HEBRU 2:10 - Laibaibal Thiang (BSI)

¹⁰ Zeitintiah Amah caah le Amah thawngin thil vialte hi an um i fapa tampi sunparnâk ah luhter in, a teminnâk thawngin an khamhnâk tuahpiaktu tlam tlinter cu Pathian caah tuahawk hrim a si ko.

Lai (Hakha) Common Language Bible 2006

¹⁰ Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si.

HEBRU 2:10 ပူးပေါင်းရင်းမြစ်များ

PHUNGTHLÛKBIA 16:4

BAWIPA nih zeizong vialte hi amah caah a ser hna, asi, misuaksual hna hmanh hi chiat ton ni caah sermi an si.

LUKA 13:32

Anih nih, “Va kal u law cu cenghngia sinah, ‘Zohhmanh, nihin he, thaizing he khuachia ka ṭhawl hna lai, mizaw zong ka damter hna lai i a nithum nâkah ka lîm lai,’ tiah va chim u.

LUKA 2:14

“Cungnung bikah Pathian thangṭhat in um ko seh. Lei cungah a lawmhmi minung sinah daihnâk um ko seh,” tiah an ti.

LUKA 24:26

Krih nih cuthil hna cu tuar in a sunparnâk ah a lut ding a si lo maw? tiah a ti hna.

LUKA 24:46

Cuticun an sinah, “Hitihin ṭial a si, Krih nih a tuar a herh hrimhrim lai i nithum ni ah thihnâk in a thawhṭhân awk a si,

JOHAN 11:52

Cu miphun hna ca lawng ah a si lo Pathian fale vawlei khuazakip i â ṭhekmi vialte bukhat i pumh an si lainâk ca zongah a si.

JOHAN 19:30

Cuticun Jesuh nih mitsur thor cu a din hnu ah, “Â lîm cang,” tiah a ti. Cun a lu a khun i a thlarua a thlah.

LAMKALTU 3:15

Nunnâk Bawi kha nan thah, asinain Pathian nih Amah cu a thawhter, cucu hngalhpitu kan si.

LAMKALTU 5:31

Amah kha Pathian nih Bawi le Khamhtu si dingin a orhlei kutah a thangṭhat, cucu Israel mi caah ngaihchihnâk le sual ngaihthiamnâk caah a si.

ROM 11:36

Amah sin le Amah thawng le Amah caah thil vialte hi an um i Amah sinah sunparnâk cu zungzal in um ko seh. Amen.

ROM 9:23

A sunparnâk lianhngan ning a langhter khawh nâkhnga zângfahnâk ûm hna cu sunglawi ngai i um dingin a rak timhlamh cia hna,

1 KORIN 2:7

Asinain Pathian biathli fimnâk kha kan chim tawn, â thupmi fimnâk, kan sunparnâk dingah Pathian nih vawlei ser hlanin a ruah cangmi kha,

1 KORIN 8:6

asinain kan caah Pathian pakhat lawnglawng Pa cu a um, Amah sin in zeizong vialte hi a chuak i kan nih zong Amah caah a ummi kan si, cun Bawipa pakhat Jesuh Krih lawnglawng a um, Amah thawngin zeizong vialte a um i Amah thawgin a nungmi kan si.

2 KORIN 3:18

Asi kan nih cu hmaikhuh loin Bawipa sunparnâk cu thlalang i kan hmuh bangin kan zoh, Amah muisam keng dingin, Bawipa Thlarau nih sunparnâk in sunpar chinchin nâkah thlen in kan um cuahmah lio a si.

2 KORIN 4:17

Atu mitṭhep chung i harnâk hmete kan teminmi hi, tahchunh khawh lomi zungzal sunparnâk i a kan luhtertu an si.

2 KORIN 5:18

Cubangin thil vialte hi Pathian sinin a chuakmi an si, anih nih Krih thawngin amah he a kan remter ṭhân i remṭhânnâk rian kha a kan pêk.

2 KORIN 6:18

“Nan ca Pa ka si lai i ka caah fanu fapa nan si lai, BAWIPA, Zeizongtuahkho nih a ti.

GALATI 3:26

Zeitintiah Krih Jesuh zumhnâk thawngin Pathian fale nan si dih cang.

EFESA 2:7

ara laimi chan ah Krih Jesuh thawngin avelngeihnâk le a rum tak takmi a zângfahnâk cu kan cungah a langhter khawh lai.

EFESA 3:10

Cuticun van hmun i bawinâk le nawlngeihnâk tiangah khin a liannganmi Pathian fimnâk hi kawhhran hna nih an hngalhter khawh lai,

KOLOSE 3:4

Kan nunnâk Krih a langh tikah nannih zong Amah sinah sunglawi ngaiin nanlang ve lai.

2TIMOTE 2:10

Cucaah Krih Jesuh khamhnâk cu zungzal i lianngannâk he an hmuh ve nâkhnga thimmi hna ruangah thil vialte ka tuar tawn.

HEBRU 12:2

Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.

HEBRU 6:20

cuka ah Jesuh, Melkhizeedek Tlângbawi bangin zungzal Tlângbawi Nganbik a simi kha kan ai awh in a rak lut.

HEBRU 7:26

Zeitintiah cubantuk Tlângbawi Nganbik, a thiangmi, fahnâk pe ballo, thûrter lomi, misual hna sin in thleidanmi, van nâkin a sâng deuhmi cu kan ngeih awk ah â tlakmi a si.

HEBRU 7:28

Zeitintiah nawlbia nih derthawmnâk a ngeimi minung kha tlângbawi ngan ah a ruah tawn nain nawlbia umhnu ah chiat i serhnâk bia nih, Fapa, zungzal ca i tlintermi kha a ruah.

1 PETER 1:12

Cuhna nih anmah ca si loin, kanmah ca tu ah rian an rak ṭuan, Van in thlahmi Thiang Thlarau thawngin nan sinah thawngṭha a chimtu hna nih khan cucu an in chimh hna. Cucu vanmi hna hmanh nih hmuh an duhmi cu a si.

1 PETER 5:1

Nan lakah upa hna, kei nan upat hawi, Krih tuarnâk hngalhpitu, sunparnâk a lang hngami cotu ding a simi nih hin tha kan pêk hna.

1 PETER 5:10

Zângfahnâk vialte Pathian, zungzal a sunparnâk co dingin an kotu hna Krih Jesuh nih, cân tawite nan tuar hnu ah, tlam tlinter le fehter in, ṭhawnter le fek tein in dirter ko hna seh.

BIAPHUAN 4:11

“Maw Bawipa sunparnâk le thangṭhatnâk le ṭhawnnâk kha hmuh awkah nâ tlâk: Zeitintiah Nangmah nih zeizong vialte na ser i na duhning i um awkah ser an si,” tiah an ti.

BIAPHUAN 7:9

Cu thil hna hnu ah ka hun zoh i ngaihmanh mibupi ahohmanh i rel cawk lo, phunkip chung le hrinkip chung le, mikip chung le, holhphun kip chungin a rângmi angkifual in an i thuam, an kut in tûmhnah kha an i ken i bawiṭhutdanh hmai le Tuufano hmaiah an dir kha ka hmuh.