BIAPHUAN 9:4 - Laibaibal Thiang (BSI)

⁴ Lei cung i ramhring hna le a hringmi vialte, thingkung vialte hna zong hrawk lo ding i nawlpêk an si, asinain an cal ah Pathian hmelchunhnâk a ngei lomi lawng kha harnâk pe dingin nawlpêk an si.

Lai (Hakha) Common Language Bible 2006

⁴ Ram hring siseh, thingkung siseh, ramkung siseh, hrawk hna hlah u, tiah an ti hna; an cal ah Pathian hmelchunhnak a ngei lomi lawnglawng kha nan hrawh khawh hna, ti an si.

BIAPHUAN 9:4 ပူးပေါင်းရင်းမြစ်များ

SALM 76:10

Minung thinhunnâk nih an thangṭhat hrimhrim lai, a tângmi na thinhunnâk he na tai ah nâ sawmh lai.

MATTHAI 24:24

Zeitintiah krih deu le profet deu an chuak lai i a nganmi hmelchunhnâk le khuaruahharnâk tuah in an in hlen hna lai. Si kho sehlaw thimmi hmanh an hlen khawh hna lai.

EFESA 4:30

Pathian Thiang Thlarau kha ngaihchiatter hlah u, tlanhnâk ni caah Amah ah chinchiahmi nan si cang.

BIAPHUAN 14:1

Cun ka hun zoh i Zion tlâng Tuufano a dirmi le a pawng i mi 144000 an cal ah a Pa min ṭialmi kha ka hmuh hna.

BIAPHUAN 6:6

Cun thilnung pali chungin aw nih, “Ngamu in changvut cuai khat, cun ngamu in barli changvut cuai thum, chiti le misur hang kha cu hrawk hna hlah” a ti kha ka theih.

BIAPHUAN 7:1

Cu thil hna hnu ah vanmi pali lei killi i a dirmi ka hmuh i leicung le rili le thingkung ah thli a hran nâkhnga lo, lei i thli pali kha an tlaih.

BIAPHUAN 8:7

Vanmi pakhatnâk nih a hun tum: Cun mei le rial nih a zulh i thisen he â cawhmi kha vulei ah a sur. Vulei cheuthum cheukhat kha a kâng dih, thingkung hna zong cheuthum cheukhat a kâng dih i ram hring vialte zong a kâng dih.