HEBRU 13:4 - Laibaibal Thiang (BSI)

⁴ Mi vialte sinah ṭhit-umh hi hmaizah siseh law, nuva ihkhun kha thûrter sihlah seh. Nupa sualnâk a tuahmi le ṭangdang kaimi cu Pathian nih bia a ceih hna lai.

Lai (Hakha) Common Language Bible 2006

⁴ Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

HEBRU 13:4 ပူးပေါင်းရင်းမြစ်များ

1 KORIN 5:13

Lênglei mi hna cu Pathian nih a ceih te ko lai. Cucaah cubantuk mi ṭhalo hna cu nansin in chuah hrimhrim hna u.

1 KORIN 6:18

Nupa sualnâk tuah hi zâmtâk u. Minung tuahmi sualnâk tampi cu pum lenglei ah a si. Nupa sualnâk a tuahtu cu amah pum cungah sualnâk a tuahtu a si.

1 KORIN 6:9

Miding lomi hna nih Pathian pennâk an co lai lo ti nan hngal lo maw? Hlen in um hlah u. Nupa sualnâk a tuahmi, milem a biami, ṭangdang kaimi, mi hor, tawka hormi,

1 KORIN 7:38

Cuticun va a ngeihtertu nih thil ṭha a tuah ko, a ngeihter lotu zong nih khan thilṭha chinchin a tuah.

1 KORIN 9:5

Lamkaltu dang, Bawipa unau le Peter bantukin khualtlawnnâk ah zumtu nupi hruainâk nawl kan ngei ve lo maw?

2 KORIN 5:10

Zeitintiah mikip nih taksa in a chia a ṭha an tuahmi vialte an hmuh ṭhân dih nâkhnga, Krih biaceihnâk ṭhutdanh hmai ah langhter kan si dih lai.

GALATI 5:19

Thisa duhnâk hna cu a fiang ko, cuhna cu, ṭangdangkainâk, nupa sualnâk, thurhnawmhnâk, hornâk,

GALATI 5:21

hnahchuahnâk, lainawnnâk, zuritnâk, zuhmun nuamtinâk hna an si. Cubantuk thil tuah a hmangmi hna nih Pathian pennâk an co lai lo, tiah kan chimh chung hna bang khan, atu zongah ka chim ṭhân.

EFESA 5:5

Zeitintiah nupa sualnâk tuahtu, mithûrhnawm, hakkaumi, hakkauh cu milem biak a si: cubantuk mi hna nih Krih le Pathian Pennâk ah co awk ro zeihmanh an ngei lo ti kha nan hngalh.

1THESALON 4:6

hi kongah ahohmanh nih a unau cungah hibantuk sualnâk hi tuah hlah seh, Bawipa cu cubantuk sualnâk a tuahtu hna cungah lehrultu a si caah, kannih zong nih a hlan kanin ralrinnâk pein kan in hngalhter hna.

1TIMOTE 3:12

Kawhhran upa hna cu an inchungkhar le an fale zohkhenh a thiammi, nupi pakhat ngeimi an si awk a si.

1TIMOTE 3:2

Cuticun kawhhran hotu cu dotla, nupi pakhat ngei, â sumkhomi, ralringmi, nun can ṭha, mi conglomh thiam, cawnpiak thiam,

1TIMOTE 3:4

hmaizah awktlâk in inchungkhar le fale zohkhenhmi an si awk a si.

1TIMOTE 4:3

ṭhit-umh an kham i biatak hngal i a zummi hna nih lawmhnâk bia chim i an cohlanmi Pathian sermi rawl ei hlah u tiah an kham hna.

1TIMOTE 5:14

Cucaah a no deuhmi nuhmei hna cu vâ ngei ṭhân ko seh, fale ngeiin, chungkhar zohkhenh sehlaw, a kan ralchanhtu hna sawinâk cân rem tuah hna hlah seh law ka duh.

TITAS 1:6

mi pakhat khat kha sawiawk umlo, nupi pakhat ngei, zumhtlâk, fale nomhhnaihnâk le ningcang loin khua a sami an si lo ahcun upa rian ṭuan hna seh.

HEBRU 12:16

culoahcun, nupa sualnâk tuah hmangmi le Esau bangin Pathian upat lomi a um sual lai. Anih nih a fater sinâk kha rawl voikhat eiah a zuar.

BIAPHUAN 22:15

Asinain lênglei ah uico hna le, doihthiam hna, nupa sualnâk a tuahtu hna le, lainawngmi hna le siasal biami hna le lih a tlaihchantu hna le a hmangtu kha an um lai.