HEBRU 1:2 - Laibaibal Thiang (BSI)

² hi ni hmadung ah a Fapa in kan sinah bia a chim cang, Amah cu thil vialte rocotu ah a ruah i Amah hmangin vawlei hi ser a si.

Lai (Hakha) Common Language Bible 2006

² Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

HEBRU 1:2 ပူးပေါင်းရင်းမြစ်များ

MATTHAI 13:39

Ralchanhtu, cideu a vorhtu cu khuachia a si, Rawlṭuan cu vawlei donghnâk ding kha a si; rawl ṭuntu cu vancungmi an si.

MATTHAI 17:5

A chim lioah khan, zohhmanh, a rângmi minmei nih a tuam hna i chikkhatteah minmei chungin aw pakhat a hung chuak, “Hihi Ka Fapa dawtmi a si, Amah bia kha ngai u,” tiah a ti.

MATTHAI 21:38

Dûm congtu hna nih a fapa an rak hmuh le cângkâ, ‘Hi pa hi ro cotu ding cu a si. Ra u that usih law a co hngami ro kanmah nih kan co lai,’ tiah an ti.

MATTHAI 26:63

Asinain Jesuh cu dai tein a um. Tlângbawi ngan bik nih, “Pathian nung chalh in nawl kan pek, Krih, Pathian Fapa cu na si maw, kan chim tuah? tiah a ti.

MATTHAI 28:18

Cun Jesuh cu an sinah rain bia a chimh hna, “Lei le van i nawlngeihnâk vialte ka sinah pêk a si cang.

MATTHAI 3:17

Cun ngaihmanh, van in aw a rung chuak i, “Hihi ka Fapa dawt, ka lawmh tukmi a si,” tiah a ti.

MARKA 1:1

Pathian Fapa, Jesuh Krih thawngṭha hramthawknâk:

MARKA 12:6

Cuticun fapa pakhat, a dawt ngaimi a ngei. Anih zong cu a thlah. Zeicatiah ka fapa cu an rak upat deuh lai, tiah a ruah.

MARKA 12:7

Asinain dûm congtu hna nih, “Hipa hi ro cotu a si. Ra u, that u sih, cun a co hngami ro kha kanmah ta a si ko lai,” tiah an ti.

JOHAN 1:10

Amah cu vawlei ah a um cang i vawlei hi Amah in ser a si, vawlei nih Amah cu a hngallo.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

JOHAN 1:3

Zeizong vialte hi Amah in ser a si, sermi vialte hi Amah lo in sermi zeihmanh a um lo.

JOHAN 13:3

Jesuh nih a kutah Pa nih thil vialte a pêk cangnâk le, Pathian sinin a rat bangin Pathian sinah a kir ṭhân lai ti kha a hngalh,

JOHAN 13:32

Amah in Pathian kha thangṭhat in a um ahcun, Pathian zong nih Amah hrimhrim in a thangṭhat lai, cun chikkhat te ah a thangṭhat lai.

JOHAN 15:15

Sinum kan ti ti hna lai lo, zeitintiah sinum nih a pu tuahmi a hngal bal lo, cucaah hawikawm kan ti cang hna lai; Pa sin in ka hngalhmi vialte nan sinah ka phuan dih cang.

JOHAN 16:15

Pa nih a ngeihmi vialte cu kata a si. Cucaah keimah sinin thil vialte a lâk lai i nan sinah a phuan lai, tiah kan chimh hna.

JOHAN 17:2

Mi vialte cung i nawlngeihnâk na pêk bangin, Anih zong nih na pêkmi vialte zungzal nunnâk a pek khawh hna nâkhnga.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

JOHAN 3:25

Johan zultu hna le Judah mi hna cu ṭawlthiannâk kongah an i êl.

JOHAN 5:26

Zeitintiah Pa nih Amah ah nun a ngeih bantukin Fapa zong Amah ah nun a ngeihkhawhnâk a pêk,

JOHAN 5:27

cun Mi Fapa a si ruangah a sinah biaceih dingin nawlngeihnâk zong a pêk.

JOHAN 9:29

Pathian nih Moses a chawnh tiah kan hngalh, hi pa hi khawzei leimi dah a si kan hngal lo,” tiah fakpi in an sîk.

LAMKALTU 10:36

Pathian nih Israel fale hna sinah bia a rak phâkter i daihnâk bia Jesuh Krih hmangin phuan a si-Amah cu mi vialte Bawi a si-

LAMKALTU 2:17

‘Ni hmadung ah hitihin a si lai tiah Pathian nih a ti. Mi vialte cungah ka Thlarau ka toih lai i nan fapa le nan fanu hna nih bia an phuan lai, nan tlangval hna nih langhnâk an hmuh lai i nan putar hna nih mang ah an manh lai.

ROM 1:4

thianhlimnâk Thlarau phungah thihnâk i a thawhṭhannâk nih Pathian Fapa a si zia thiltikhawhnâk in a phuan.

ROM 8:17

fa kan si ahcun, ro cotu kan si. Pathian ro cotu Krih ro copi hawi kan si, Amah kan tuarpi taktak ahcun a sinah thangṭhat kan si ve lai.

1 KORIN 2:7

Asinain Pathian biathli fimnâk kha kan chim tawn, â thupmi fimnâk, kan sunparnâk dingah Pathian nih vawlei ser hlanin a ruah cangmi kha,

1 KORIN 8:6

asinain kan caah Pathian pakhat lawnglawng Pa cu a um, Amah sin in zeizong vialte hi a chuak i kan nih zong Amah caah a ummi kan si, cun Bawipa pakhat Jesuh Krih lawnglawng a um, Amah thawngin zeizong vialte a um i Amah thawgin a nungmi kan si.

GALATI 4:4

Asinain a tlingmi cân a phâk tikah, Pathian nih a Fapa cu a run thlah, nu hrin nâkin, nawlbia tangah a rak chuak,

EFESA 1:10

A remruatmi cân a tlin tikah, Amah ah zeizong vialte, vanah a ummi le vuleiah a ummi he Krih ah a pumh dih khawh nâkhnga.

EFESA 3:9

Jesuh Krih thawngin zeizong vialte sertu Pathian nih zungzal in a rak thuhmi i hawikawmhnâk biathli cu mi vialte sinah phuang dingin hi zângfahnâk hi pêk ka si.

HEBRU 1:5

Zeitintiah vanmi ahosinahdah hi bia hi a chim bal? “Nang cu ka Fapa na si, Nihin ah kan hrin?” ti le, “Keimah cu Amah caah Pa ka si lai i Amah cu ka caah Fapa a si lai,” timi hi.

HEBRU 1:8

Asinain Fapa sinah hitinhin a chim, “Maw Pathian na bawi`hunhdanh cu, zungzal in zungzal ca a si. Dinnâk ṭhiangṭhunh zong na pennâk ṭhiangṭhunh a si.

HEBRU 11:3

Vawlei hi Pathian bia in ser a si tiah kan hngalhnâk cu zumhnâk a si, cuticun hmuhkhawh mi hna hi a langkhomi i ser an si lo.

HEBRU 2:3

hi tluk in a nganmi khamhnâk hi zei rel loin kan um ahcun, zeitindah kan luat khawh lai? Cucu a hramthawk ah Bawipa nih a rak chim i a theitu hna nih kan sinah an fehter.

HEBRU 3:6

asinain Krih cu Fapa bangin Pathian chungkhar cungah zumhtlâk a si i chungkhar cu kanmah hi kan si, a dongh tiangin duh a nungmi zumhnâk le ruahchannâk kha kan i tlaih ahcun.

HEBRU 4:14

Cuticun van hmanh i a lan cangmi a lianngan Tlângbawi Nganbik, Jesuh, Pathian Fapa kan ngeih caah, kan zumhnâk hi fek tein i tlaih u sih.

HEBRU 5:8

Fapa asikonain, a tuarmi thil ah nawlngaih kha a cawn,

HEBRU 7:28

Zeitintiah nawlbia nih derthawmnâk a ngeimi minung kha tlângbawi ngan ah a ruah tawn nain nawlbia umhnu ah chiat i serhnâk bia nih, Fapa, zungzal ca i tlintermi kha a ruah.

HEBRU 7:3

Amah cu pa ngeilo, nu ngeilo, hringsortu ngeilo, hramthawknâk le donghnâk zong ngei lomi Pathian Fapa bangin canter a si i peh thliah mahin tlângbawi a si.

HEBRU 9:26

Cutin sihlahsehlaw, vawlei ser hramthawk khan voitampi a rak temtuar cang hnga. Asinain hi cân dongh ah hin, sualnâk hlawnh dingin a ra i Amah hrimhrim kha sual raithawinâk ah â pe.

1 PETER 1:20

Amah cu vawlei serhlan in khaukhih a si cang, asinain hi ni hmadung bik ah hin nanmah caah langhter a si.

2 PETER 3:3

hihi hngal hmasa u, ni hmadung ah nihsawhtu kha an chuak te lai, anmah duhnâk bangin an ra lai i

JUDAS 1:18

cân hmadungah nisawh tu hna an um te lai, Pathian-zeirellonâk he anmah duhning lawngin khua a sami an si lai, tiah an chim chung cangmi kha philh hlah u.