FILIPI 4:9 - Laibaibal Thiang (BSI)

⁹ Nan cawnmi, nan pommi, nan theihmi le keimah i nan hmuhmi zong kha, khabantuk kha tuah u, cuticun daihnâk Pathian nih an umpi hna lai.

Lai (Hakha) Common Language Bible 2006

⁹ Keimah sinin nan hngalhmi le nan hmuhmi kha tuah i zuam hna u, ka chimmi nan theihmi si hna seh, ka tuahmi nan hmuhmi si hna seh, tuah i zuam hna u. Daihnak a kan petu Pathian nih cun an umpi hna lai.

FILIPI 4:9 ပူးပေါင်းရင်းမြစ်များ

MATTHAI 1:23

“Ngaihmanh, ngaknu thiang fa a pawi lai i Fapa a hrin lai, A min ah Immanuel an ti lai,” timi a tlin nâkhnga ca-ah a si. Immanuel ti cu, “Kan sinah Pathian a um” tinâk a si.

MATTHAI 28:20

nawl kan pekmi vialte an zulh nâkhnga cawnpiak hna u; cun zohhmanh u, Kei, a zungzal in, vawlei dongh tiangin nan sinah ka um peng lai,” tiah a ti. Amen.

MATTHAI 7:21

Bawipa, Bawipa, aka timi pauh nih, vanbawi pennâk ah a lut lai lo; van i ka Pa duhnâk a tuahtu lawnglawng an lut lai.

LUKA 6:46

Zeiruangahdah ka bia nunpi ṭung loin nannih nih, Bawipa, Bawipa nan ka ti?

LUKA 8:21

Anih nih, “Kanu le ka nau le cu Pathian bia a thei i â nunpimi hna hi an si,” tiah a leh hna.

JOHAN 13:17

Hi thil hna hi nan hngalh ahcun, mithluachuak nan si lai.

JOHAN 15:14

Nawl kan pêkmi kha nan tuah ahcun ka hawi le nan si lai.

JOHAN 2:5

Anu nih chungṭuan sinah, “Nan sin i a chimmi pauh rak tuah u,” tiah a ti hna.

LAMKALTU 9:6

Khuaruahhar le ther buin, “Bawipa, zei tuah dingindah naka duh?” tiah a hal. Bawipa nih, “Tho law, khua ah va lut, cuticun na tuah ding cu chimh na si lai,” tiah a ti.

ROM 15:33

Daihnâk Pathian nih nan dihlak in umpi ko hna seh. Amen.

ROM 16:20

Cun daihnâk Pathian nih Satan cu nan ke tangah a khuai zau lai. Kan Bawipa Jesuh Krih zângfahnâk cu nan sinah um ko seh. Amen.

1 KORIN 10:31

Cucaah nan ei ah siseh, nan dinah siseh, nan tuahmi kipah Pathian sunparnâk ding lawng teah tuah u.

1 KORIN 14:33

Zeitintiah Pathian cu buainâk Pathian a si lo, kawhhran mithiang vialte hna an i pawlkomh bantukin, daihnâk Pathian a si.

1 KORIN 4:16

Cucaah rakka zohchunh u tiah kan nawl hna.

2 KORIN 13:11

A donghnâk ah ule nau hna, dam tein. Tlamtling tein um u. Hnangam tein um u, ruahnâk pakhat ngei ulaw, daihnâk he nung u, cun dawtnâk le daihnâk Pathian nih an umpi hna lai.

FILIPI 3:17

Unau hna ka umtuning hi rak i zohchunh u. Zohchunhding nankan ngei, kan nun ningin a nungmi hna kha i zohchunh hna u.

FILIPI 4:7

cun Pathian daihnâk, theihthiamnâk vialte a lonhtu nih khan nan lungthin le nan ruahnâk kha Krih Jesuh ah a kilven lai.

1THESALON 1:6

Cun harnâk fakpi temtuar buin bia kha cohlâng in Thiang thlarau ah lawmhnâk he Bawipa le kanmah zultu ah nan i cang,

1THESALON 2:14

Zeitintiah nannih ule nau hna, Judia ram i Pathian kawhhran hna, Krih Jesuh i a ummi hna zohchunhmi nan si. Zeitintiah annih nih Judah mi hna sinin an tuar bantukin nannih zong nih â tluk bakin nan rammi hna sinin nan tuar ve,

1THESALON 5:23

Atu ah daihnâk Pathian nih a dih um nâkin in thianter hna seh, nan thlarau le nan nunnâk le nan pum cu kan Bawipa Jesuh Krih a rat tikah sawiawk um loin himter si ko seh.

2 THESALON 3:4

Cun nawl kan in pêkmi hna kha nan tuah i nan tuah lengmang ko lai tiah Bawipa ah kan hna a ngam ko.

2TIMOTE 4:22

Bawipa Jesuh Krih na thlarau sinah um ko seh. Zângfahnâk na sinah um ko seh. Amen.

JEIM 1:22

Asinain mah le mah â hlengmi bangin, biangaitu lawng si loin nunpitu si u.

2 PETER 1:10

Cucaah unau hna, kawh nan sinâk le thim nan sinâk hi fehter dingin teihmâk chuah chin chin u, cucu nan tuah ahcun zeitikhmanhah nan tlu lai lo.

1JOHAN 3:22

Cun kan halmi kip kha a sinin kan hmuh, zeicatiah a nawlpêkmi kan zulh i a mit hmuh ah a lawmhnâk thil kha kan tuah caah a si.