FILIPI 2:1 - Laibaibal Thiang (BSI)

¹ Cucaah Krih ah thapeknâk a um i dawtnâk hnangamnâk a um i Thlarau hawikomhnâk, vêl le zângfahnâk kha a um ahcun,

Lai (Hakha) Common Language Bible 2006

¹ Khrih chung i nan nunnak nih khan an ṭhawnter hna maw? A dawtnak nih khan nan hna an ngamter hna maw? Thlarau he hawikomhnak nan ngei maw? Pakhat le pakhat nan i daw in nan i zaangfah maw?

FILIPI 2:1 ပူးပေါင်းရင်းမြစ်များ

SALM 133:1

Zohhmanh, unau rualrem tein khuasak ṭi hi a ṭha in a va nuam dah.

LUKA 2:25

Cun ngaihmanh, Jerusalem khua ah mi pakhat, a min Simeon a um, cupa cu mi dik le Pathian a tlaihchanmi a si i Israel Hnangamtertu ding kha a rak hngak pengtu a si, a cungah Thiang Thlarau a um,

JOHAN 14:18

Ngakṭah in kan kaltak hna lai lo, nan sinah ka ra ṭhân lai.

JOHAN 14:27

“Daihnâk kan chiahta hna, keimah daihnâk kan pêk hna, vawlei pêkmi bangin kan pek hna lo. Nan khuaruah har hlah seh, ṭih zong ṭih hlah u.

JOHAN 17:13

Atu na sinah ka ra cang lai. Kâ lomhnâk hi anmah ah a tlin khawh nâkhnga, hihi vawlei ah ka chimmi a si.

LAMKALTU 2:46

Cuticun nichiarte lungrual tein ṭempal ah an um tawn i innkhat hnu innkhat ah changreu cheu in lungthin tluangtlam le lawmhnâk he rawl an eiṭi tawn.

LAMKALTU 4:32

Zumtu hna cu lungthin hmunkhat le thlarau hmunkhat in an um, an lakah pakhat hmanh nih an ngeihmi ka ta ti loin thil vialte an i hrawm.

ROM 5:5

Cun ruahchannâk nih kan lung a donghter bal lo, zeicatiah kan sinah a kan pêkmi Thiang Thlarau thawngin Pathian dawtnâk cu kan lungthin chungah toih a si cang.

ROM 8:26

Cubangin Thlarau nih kan thazâng dernâk ah a kan bomh tawn. Zeitindah thla cam awk a si, ti hmanh kan hngalh lo cân ah Thlarau nih hmurkâ in chimkhawh lomi aihrâm nâkin kan caah thla a kan campiak tawn.

1 KORIN 12:13

Zeitintiah Judah siseh, Grik siseh, sal siseh, zalongmi si hna seh Thlarau pakhat i baptisma in ter in kan um dih, cu Thlarau pakhat cu a kan dinter ciomi a si.

1 KORIN 15:31

Kan Bawipa Jesuh Krih ah kan hmaihngalpi hna nâk chalh in, “Ni chiarte ka thi tawn” ka ti.

1 KORIN 3:16

Pathian ṭempal nan si le Pathian Thlarau nan chungah a um ti kha nan hngal lo maw?

2 KORIN 13:14

Bawipa Jesuh Krih zângfahnâk le, Pathian dawtnâk le, Thiang Thlarau hawikomhnâk cu nan dihlak cungah um ko seh. Amen.

2 KORIN 2:14

Cuticun Krih i teinâk chungah a ka hruaitu Pathian sinah lawmhnâk bia ka chim; kanmah hmangin Amah hngalhnâk rimhmui cu ka kipah â chawk.

GALATI 4:6

Fa nan si caah, Pathian nih a Fapa Thlarau cu nan lungthin ah a run thlah i, “Abba, Ka Pa,” tiin a au.

GALATI 5:22

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk,

EFESA 4:4

Ruahchannâk pakhat i kawh nan si bangin, pum pakhat le Thlarau pakhat lawnglawng a um,

FILIPI 1:8

Zeitintiah Jesuh Krih velngeihnâk thawngin nan dihlak i hmuh kan duhning hna a ka hngalhpitu cu Pathian a si.

FILIPI 3:3

Zeitintiah kannih Thlarau in Pathian a bia i thisa i bochan loin Krih Jesuh ah â lawmmi hna hi cuarpar tanmi kan si deuh,

KOLOSE 2:2

Pathian, Pa le Krih biathli hngalhnâk kongah an lungthin cu thazâng pêkmi a si i dawtnâk ah i funtom in a fekmi theihthiamnâk tling le rumnâk vialte kha an co khawh lai,

KOLOSE 3:12

Cucaah Pathian thimmi, a thiangmi le dawtmi nan si bangin velngeihnâk, zângfahnâk, toidornâk, nunnemnâk le lungsaunâk in i thuam u;

HEBRU 6:18

cucu thlenkhawh lomi thil pahnih: lihchim kholo Pathian a sinâk le, kan hmai i a chiahmi ruahchannâk hmuh awkah le himnâk ca i a zâmmi hna caah a ṭhawngmi hnangamnâk kan ngeih khawhnâk kha an si.

1 PETER 1:2

Jesuh Krih thisen thehnâk pom dingin Thlarau i thiantermi hna le, Pa Pathian hngalh chungmi bangin thimmi hna sinah, zângfahnâk le daihnâk karhter in um ko seh.

1JOHAN 3:24

A nawlpêk a zultu cu Amah ah a hmun i Amah zong a chungah a hmun ve. Amah kan sinah a hmun tiah kan hngalh khawhnâk cu Thlarau a kan pêkmi ah hin a si.

1JOHAN 4:12

Ahohmanh nih zeitik hmanh ah Pathian an hmu ballo. Pakhat le pakhat kan i dawt ahcun, Pathian kan sinah a hmun, a dawtnâk zong kanmah ah tlam a tling.

1JOHAN 4:16

Pathian nih kan ca i a ngeihmi dawtnâk cu kan hngalh i kan zumh. Pathian cu dawtnâk a si, cun dawtnâk i a hmunmi cu Pathian ah a hmun i Pathian zong a sinah a hmun.