manlo tein pêkchih loin a kan um hnga?

2 KORIN 5:15

cun a nungmi hna cu anmah caah nung ti loin, an aiawh in a thi i a tho ṭhanmi ca i an nun nâkhnga mi vialte aiawh i a thihnâk cu a si.

2 KORIN 5:21

Zeitintiah Amah ah Pathian dinnâk kan si khawh nâkhnga sualnâk zeihmanh a hngal lomi kha Pathian nih kanmah ruangah sualah a ser.

GALATI 4:4

Asinain a tlingmi cân a phâk tikah, Pathian nih a Fapa cu a run thlah, nu hrin nâkin, nawlbia tangah a rak chuak,

1TIMOTE 2:6

amah cu Minung mi vialte tlanhnâk ah a nunnâk a petu Krih Jesuh kha a si, cucu a cân te ah hngalh terin a um awk a si,

HEBRU 1:9

Dinnâk kha na dawt i nawlbuarnâk kha na huat. Cucaah Pathian, na Pathian nih na hawi le hna nâkin lawmhnâk sathau cu an thuh,” tiin.

HEBRU 10:5

Cucaah vawlei i arat lio ah khan, “Raithawinâk le thilpêk na duh lo, cucaah pum kha ka caah naka timhlamh piak.

HEBRU 11:5

Zumhnâk in Enok kha thi loin lo lakin lâk a si i, “Pathian nih a lâk ruangah an hmu ti lo,” lâk a si hlanah Pathian lawmhtertu a si tiah hngalhpinâk a ngei.

HEBRU 12:2

Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.

HEBRU 2:7

Anih cu vanmi nâk in niam deuh ah na ser i sunparnâk le upatnâk kha na chinh, na sermi hna cungah na umter.

HEBRU 7:25

Cucaah Amah lan in Pathian sinah a rami hna cu a dongh tiangin a khamh khawh hna, zeicatiah an ca i nawlpiak dingin zungzal i a nun peng caah.

HEBRU 8:3

Zeitintiah tlângbawi nganbik pauh cu thilpêk le raithawinâk pechân ding i ruahmi an si. Cucaah hi Tlângbawi Nganbik zong nih pêkchanh awk zei maw cu a ngeih ve a herh.

1 PETER 1:21

Thihnâk in a thawh tertu le sunparnâk petu Pathian cu nan zumh i nan zumhnâk le ruahchannâk cu Pathian ah a um.

1JOHAN 2:2

Amah hrimhrim cu kan sualnâk ruangah lungdamternâk a si, kanmah sualnâk lawng si loin vawlei pumpi sualnâk ca zongah a si.

BIAPHUAN 19:12

A mit cu mei alh bantuk a si i Alu cungah bawiluchin tampi â chinh. Amah dah tilo ahohmanh nih an hngalh lomi min ṭialmi a ngei.

BIAPHUAN 5:9

Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.