HEBRU 13:9 - Laibaibal Thiang (BSI)

⁹ Cawnpiaknâk phunphun le zumhnâk phun dang dang i hruaiter hlah u. Lungthin hi zângfahnâk i fehter cu a ṭha, ei le din i fehter loin, cubantuk thil hna cu a buaipi tu hna zong nih an hlawkpi theng lo.

Lai (Hakha) Common Language Bible 2006

⁹ Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

HEBRU 13:9 ပူးပေါင်းရင်းမြစ်များ

SALM 112:8

A lungthin cu fehter a si i a ṭih lai lo, a ral hna cungah a duhmi a phanh kha a hmuh tiangin.

MATTHAI 24:24

Zeitintiah krih deu le profet deu an chuak lai i a nganmi hmelchunhnâk le khuaruahharnâk tuah in an in hlen hna lai. Si kho sehlaw thimmi hmanh an hlen khawh hna lai.

MATTHAI 24:4

Jesuh nih, “Ahohmanh nih an in hlen nâkhnga lo, i ral ring u.

LUKA 5:38

Cuticun misur hang thar cu saphaw thawl thar ah rawn ding a si i an pahnih in an him.

LAMKALTU 20:30

Nanmah chung lila ah hin bia merh a hmangmi an rak chuak lai i lamping ah zultu hna hi an hruai hna lai.

LAMKALTU 20:32

Atu ah hin ule nau hna, Pathian le a zângfahnâk bia ah kan chanh hna, cu nih cun an dirter khawh hna i mithiangmi hna sinah comi ro an ngeihter hna lai.

ROM 14:17

zeitintiah Pathian pennâk cu ei le din a si lo, dinnâk le daihnâk, Thiang Thlarau ah i lawmhnâk te hna hi an si.

ROM 14:2

Zeitintiah mi pakhat nih thil vialte eikho in â ruah, asinain zângdermi nih tisik anhnah lawng a ei.

ROM 14:6

Ni ultu nih Bawipa caah a ulh tawn, ulh khunmi a ngei lomi zong nih a ulh lo cu Bawipa caah a si. Eitu nih Bawipa sinah lawmhnâk bia a chim i Bawipa caah a eimi a si; cun a ei lotu zong nih Bawipa sinah lawmhnâk bia chimin a ei lomi a si.

1 KORIN 6:13

Eiding cu paw caah a si, paw zong eiding caah a si, asinain Pathian nih a hrawh ve ve lai. Taksa hi nupa sual tuahnâk caah a si lo i Bawipa caah a si. Bawipa zong cu taksa caah a si.

1 KORIN 8:8

Asinain eiding nih hin Pathian lung a kan tonter lai lo, kan ei lo tikah kan ṭhadeuh hlei lai lo, kan ei zongah kan ṭha deuh hlei lai lo.

2 KORIN 1:21

Cubangin Krih ah kannih le nannih a kan fehtertu le sathau a kan thuhtu cu Pathian a si;

GALATI 6:1

Unau hna, mi pakhat cu sual nih a tlaih tikah, nannih thlarau mi hna nih nunnemnâk in an sinâkhmasa ah siter ṭhân va zuam ulaw, tukforhnâk nan ton sualnâk hnga lo ralrinnâk tu ah hmang u.

EFESA 4:14

fimzer ngai le thiam ngaiin mi a hlengtu cawnpiaknâk thlitu phunkip nih a thenh lengmang mi ngakchia si ti loin,

EFESA 5:6

Ahohmanh nih pakpalawng biain in hleng hna hlah seh: cuthil hna ruangah dah kaw zumlotu cungah Pathian thinhunnâk cu a langh tawn.

KOLOSE 2:4

Cubangin hihi ka chim, culoahcun biachimthiamnâk men in hlen nan si sual lai;

2 THESALON 2:17

nan lungthin kha hnangam terin bia ṭha phun kip le tuahsernâk phun kip in in fehter hna seh.

2 THESALON 2:2

kanmah chimmi bang i puh in, ca in siseh, bia in siseh, thlarau in siseh, Krih ni cu a phân diam cang timi nih nan ruahnâk a hninh i nan buai nâkhnga lo kan in nawl hna.

1TIMOTE 6:20

Aw Timote! nakut i chiahmi cu ṭha tein kilveng, Pathian-ṭihzahlonâk bia chim le ralchanhmi biafang hngalhnâk tiah silo ngaiin min an bunhmi kha hrial i zuam.

1JOHAN 4:1

Dawtmi hna thlarau kip in va zum hlah u, asinain thlarau kha Pathian sin in an si le si lo kha hniksak hna u, zeicatiah vawlei ah hin profet deu tampi an chuah cang.

JUDAS 1:12

Cuhna cu nan dawtnâk rawl thurhnawmtertu an si, ṭihnâk zeihmanh ngei loin, mah zawn lawng ruahnâk lungput he nan sinah an i tel tawn. Ruah ti a phor lomi khuadawm, thli nih a chawih lengmangmi bantuk an si, favâng thingkung theipar ngei lo, voihnih a thih hnu i a hram in bonghmi bantuk an si,

JUDAS 1:3

Dawtmi hna, kan co ṭimi khamhnâk kong nan sinah biatak tein ṭial ka timh nain mithiang hna sinah pêkchanh cangmi, hi zumhnâk kong hi felfai tein nan kilven khawhnâk lai, thazâng pêknâk biatu nan sinah ṭial a herh deuh tiah ka ruah.