BIAPHUAN 7:14 - Laibaibal Thiang (BSI)

¹⁴ Keinih a sinah, “Ka pu nangmah nih na hngalh” tiah ka ti. “Hi hna hi harnâk nganpi chungin a rakchuakmi an si, an angki kha an suk i Tuufano thisen in ran termi an si tiah a ka leh.

Lai (Hakha) Common Language Bible 2006

¹⁴ “Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

BIAPHUAN 7:14 ပူးပေါင်းရင်းမြစ်များ

MATTHAI 24:21

Zeitintiah harnâk nganpi a tlung lai. Cubantuk harnâk cu vawlei semkâ in atu tiang a um bal lo i hmailei zong ah a um ti lai lo.

MARKA 13:19

Zeitintiah cu ni cu harnâk ni a si lai. Cubantuk harnâk cu Pathian nih vawlei a ser ri in a um bal lo i zeitikhmanhah a um ṭhân ti lai lo.

JOHAN 16:33

Keimah ah hnangam tein nan i dinh khawh nâkhnga hi bia hi nan sinah ka chimmi a si. Vawlei ah hin harnâk nan ton tawn, asinain hnangam tein um u, vawlei cu ka tei cang.”

LAMKALTU 14:22

Harnâk tampi tuarin Pathian pennâk ah kan luh awk a si ko, tiin zultu hna lungthin kha an ṭhawnter i zumhnâk ah fekte i dir dingin thazâng an pêk hna.

ROM 5:3

Culawng hmanh si loin, kan harnâk zongah kan i lawm. Harnâk nih inkhawhnâk a chuahter ti kha kan hngalh;

1 KORIN 6:11

Nan lakah cheu khat cu cubantuk tuah a hmangmi nan rak si. Asinain Bawipa Jesuh min le kan Pathian Thlarau ah `awlthian nan si cang, thianter nan si cang, thiamcoter nan si cang.

2 THESALON 1:4

Cuticun serhsatnâk le harnâk vialte nan tuarnâk i nan inkhawhning le nan zumhnâk ruangah Pathian kawhhran hna sinah kan hmai a hngal tawn,

HEBRU 13:12

Cubangin Jesuh zong nih, Amah thisen hrimhrim in mi a thianter khawh nâkhnga, hau lengah ah a rak tuar.

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

1 PETER 1:19

asinain sawi le mawhchiat awk um lomi tuufa thisen bantuk a sunglawimi Krih thisen in tlanhmi nan si kha nan hngalh.

1JOHAN 1:7

Asinain Amah cu ceunâk ah a um bantukin, ceunâk ah kan um ahcun, pakhat le pakhat hawikawmhnâk kan ngei i a Fapa Jesuh Krih thisen in kan sualnâk vialte a kan thenh piak tawn.

BIAPHUAN 1:5

Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

BIAPHUAN 12:11

Cun annih nih Tuufano thisen le a bia an hngalhternâk thawngin an tei cang, an nunnâk hmanh thih tiangin an daw lo.

BIAPHUAN 15:2

Cun tlângbantuk mei he â cawhmi thlalang rili ka hmuh i sahrang le a lem, a chinchhiahnâk le a min nambar hna cung i teinâk a hmumi hna nih thlalang rili cungah dir in Pathian tingtang kha an i put.

BIAPHUAN 17:6

Cu nu cu mithiang hna thisen le Jesuh ca i martar hna thisen in a rît kha ka hmuh. Cun cunu ka hmuh tikah, ka khuaruah a har tuk i ka ar ko.

BIAPHUAN 2:9

“Na tuahmi le na harnâk le na sifahning (a sinain na rum) kha ka hngalh; Judah mi tak si loin Judah mi ka si â timi hna nih an in thangchiat mi zong kha ka hngalh, asinain annih cu Satan sinagog an si,

BIAPHUAN 22:14

Khualipi kutkâ ah an luh i nunnâk thing cungah nawl an ngeih khawh nâkhnga a nawlpêk hna a tuahtu cu mithluachuak an si.

BIAPHUAN 5:9

Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.

BIAPHUAN 7:9

Cu thil hna hnu ah ka hun zoh i ngaihmanh mibupi ahohmanh i rel cawk lo, phunkip chung le hrinkip chung le, mikip chung le, holhphun kip chungin a rângmi angkifual in an i thuam, an kut in tûmhnah kha an i ken i bawiṭhutdanh hmai le Tuufano hmaiah an dir kha ka hmuh.