FILIPI 3:9 - Laibaibal Thiang (BSI)

⁹ Amah i ummi ka si khawh nâkhnga, nawlbia zulh ruang i dinnâk si loin, Krih zumhnâk thawngin dinnâk, zumhnâk thawngin Pathian sinin dinnâk cu ka ngeihmi a si.

Lai (Hakha) Common Language Bible 2006

⁹ Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

FILIPI 3:9 ပူးပေါင်းရင်းမြစ်များ

SALM 14:3

An diklak in an pial cang, hmunkhat te ah an rawk cang; ṭhatnâk a tuahmi ahohmanh an um lo, pakhat hmanh an um lo.

SALM 143:2

Na sal hi bia ka ceih sawh hlah, zeitintiah na mit hmuh ah a dingmi ahohmanh an um lo.

SALM 19:12

Ahodah mah palhnâk a hngal kho? Â thupmi palhnâk chungin ka thianter.

MATTHAI 9:13

Raithawinâk nâkin zângfahnâk ka duh deuh timi sullam hi va cawng u. Zeitintiah miding caah ka ra lo i misual hna ngaihchihtertu ah ka ra.” tiah a ti hna.

ROM 1:17

Zeitintiah cuka ah zumhnâk in zumhnâk lila ah Pathian dinnâk cu langhter a si. “Miding cu zumhnâk in a nung lai,” tiah ṭial a si bangin.

ROM 10:10

Zeitintiah mi nih lungthin in an zumh i dinnâk an hmuh; kâ in an ṭanh i khamhnâk an hmuh.

ROM 16:7

Ka phun hawi Andronikas le Junias ka thong tlakpi hawi kha an kut ka tlaih hna, annih cu lamkaltu hna lakah min thang ngaimi an si i keimah hlan in Krih ah a um hmasami zong an si.

ROM 5:21

cuticun sualnâk nih thihnâk in a uk bangin, zângfahnâk nih dinnâk in kan Bawipa Jesuh Krih thawngin zungzal nunnâk tiangin a uk khawh.

ROM 8:1

Cucaah atu cu Krih Jesuh ah a um i thisa duhnâk zul loin, Thlarau duhnâk a zulmi hna caah cun thiamlocoternâk zeihmanh a um ti lo.

ROM 8:3

Zeitintiah thisa zângder ruangah nawlbia nih a tuah khawh lomi kha, Pathian nih a Fapa kha sual thisa bantukin, sual ruangah a run thlah i thisa ah a ummi sualnâk cu thiam lo a coter,

1 KORIN 1:30

Nannih tu cu Amah thawngin Krih Jesuh ah nan um, Amah cu Pathian sinin kan ca fimnâk, dinnâk, thiannâk le tlanhnâk a si,

2 KORIN 5:17

Cucaah mizei pauh Krih ah a um ahcun sertharmi a si, thilhlun cu an lo i ngaihmanh u, zeizong vialte a thar cang.

2 KORIN 5:21

Zeitintiah Amah ah Pathian dinnâk kan si khawh nâkhnga sualnâk zeihmanh a hngal lomi kha Pathian nih kanmah ruangah sualah a ser.

GALATI 2:16

Asinain nawlbia tuahsernâk thawngin minih thiam a co kho lo, Jesuh Krih zumhnâk thawng lawng lawngin thiam a co kho ti kha kan hngalh, kannih zong nih nawlbia tuahsernâk thawng si loin, Krih zumhnâk thawngin thiam kan co khawh nâkhnga, Krih Jesuh cu kan zumh, nawl bia tuahsernâk thawngin ahohmanh nih thiam an co lai lo.

FILIPI 3:6

zuamnâk lei ah kawhhran serhsattu ka si, nawlbia i dinnâk ah dotla ka si.

2TIMOTE 1:9

Amah nih kan tuahsernâk bang si loin Amah ruahning le zângfahnâk in a kan khamh i kawhnâk thiangin a kan kawh, cucu vawlei ser hlanin Krih Jesuh ah a kan pêk,

TITAS 3:5

dinnâk in tuahmi, kanmah hrimhrim nih kan tuahmi ruangah si loin, hrinṭhannâk i kholhthiannâk le Thiang thlarau tharchuahnâk in a velngeihnâk in Amah nih a kan khamh,

HEBRU 6:18

cucu thlenkhawh lomi thil pahnih: lihchim kholo Pathian a sinâk le, kan hmai i a chiahmi ruahchannâk hmuh awkah le himnâk ca i a zâmmi hna caah a ṭhawngmi hnangamnâk kan ngeih khawhnâk kha an si.

JEIM 3:2

Zeitintiah kan dihlak in thil tampi ah sualnâk kan tuah tawn. Bia chim lei i a palh lomi cu mi tlamtling a si i a pum â uk khomi a si.

2 PETER 1:1

Simon Peter, Jesuh Krih sal le, Lamkaltu nih, khamhtu Jesuh Krih kan Pathian dinnâk thawngin a sunglawimi zumhnâk kan comi bantuk a co vemi hna sinah,

1JOHAN 3:4

Sualnâk tuahtu pauh nih nawlbia zong a buar, zeitintiah sual cu nawlbuar a si.