HEBRU 1:3 - Laibaibal Thiang (BSI)

³ Amah hi a sunparnâk ceu cu a si i Mi a sinâk kokek taktak langhtertu a si, a bia ṭhawnnâk nih zeizong vialte hi a tlaih i kan sualnâk kha Amah hrimhrim nih a thianter hnu ah Cungnung bik orhlei kamah a ṭhu.

Lai (Hakha) Common Language Bible 2006

³ Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 1:3 ပူးပေါင်းရင်းမြစ်များ

SALM 110:1

BAWIPAnd nih ka Bawipa sinah, “Na ral hna na ke lamhchan i ka ser hna hlan pauh cu, ka orhlei ah ṭhu,” tiah a ti.

SALM 75:3

Vulei le a chung i ummi vialte an lo dih; a tung kha fek tein ka bunh. (Selah)

MATTHAI 22:24

“Cawnpiaktu, Moses nih, fa ngei loin mi a thih ahcun, a nau nih fa a ngeihpiak lai tiah,” a ti.

MARKA 16:19

Cubangin Bawipa nih an sinah bia a chim dih in vanah lâk in a um i Pathian orhlei kutah a ṭhu.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

JOHAN 1:29

A thaizingah Johan nih Jesuh asin i a rat kha a hmuh i, “Zohhmanh u! Pathian Tuufa, vawlei sualnâk a kalpitu khi!

JOHAN 1:4

Amah ah nunnâk a um, cu nunnâk cu minung hna ceunâk a si.

LAMKALTU 2:33

Cucaah Pathian orhlei kut ah thangṭhat in a um i pêk awkah kamhmi Thiang Thlarau cu Pa sinin a hmuh, atu i nan hmuh le nan theihmi hi Amah nih a kan toihmi a si.

LAMKALTU 7:56

“Zohhmanh u, van â ongmi ka hmuh i Pathian orhlei i Mi Fapa dir zong ka hmuh! tiah a ti.

ROM 1:16

Krih thawngṭha cu ka zahpi lo, zeitintiah a zummi vialte caah khamhnâk dingah Pathian ṭhawnnâk a si; a hmasa in Judah mi caah a si i Grik mi ca zongah a si.

ROM 8:34

ahonihdah thiamlo a coter lai? A thimi kha Krih a si, culawng hmanh si loin, a tho ṭhân i Pathian orhlei kamah um in a kan nawlpiaktu cu amah ṭhiamṭhiam kha a si.

2 KORIN 4:4

Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

KOLOSE 3:1

Krih sinah thawhter nan si ahcun cunglei Pathian orhlei ah a ṭhumi Krih umnâk i a ummi thil hna khi kawl u.

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

HEBRU 1:13

Asinain vanmi ahosin bik ahdah hihi a chim bal? “Na ral hna na ke chiahnâk i ka canter hlan pauh cu ka orhlei ah ṭhu,” tiin.

HEBRU 10:12

Asinain Anih nih cun zungzal caah sual thawinâk voikhat lawng a tuah hnu ah Pathian orhlei kam ah a ṭhu;

HEBRU 12:2

Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.

HEBRU 4:14

Cuticun van hmanh i a lan cangmi a lianngan Tlângbawi Nganbik, Jesuh, Pathian Fapa kan ngeih caah, kan zumhnâk hi fek tein i tlaih u sih.

HEBRU 7:27

Amah nih cu tlângbawi nganbik hna bantukin ni chiarte, Amah sualnâk caah raithawinâk pêk tain, cuhnu ah mizapi sualnâk ca i raithawinâk pêk ta kha a herh ve lo, zeicatiah Amah le Amah â pêk ah khan a lîm dih cang.

HEBRU 8:1

Cubangin hihi kan chimmi hna tlângkomhtu cu a si; cubantuk Tlângbawi Ngan bik, van cungah Cungnung bik ṭhutnâk orhlei kam i a ṭhumi,

HEBRU 9:16

Zeitintiah rovuihnâk câ a um nâkah, a thi cangmi rovuihtu zong a um hrimhrim a herh.

HEBRU 9:26

Cutin sihlahsehlaw, vawlei ser hramthawk khan voitampi a rak temtuar cang hnga. Asinain hi cân dongh ah hin, sualnâk hlawnh dingin a ra i Amah hrimhrim kha sual raithawinâk ah â pe.

1 PETER 1:21

Thihnâk in a thawh tertu le sunparnâk petu Pathian cu nan zumh i nan zumhnâk le ruahchannâk cu Pathian ah a um.

1 PETER 3:22

Amah cu vanah a kai i Pathian orhlei ah um in; van mi hna le, nawlngeihnâk le, ṭhawnâk hna cu Amah tangah chiahdih an si.

2 PETER 1:16

Zeitintiah zer ngai i `awnchawmmi tuanbia zulin, kan Bawipa Jesuh Krih rat`hannâk le a ṭhawnnâk kong hi kan chimmi a si lo, a sunparnâk mit hrimhrim i hmutu kan si.

2 PETER 1:17

Zeitintiah Pa Pathian sinin thangṭhatnâk le sunparnâk a hmuh lio ah, Liannganbik sinin aw a rak phân i, “Hihi ka Fapa dawtmi, kâ lawmhnâk bik cu a si,” tiin.

1JOHAN 1:7

Asinain Amah cu ceunâk ah a um bantukin, ceunâk ah kan um ahcun, pakhat le pakhat hawikawmhnâk kan ngei i a Fapa Jesuh Krih thisen in kan sualnâk vialte a kan thenh piak tawn.

1JOHAN 3:5

Amah cu kan sualnâk latu dingah langhter a si cang ti kha nan hngalh, Amah ah sual a um lo.

JUDAS 1:25

Amah lawng a fimmi kan Khamhtu Pathian sinah, sunparnâk le biaceihnâk, Uknâk le ṭhawnnâk hna cu Atu le zungzal tiangin um ko seh. Amen.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.

BIAPHUAN 4:11

“Maw Bawipa sunparnâk le thangṭhatnâk le ṭhawnnâk kha hmuh awkah nâ tlâk: Zeitintiah Nangmah nih zeizong vialte na ser i na duhning i um awkah ser an si,” tiah an ti.